عِبرانيين 9:14 - كِتاب العَهد الجَّديد مِن الكِتاب المُقَدَّس

¹⁴ و عَلَشان دا الحَق، كَم بِالأكتَر دَم المَسيح عَمَل لينا! هو قَدَّم نَفسو لِلَّه بِالرّوح الأبَدي بِدون عيب. و دَمّو بِنَضِّف ضَمايرنا مِن الأعمال المَيِّتَه عَشان نَخدِم الله الحَي.

عِبرانيين 9:14 Referans Kwoze

عِبرانيين 10:22

عَلَشان كِدا، خَلّونا نَقَرِّب بِقَلِب أمين و في كُلّو تأكيد الإيمان، و قُلوبنا مَرشوشَه عَشان يَنَضِّفنا مِن ضَمير بَطّال و أجسامنا مَغسولين بِمويَه نَضيفَه.

١ بُطْرُس 1:19

لَكِن بِدَم كَريم زي مِن حَمَل بِدون عيب ولّا أي شي ناقِص، هو دَم المَسيح.

١ يُوحَنَّا 1:7

و لَكِن إذا نَمشي في النّور زي ما هو في النّور، عِندَنا شَرِكَه بَعَضَنا مَعَ بَعض. و دَم يَسُوع إبنو يَنَضِّفنا مِن كُلّو خَطيَّه.

عِبرانيين 9:12

هو ما دَخَل بِدَم غَنَم و عُجول، لَكِن بِدَم نَفسو مَرَّه واحدَه لِقُدُس الأقداس، و جاب لينا فِداء أبَدي.

١ بُطْرُس 2:24

هو نَفسو حَمَل خَطايانا في جِسمو عَلى الصَّليب، عَشان نِحنا نَموت عَن الخَطيَّه و نَعيش لِلبِر. و بِجُروحو، هو شَفاكُم.

١ بُطْرُس 3:18

عَشان المَسيح كَمان مات مَرَّه واحدَه فِشان الخَطايا، مات البار عَن المُذنِب عَشان يَقَرِّبنا لِلَّه. كَتَلوهو في الجِّسم، لَكِن عَمَلوهو حَي في الرّوح.

عِبرانيين 7:27

و مُش زي رؤساء القُسُس ديل، هو ما عِندو إحتِياج أن يَقَدِّم كُلّو يوم ضَبايح عَن خَطاياهو في الأوَّل، و بَعدين عَن خَطايا النّاس. هو عَمَل دا مَرَّه واحدَه لَمّا قَدَّم نَفسو.

١ بُطْرُس 4:2

عَشان ما يَعيش الوَكِت الباقي في الجِّسِم لِشَهوات النّاس، لَكِن لِإرادَة الله.

عِبرانيين 1:3

و الإبن هو النّور بِتاع مَجد الله، و هو صورَة طَبيعَتو، و شايل كُل الحاجات بِكِلمَة قُدرَتو. و بَعَد ما هو عَمَل نَضافَه لِلخَطايا، هو قَعَد عَن يَمين الله العَظيم في السَّما.

تِيطُس 2:14

هو أدّا نَفسو فِشانّا عَشان يَفدينا مِن كُلّو ذَنب، و يَنَضِّف لِنَفسو ناس يَكونو مُلكو، و عِندَهُم غيرَه لِكُل الأعمال الكوَيسَه.

رؤيا 1:5

و مِن يَسُوع المَسيح الشّاهِد الأمين و البِكر مِن بين المَيِّتين و رَئيس مُلوك الأرض. ليهو البِحِبّنا و أدّانا الحُرّيَّه مِن خَطايانا بِدَمّو.

عِبرانيين 6:1

عَلَشان كِدا، خَلّونا نَسيب التَّعاليم الفي البِدايَه عَن المَسيح، و نِتقَدَّم لِلكَمال. و ما نَخُت مَرَّه تانيَه أساس التّوبَه مِن الأعمال المَيِّتَه و الإيمان بِالله،

رُومِيَه 6:13

و ما تَدّو أعضاء جِسِمكُم لِلخَطيَّه عَشان تَعمِلو الشَّر، لَكِن أدّو نُفوسكُم لِلَّه زي ناس حَيين بَعَد ما كُنتو مَيِّتين. و أدّو أعضاء جِسِمكُم عَشان تَعمِلو بِر الله.

