يَعْقُوب 4:4 - كِتاب العَهد الجَّديد مِن الكِتاب المُقَدَّس

⁴ يا زانين، ما بِتَعرِفو حُب الدُّنيا عَداوَه لِلَّه؟ أي واحِد عاوِز يَكون صاحِب لِلدُّنيا يَبقى عَدو لِلَّه.

يَعْقُوب 4:4 Referans Kwoze

رُومِيَه 8:7

عَشان فِكر الجِّسِم يَحارِب الله. هو ما بِطيع قانون الله عَلَشانو ما بِقدَر يَطيعو.

غَلَاطِيَّه 1:10

هَسَّع بَطلُب أكون مَقبول قِدّام النّاس، ولّا قِدّام الله؟ ولّا بَطلُب أن أبسِط النّاس؟ إذا أنا لِسَّع أبسِط النّاس، ما بَكون خَدّام لِلمَسيح.

يُوحَنَّا 15:19

إذا كُنتو مِن الدُّنيا، ناس الدُّنيا كانو بِحِبّوكُم. و إنتو مُش مِن الدُّنيا، لَكِن أنا إختِرتَكُم مِن الدُّنيا. عَلَشان كِدا، ناس الدُّنيا بِكرَهوكُم.

مَتَّى 6:24

واحِد ما يَقدَر يَخدِم سَيِّدين، عَشان يا بِكرَه الواحِد و بِحِب التّاني، ولّا بِمسِك الواحِد و بيابا التّاني. ما تَقدَرو تَخدِمو الله و المال.

يُوحَنَّا 17:14

أنا أدّيتُم كَلامَك. و ناس الدُّنيا كِرهوهُم، عَشان هُم ما مِن الدُّنيا، زي ما أنا ما مِن الدُّنيا.

يَعْقُوب 1:27

الدّين النَّضيف و البِدون عيب قِدّام الله الأبو، هو زيارَة اليَتامى و الأرامِل في تَعبُم، و حِفظ الإنسان نَفسو بِدون نَجاسَه مِن الدُّنيا.

رُومِيَه 5:10

و وَكِت ما نِحنا كُنّا عُدوان الله، هو عَمَل سَلام مَعانا بِموت إبنو. و هَسَّع عَلَشان بِقينا مُصالِحين، كيف بِالأكتَر جِدّاً نِحنا بِنَخلَص بِحَياتو.

مَتَّى 16:4

ناس زَمَن بَطّال و البيَعمِلو الزِّنا بِطلُبو عَلامَه. و لَكِن ما بِدّوهُم عَلامَه إلّا عَلامَة يونان.“ و هو سابُم و مَشى.

يُوحَنَّا 7:7

ناس الدُّنيا ما بِقدَرو يَكرَهوكُم، لَكِن يَكرَهوني أنا، عَشان أنا بَشهَد عَليهُم إنّو أعمالُم بَطّالَه.

لُوقَا 19:27

لَكِن عُدواني ديل، الما عاوزين أنا أحكُم عَليهُم، جيبوهُم هِنا و أكتُلوهُم قِدامي.“

مَتَّى 12:39

لَكِن رَدَّ و قال ليهُم: ”ناس الزَّمَن دا البَطّالين و اليَعمِلو الزِّنا يَطلُبو عَلامَه. و لَكِن الله ما بِدّيهُم عَلامَه إلّا عَلامَة يونان النَّبي.

١ كُورِنْثُوس 1:20

وين الفَهيم؟ وين الكاتِب؟ وين المِشاكِل بِتاع الزَّمَن دا؟ الله ما عَمَل حِكمَة الدُّنيا دي تَبقى بَليدَه؟

١ كُورِنْثُوس 1:21

عَشان إذا كان الدُّنيا، في حِكمَة الله، ما عِرِفَت الله بِالحِكمَه، إنبَسَط الله أن يَخَلِّص المؤمِنين بِبَلادَة البِشارَه.