يَعْقُوب 1:3 - كِتاب العَهد الجَّديد مِن الكِتاب المُقَدَّس

³ عارِفين إمتِحان إيمانكُم يَجيب الصَّبر.

يَعْقُوب 1:3 Referans Kwoze

عِبرانيين 10:36

إنتو تَحتاجو لِلصَّبر، حَتّى إذا عَمَلتو إرادَة الله، بِتَقبَلو الوَعد.

كُولُوسِّي 1:11

و تِتشَدَّدو بِكُلّو قُوَّه حَسَب قُدرَة مَجدو، عَشان تَقدَرو تَشيلو كُلّو حاجَه بِصَبر و روح طَويلَه و بِفَرَح.

١ بُطْرُس 1:7

و داك يَكون لِبيّنَة إيمانكُم. الدَّهَب، البِخسَر، يَمتَحِن بِالنّار. و كِدا إيمانكُم، الغالي مِن الدَّهَب، لازِم يَمتَحِن كَمان عَلَشان يَكون لِلحَمد و المَجد و الإحتِرام عِند ظُهور يَسُوع المَسيح.

رُومِيَه 8:28

نِحنا بِنَعرِف الله يَساعِد في كُلّو حاجَه لِخير النّاس البِحِبّوهو، الهو ناداهُم حَسَب تَرتيبو.

٢ كُورِنْثُوس 4:17

عَشان الضّيق الخَفيف بِتاع الوَكِت دا، يَعمِل لينا مَجد أبَديَّه بِزيد أكتَر و أكتَر في الوَزِن.

رُومِيَه 15:4

كُل الكان مَكتوب مِن قُبّال مَكتوب لِتَعليمنا، عَلَشان يَكون عِندَنا الرَّجاء بِالصَّبر و تَعزيات الكُتُب.

٢ بُطْرُس 1:6

و تَزيدو لِلمَعرِفَه مَسِك النَّفس، و لِمَسك النَّفس الصَّبر، و لِلصَّبر خوف الله،

رُومِيَه 8:25

لَكِن إذا عِندَنا رَجاء لِلما بِنشوفو لِسَّع، بِالصَّبر نِستَنّاهو.

عِبرانيين 12:1

و عَلَشان في حَوَلينا سِحابَه كَبيرَه زي دي مِن الشّاهِدين، خَلّونا نَرمي مِنَّنا كُلّو حِمِل و الخَطيَّه البِتضَيقنا بِالسُّرعَه. و خَلّونا نَجري بِالصَّبر السَّبَق المَختوت قِدّامنا.

٢ تَسَالُونِيكِي 3:5

و الرَّب يَقود قُلوبكُم لِمَحَبَّة الله و لِصَبر المَسيح.

٢ تَسَالُونِيكِي 1:4

عَلَشان كِدا، نِحنا نُفوسنا نَفخِّر بيكُم في كَنايس الله فِشان صَبرَكُم و إيمانكُم في كُلّو طُرودكُم و أتعابكُم الإنتو تِتحَمَّلوها.

رُومِيَه 2:7

و اليِستَمِرّو في العَمَل الطَّيب و يَطلُبو المَجد و الإحتِرام و الما بِموت، هو بِدّيهُم الحَياة الأبَديَّه.

لُوقَا 21:19

إذا تَكونو ثابِتين، تَخَلِّصو حَياتكُم.

عِبرانيين 6:12

و نِحنا ما عاوِزينكُم تَكونو كَسلانين، لَكِن تَعمِلو زي ديل البِالإيمان و الصَّبر الطَّويل يورَثو الوُعود.