يُوحَنَّا 1:13 - كِتاب العَهد الجَّديد مِن الكِتاب المُقَدَّس

¹³ ديل هُم النّاس الكانو مَولودين، مُش بِدَم، و لا بِإرادَة جِسم، و لا مِن إرادَة راجِل، لَكِن مِن الله.

يُوحَنَّا 1:13 Referans Kwoze

١ يُوحَنَّا 3:9

كُلّو واحِد المَولود مِن الله ما بيَعمِل خَطيَّه، عَشان حَياة الله تِستَمِر فيهو، و ما بِقدَر يَخطى، عَشان هو مَولود مِن الله.

يَعْقُوب 1:18

مِن إرادَة نَفسو هو وَلَدنا بِكِلمَة الحَق عَشان نَكون أوَّل ثِمار مِن كُل الخَلَقو.

١ بُطْرُس 1:23

عَشان إتوَلَدتو مَرَّه تانيَه، ما مِن تيراب يَخسَر، لَكِن مِن الما يَخسَر، بِكِلمَة الله الحَيَّه و المُستَمِرَّه.

١ بُطْرُس 1:3

مُبارَك الله أبو رَبَّنا يَسُوع المَسيح! حَسَب رَحمَتو الكَتيرَه هو أدّانا وِلادَه تانيَه لِرَجاء حَي بِقيامَة يَسُوع المَسيح مِن بين المَيِّتين.

١ يُوحَنَّا 5:4

عَشان كُلُّ واحِد مَولود مِن الله يَغلِب الدُّنيا. و دي هي الغَلَبَه التَّغلِب الدُّنيا، أيمانّا.

١ يُوحَنَّا 4:7

يا مَحبوبين، خَلّونا نَحِب بَعَضَنا بَعض، عَشان المَحَبَّه هي مِن الله، و كُلّو واحِد البِحِب، هو مَولود مِن الله و بِعرِف الله.

تِيطُس 3:5

هو خَلَّصنا، مُش بِأعمال البِر النِحنا عَمَلناها، لَكِن بِرَحمَتو. هو خَلَّصنا بِغَسيل الوِلادَه التّانيَه، و بِالرّوح القُدُس العَمَلنا ناس جُداد.

فيلِبّي 2:13

فِشان الله هو العامِل فيكُم الإرادَه و العَمَل عَشان تَعمِلو الحاجات التَّدّيهو فَرَح.

١ كُورِنْثُوس 3:6

أنا زَرَعتَ، و أَبُلُّوس أدّاها مويَه، لَكِن الله، هو الكان بِزيدو.

١ يُوحَنَّا 5:1

كُلّو واحِد بِآمِن بِيَسُوع هو المَسيح، هو مَولود مِن الله. و كُلّو واحِد بِحِب الأبو بِحِب المَولود مِنّو كَمان.

١ يُوحَنَّا 5:18

بِنَعرِف أن كُلّو واحِد مَولود مِن الله ما بِختى، لَكِن المَولود مِن الله يَحفَظ نَفسو، و الشَرِّير ما يَلمَسو.

يُوحَنَّا 3:3

يَسُوع رَدَّ و قال ليهو: ”الحَق الحَق أقول ليك، إن كان واحِد ما يِتوَلَد مِن فوق، هو ما بِقدَر يَشوف مَلَكوت الله.“

مَتَّى 3:9

و ما بِتَفتَكِرو تَقولو في نُفوسكُم: أبونا هو إِبْرَاهِيم. عَشان أقول ليكُم: الله يَقدَر يَطَلِّع أولاد لِإِبْرَاهِيم مِن الحُجار ديل.

١ بُطْرُس 2:2

زي أطفال إتوَلَدو هَسَّع، دورو اللَّبَن الرّوحي الما فيهو غِش، عَشان تَكبَرو بيهو لِلخَلاص،