يَعْقُوب 1:12 - كِتاب العَهد الجَّديد مِن الكِتاب المُقَدَّس

¹² مُبارَك الرّاجِل البِتحَمَّل التَجرِبَه. عَشان إذا مَرَّه بِالإمتِحان، هو بِقبَل تاج الحَياة الوَعَد بيهو الرَّب لِلنّاس البِحِبّوهو.

يَعْقُوب 1:12 Referans Kwoze

١ بُطْرُس 5:10

و إلَه كُلّو نِعمَه ناداكُم لِمَجدو الأبَدي في المَسيح. و بَعَد ما إتوَجَّعتو وَكِت قَليل، هو نَفسو بِكَمِّلكُم و بِثَبِّتكُم، و بِشَدِّدكُم و بِيَعمِلكُم أُمَنا.

رؤيا 2:10

ما تَخاف مِن الحاجات الأنتَ ماشي تِتوَجَّع بيها. شوف، الشّيطان قَرَّب يَرمي بَعض مِنَّكُم في السِّجِن عَشان يِمتَحِنكُم. و بِكون عِندَكُم ضيق عَشَرَة أيام. كون أمين لِغايَة الموت، و أنا بَدّيك تاج الحَياة.

يَعْقُوب 5:11

شوفو! نَفتَكِر العِندَهُم صَبر مُبارَكين. سِمِعتو بِصَبر أيوب، و شُفتو العَمَل ليهو الرَّب في الآخِر. الرَّب عِندو رَحمَه و مَحَنَّه كَتيرَه.

رُومِيَه 8:28

نِحنا بِنَعرِف الله يَساعِد في كُلّو حاجَه لِخير النّاس البِحِبّوهو، الهو ناداهُم حَسَب تَرتيبو.

مَتَّى 10:22

و كُل النّاس بِكرَهوكُم عَشان إسمي. لَكِن البِشِد حيلو لِلآخِر، هو بِخلَص.

١ كُورِنْثُوس 9:25

و كُل اليَتعَب، يَمسِك نَفسو في كُلّو حاجَه. ديلاك عَشان ياخُدو تاج بِخسَر، و لَكِن نِحنا لِتاج ما بِخسَر.

١ بُطْرُس 3:14

و لَكِن إذا تِتوَجَّعو عَشان خاطِر البِر، إنتو مُبارَكين. ما تَخافوهُم، و ما تَضطَرِبو.

٢ تِيمُوثَاوُس 4:8

و مِن هَسَّع مَحفوظ لَي تاج البِر. و الرَّب، القاضي العادِل، بِدّيهو لَي في اليوم داك، و مُش لَي بَس، لَكِن لِكُلُّهُم البِحِبّو ظُهورو كَمان.

يَعْقُوب 2:5

أسمَعو، يا أخواني المَحبوبين، الله ما إختار مَساكين الدُّنيا دي عَشان يَكونو غَنيين في الإيمان و وُرّاث المَلَكوت الوَعَد بيهو لِلبِحِبّوهو؟

١ بُطْرُس 5:4

و لَمّا يَظهَر رَئيس الرُّعاه، بِتاخدو تاج المَجد الما بِفوت.

١ كُورِنْثُوس 2:9

لَكِن زي ما هو مَكتوب: ”العين ما شافَتو، و الأضان ما سِمِعَت بيهو، و ما دَخَل فِكِر زول عَن كُل الجَّهَّزو الله لِلبِحِبّوهو.“

رؤيا 3:21

البِغلِب، أنا بَدّيهو أن يَقعُد مَعاي عَلى كُرسي، زي ما أنا غَلَبتَ كَمان و قَعَدتَ مَعَ أبوي عَلى كُرسيو.

١ بُطْرُس 4:13

لَكِن أفرَحو، عَشان تَشتَرِكو في أتعاب المَسيح، حَتّى تَفرَحو في ظُهور مَجدو.

١ كُورِنْثُوس 8:3

و لَكِن إذا كان واحِد يَحِب الله، دا مَعروف عِند الله.

رؤيا 3:19

كُلُّهُم الأنا بَحِبُّم بَوَبِّخُم و بأدِّبُم. عَلَشان كِدا، كون حار و توب.

عِبرانيين 10:32

لَكِن إتزَكَّرو الأيام الفاتَت. في الوَكِت داك بَعَد ما قِبِلتو النّور، كان عِندَكُم صَبر عَلى حَرب صَعب مَعَ أتعاب.

عِبرانيين 6:15

و كِدا، بَعَد ما إستَنّى بِالصَّبر، إِبْرَاهِيم قِبِل الوَعَد ليهو.

مَتَّى 25:34

بَعدين المَلِك بِقول لِلنّاس الفي يَمينو: تَعالو، يا مُبارَكين مِن أبوي. أُخُد المَلَكوت المَجَهَّز ليكُم مِن بِدايَة الدُّنيا.

عِبرانيين 11:17

بِالإيمان إِبْرَاهِيم، لَمّا الله إمتَحَنو، قَدَّم إِسْحَاق. هو، القِبِل الوُعود، بَدا يَقَدِّم وَلَدو الوَحَيد،

١ يُوحَنَّا 4:19

نِحنا بِنحِب، عَشان هو حَبّانا في الأوَّل.

عِبرانيين 12:5

نِسيتو كِلمَة الشَّجاعَه اليتكَلَّم مَعاكُم زي أولاد: ”يا وَلَدي، ما تَحتَقِر تأديب الرَّب، و ما تَكونو ضَعيفين في الرَّجاء لَمّا يَوَبِّخَك.

لُوقَا 6:22

مُبارَكين لَمّا النّاس بِكرَهوكُم، و ما بِقعُدو مَعاكُم و بِشتِموكُم، و بِطَلِّعو عَليكُم إسم بَطّال عَشان إبن الإنسان.

رُومِيَه 5:4

و الصَّبر يَعمِلنا مَقبولين. و عَشان كِدا عِندَنا رَجاء.

٢ تِيمُوثَاوُس 2:15

أعمِل الأحسَن عَشان تَقَدِّم نَفسَك مَقبول لِلَّه، شَغّال الما لازِم يَخجَل، و البِعَلِّم كِلمَة الحَق بِطَريق تَمام.

١ بُطْرُس 4:14

إن شَتَموكُم عَشان خاطِر إسم المَسيح، إنتو مُبارَكين، عَشان روح المَجد، روح الله، قاعِد عَليكُم.