١ يُوحَنَّا 3:5

و بِتَعرِفو هو ظَهَر عَشان يَشيل عَنّا خَطايانا، و ما فيهو خَطيَّه.

رُومِيَه 6:22

لَكِن هَسَّع بِقيتو حُرّين مِن الخَطيَّه، و بِقيتو خَدّامين لِلَّه. و عِندَكُم فايدَه في القَداسَه، و النِّهايَه، حَياة أبَديَّه.

عِبرانيين 10:2

و إذا دا كان مُمكِن، ما كانو وَقَفو يَقَدِّموها؟ و عَلَشان البِيَعبُدو بِقو نُضاف مَرَّه واحدَه، هُم بَعَد دا ما بِكونو عِندَهُم ضَمير عَن خَطايا.

أفَسُس 5:2

و عيشو في المَحَبَّه، زي المَسيح حَبّانا و أدّا نَفسو عَشان خاطِرنا، تَقدِمَه و ضَبيحَه لِلَّه زي ريحَه كوَيسَه.

أفَسُس 2:5

عَمَلنا حَيين مَعَ المَسيح لَمّا كُنّا مَيِّتين بِالخَطايا. عَشان بِالنِّعمَه إنتو مُخَلَّصين.

٢ كُورِنْثُوس 5:21

المَسيح ما عَمَل الخَطيَّه، لَكِن الله خَتَّ خَطايانا عَليهو. و عَلَشان كِدا نِحنا نَبقى بارين قِدّام الله في المَسيح.

رُومِيَه 11:12

لَكِن إذا ذَنبُم كان غِنى لِلدُّنيا، و خَسارَتُم غِنى لِلأُمَم، كيف بِالأكتَر لَمّا يَكونو كامِلين!

لُوقَا 1:74

إنّو يَخَلِّصنا مِن إيدين عُدوانّا عَشان نَخدِمو بِدون خوف،

١ بُطْرُس 2:22

و هو ما عَمَل خَطيَّه، و ما كان مَوجود في خَشمو غِش.

١ تِيمُوثَاوُس 1:17

و لِلمَلِك الأبَدي، الما بِموت، الما نَقدَر نَشوفو، الإلَه الوَحيد، ليهو الإحتِرام و المَجد لِلأبَد. آمين.

غَلَاطِيَّه 2:19

عَشان بِالقانون أنا مُتَّ لِلقانون، عَشان أعيش لِلَّه.

٢ كُورِنْثُوس 6:16

و الإتِّفاق شِنو بين هيكَل الله و الأصنام؟ عَشان نِحنا هيكَل الله الحَي، زي ما الله قال: ”أنا بَسكُن فيهُم و أمشي في وَسِطُم، و بَكون ليهُم إلَه، و هُم بِكونو لَي ناس.

رُومِيَه 11:24

إنتو الأُمَم، زي فَرَع مِن شَجَرَة زيتون الخَلا، كان مَقطوع. و بَعدين، بِالعَكس لِلطَّبيعَه، الفَرَع كان مَجموع لِشَجَرَة الزّيتون الطَّيبَه. اليَهود زي شَجَرَة الزّيتون الطَّيبَه دي. و كِدا كيف ساهِل لِلَّه يَلِم الفُروع الطَّبيعيَه لِشَجَرَتُم المَخصوص.

رُومِيَه 1:20

النّاس ما بِقدَرو يَقولو هُم ما عارِفين عَن الله. مِن خَليقَة الدُّنيا النّاس قِدرو يَشوفو الله مِثِل شِنو مِن الحاجات الهو خَلَقا. دا يَوَرّي قُدرَتو البِتِستَمِر لِلأبَد. و دا يَوَرّي هو الله.

