يَعْقُوب 4:11 - كِتاب العَهد الجَّديد مِن الكِتاب المُقَدَّس

¹¹ يا أخوان، ما تِتكَلَّمو الشَّر بَعضَكُم بَعض. البِتكَلَّم الشَّر عَلى أخوهو ولّا يَحكُم عَلى أخوهو، يتكَلَّم ضِد القانون، و يَحكُم عَلي القانون. و إذا تَحكُم عَلى القانون، إنتَ ما عامِل بِالقانون، لَكِن إنتَ قاضي ليهو.

يَعْقُوب 4:11 Referans Kwoze

١ بُطْرُس 2:1

عَشان كِدا، أرمو مِنَّكُم كُلّو شَماتَه و كُلّو غِش و النِّفاق و الحَسَد و كُلّو شَتيمَه.

رُومِيَه 2:1

عَلَشان كِدا، إنتَ بِدون عُذر، يا الزّول البِتَحكُم عَلى واحِد تاني. عَشان وَكِت ما تَحكُم عَلى التّاني، تَحكُم عَلى نَفسَك. عَلَشان إنتَ البِتَحكُم، بِتَعمِل الحاجات دي زاتا.

يَعْقُوب 5:9

ما تَشتَكو بَعضَكُم عَلى بَعض، يا أخوان، عَلَشان ما يَحكُمو عَليكُم. أهو دا القاضي واقِف قِدّام الباب!

لُوقَا 6:37

و ما تَحكُمو عَلى زول، عَشان إنتو ما بِتكونو مَحكومين. ما تَلَوِّمو، عَشان ما بِتكونو مَلَوِّمين. أغفِرو، و يِتغَفَر ليكُم.

١ كُورِنْثُوس 4:5

فِشان كِدا، ما تَحكُمو في حاجَه قُبّال الوَكِت، قُبّال ما الرَّب يَجي. هو بِجيب لِلنّور الحاجات الهَسَّع مَدسوسَه في الضَّلام، و بِوَرّي أفكار القُلوب. في الوَكِت داك، كُلّو واحِد بِقبَل حَمدو مِن الله.

أفَسُس 4:31

و شيلو مِنَّكُم كُلّو قَلب مُر، و زَعل، و غَضَب، و كوراك شَديد، و كُلّو مَكَر.

٢ كُورِنْثُوس 12:20

أنا بَخاف لَمّا بَجي ليكُم ما بَلقاكُم زي ما أنا عاوِز، و إنتو ما تَلقوني زي ما إنتو عاوزين. أنا بَخاف إنّو بِتكون بينكُم شَكلات و حَسَد و زَعل و إنقِسامات و شَتايِم و وَسوَسَه و كِبِر و دَوشَه.

٢ تِيمُوثَاوُس 3:3

و هُم بِدون مَحَبَّه، ما بِغفِرو، شَتَّامين، بِدون مَسِك النَّفس، قاسيين، بِكرَهو الكوَيس.

١ تِيمُوثَاوُس 3:11

و زي دا كَمان، خَلّي نَسوانُم يَكونو مُحتَرمات، ما بِشتِمو، يَمسِكو نُفوسُم، و أمينات في كُلّو حاجَه.

رُومِيَه 7:7

بِنقول شِنو؟ القانون خَطيَّه؟ ما مُمكِن! لَكِنّي ما عِرِفتَ الخَطيَّه شِنو، إلّا بِالقانون. ما كُنتَ عِرِفتَ الطَّمَع، إذا القانون ما كان قال: ”ما تَطمَع.“

رُومِيَه 2:13

عَشان مُش ديل البِسمَعو القانون هُم بارين قِدّام الله، لَكِن ديل البِعمِلو بِالقانون، هُم يَكونو بارين.

يَعْقُوب 1:25

لَكِن البِشوف في القانون الكامِل، قانون الحُرّيَّه، و بيَعمِلو و يِستَمِر فيهو، هو بِكون مُبارَك في عَمَلو، مُش هو البِسمَع و بَعدين بِنسى.

تِيطُس 2:3

و كِدا كَمان عَلِّم النِّسوان الكُبار في السِّن أن يَعِيشو في خوف الله، ما بِشتِمو و ما بِدّو نُفوسُم لِلخَمر، لَكِن بِعَلِّمو حاجات كوَيسَه.

يَعْقُوب 1:16

ما تَكونو مَغشوشين، يا أخواني المَحبوبين.

يَعْقُوب 1:19

أعرِفو دا، يا أخواني المَحبوبين. خَلّي كُلّو زول يَكون قَوّام في السَمَع، بِشيش في الكَلام، بِشيش في الزَّعَل.

يَعْقُوب 2:8

إذا تَتِمّو القانون المَلوكيَه، بِحَسَب الكِتاب: ”تَحِب قَريبَك زي نَفسَك،“ تَعمِلو طَيب.

يَعْقُوب 5:7

عَلَشان كِدا، أصبُرو، يا أخوان، لِغايَة ما الرَّب بِجي. شوفو كيف المُزارِع بِستَنّى ثِمار الأرض الغالي، و يَصبُر عَليهو حَتّى هو ياخُد المَطَر البِجي بَدري و البِتأخَّر.

يَعْقُوب 5:10

يا أخوان، أُخدو الأنبياء الإتكَلَّمو بِإسم الرَّب زي مَثَل لِإحتِمال الضّيق و الصَّبر.