يَعْقُوب 1:26 - كِتاب العَهد الجَّديد مِن الكِتاب المُقَدَّس

²⁶ إذا واحِد يَفتَكِر نَفسو ديني، و هو ما عِندو سُلطَه عَلى لِسانو، هو يَغِش نَفسو. دين الزّول دا بِدون فايدَه.

يَعْقُوب 1:26 Referans Kwoze

أفَسُس 4:29

ما تَخَلّو كَلام بَطّال يَمرُق مِن خُشومكُم، لَكِن كَلام كوَيس البِساعِد، عَشان يَدّي نِعمَه لِلنّاس اليَسمَعو.

١ بُطْرُس 3:10

عَشان: ”الدّايِر يَحِب الحَياة و يَشوف أيام طَيبَه، خَليهو يَحفَظ لِسانو مِن الشَّر و خَشمو مِن كَلام الغِش.

أفَسُس 5:4

و كِدا ما تِتكَلَّمو كَلام وَسخان ولّا بَليد ولّا كَلام خَفيف الما يَوافِق. لَكِن أدّو الشُّكر لِلَّه.

كُولُوسِّي 4:6

خَلّو كَلامكُم دايماً يَكون بِنِعمَه، زي الأكل الفيهو مِلِح، عَلَشان تَعرِفو كيف تَرُدّو كوَيس عَلى كُلّو واحِد.

يَعْقُوب 1:22

و لَكِن كونو عامِلين بِالكِلمَه، ما سامعين ليها بَس، و كِدا تَغِشّو نُفوسكُم.

يَعْقُوب 1:19

أعرِفو دا، يا أخواني المَحبوبين. خَلّي كُلّو زول يَكون قَوّام في السَمَع، بِشيش في الكَلام، بِشيش في الزَّعَل.

لُوقَا 8:18

عَلى كِدا، خَلّو بالكُم بِتَسمَعو كيف. عَشان العِندو يَدُّوهو. و الما عِندو، حَتّى البِفتَكِر هو عِندو، يَاخُدوهو مِنّو.“

غَلَاطِيَّه 6:3

و إذا واحِد يَفتَكِر نَفسو حاجَه، و هو ما حاجَه، هو بِغِش نَفسو.

غَلَاطِيَّه 2:6

و لَكِن المُحتَرمين ما زادو و لا شي لِبِشارتي. و المُحتَرمين كانو شِنو ما بِهِمّني، عَشان الله ما بِشوف الوشوش.

مَرْقُس 7:7

يَعبُدوني بِدون فايدَه، و يَعَلِّمو تَعاليم أوامِر النّاس.

١ كُورِنْثُوس 15:2

و بِالإنجيل دا تَخلَصو إذا كُنتو تَمسِكو بِالكَلام البَشَّرتَكُم بيهو، إذا ما آمَنتو بِدون فايدَه.

مَتَّى 15:9

يَحمَدوني ساكِت و بِعَلِّمو أوامِر بِتاع النّاس بَس.“

١ كُورِنْثُوس 15:15

و يَلقونا كَمان شاهِدين كَضّابين لِلَّه، عَشان شِهِدنا بِالله، هو قَوَّم المَسيح. لَكِن هو ما قَوَّمو إذا كان المَيِّتين ما بِقومو.

يَعْقُوب 2:20

لَكِن يا الإنسان الغَشيم، إنتَ داير تَعرِف، أن الإيمان بِدون الأعمال ما ليهو فايدَه؟

غَلَاطِيَّه 3:4

تِعِبتو قَدُر دا بِدون فايدَه؟ إذا بِالحَق يَكون بِدون فايدَه.

غَلَاطِيَّه 2:9

و يَعْقُوب و بُطْرُس و يُوحَنَّا، و هُم المُحتَرمين زي عِمدان، أدّاني أنا و بَرْنَابَا يَمين الشَّرِكَه، لَمّا عِرفو النِّعمَه الأدّاني الله. هُم إتَّفَقو نِحنا نَمشي لِلأُمَم و هُم لِلمُطَهَّر.

١ كُورِنْثُوس 3:18

ما تَخَلّي واحِد يَغِش نَفسو. إذا أي واحِد فيكُم يَفتَكِر هو عِندو حِكمَه في الزَّمَن دا، خَليهو يَبقى بَليد، عَشان يَكون عِندو حِكمَه.