يُوحَنَّا 3:34

و الرَّسَّلو الله، دا هو اليتكَلَّم بِكَلام الله. عَشان الله ما بِدّي الرّوح بالميزان.

لُوقَا 4:18

”روح الله عَلي، عَلَشانو مَسَحني فِشان أبَشِّر المَساكين. و رَسَّلني عَشان أنادي لِلمَحبوسين بِالحُرّيَّه، و لِلعَميانين عَشان يَشوفو، و بِالحُرّيَّه لِلقُلوبُم مَكسورَه

مَتَّى 20:28

زي ما إبن الإنسان ما جا عَشان النّاس يَخدِموهو، لَكِن عَشان يَخدِم النّاس، و عَشان يَدّي نَفسو فِداء لِناس كُتار.“

عِبرانيين 11:21

بِالإيمان يَعْقُوب، لَمّا كان بِموت، بارَك كُلّو واحِد مِن وَلَدين يُوسِف. و هو إنتَكَل عَلى راس عَصاهو و صَلّى.

عِبرانيين 9:9

و دا مَثَل لِلوَكِت الحاضِر، البِوَرّي إنّو الهَدايا و الضَّبايح الهُم قَدَّموها ما قِدِرو يَعمِلو ضَمير الزّول اليَخدِم كامِل.

أعمال الرُّسُل 14:15

”يا رُجال، بِتسَوّو دا لِشِنو؟ نِحنا كَمان ناس، عِندَنا نَفس الطَّبيعَه زيَكُم. و نَبَشِّركُم عَشان تَرجَعو مِن الحاجات البِدون فايدَه دي لِلَّه الحَي، الخَلَق السَّما و الأرض و البَحَر و كُل الفيها.

أعمال الرُّسُل 10:38

كيف الله مَسَح يَسُوع المِن النَّاصِرَه بِالرّوح القُدُس و القُوَّه. و هو كان بِمشي في كُلّو مَحَل و بيَعمِل الخير، و بِشفي كُلُّهُم الكانو تِحِت سُلطَة إبْلِيس. عَشان الله كان مَعاهو.

عِبرانيين 9:7

لَكِن رَئيس القُسُس بَس كان بِدخُل المَحَل التّاني، مَرَّه واحدَه في السَّنَه. و هو ما دَخَل بِدون دَم، الهو قَدَّمو عَن نَفسو و عَن خَطايا النّاس العَمَلوها بِدون مَعرِفَه.

١ تِيمُوثَاوُس 3:15

لَكِن إذا إتأخَّرتَ، إنتَ بِتَعرِف كيف النّاس لازِم يَعِيشو بين أهل بيت الله، الهو كَنيسَة الله الحَي، عَمود و أساس الحَق.

١ تَسَالُونِيكِي 1:9

عَلَشان هُم نُفوسُم يَخَبِّرو كيف قِبِلتونا، و كيف رَجَعتو لِلَّه مِن الأصنام عَشان تَخدِمو الله الحَي الحَقيقي.

أعمال الرُّسُل 1:2

لِغايَة اليوم الأخَدوهو لِلسَّما. و قُبّال ما أخَدوهو لِلسَّما، هو أمَر بِالرّوح القُدُس الرُّسُل الهو إختارُم.

لُوقَا 12:28

و إذا كان الله يَلَبِّس كِدا القَش الفي الزِّراعَه النَّهار دا، و بُكرَه بِرموهو في الفُرن، كَم بِالأكتَر يَلَبِّسكُم، يا قَليلين الإيمان.

لُوقَا 12:24

فَكِّرو في الطُّيور، الما بِزرَعو و لا بِجمَعو الدُّرَه، و ما عِندَهُم بيت و لا مَخزَن، و الله بِدّيهُم أكِل. و إنتو أحسَن مِن الطُيور بِكَتير!

مَتَّى 12:28

و لَكِن إذا أنا بِروح الله بَطَلِّع الشّياطين، دا يَعني مَلَكوت الله جا ليكُم.

مَتَّى 7:11

كِدا إذا إنتو البَطّالين تَعرِفو كيف تَدّو أولادكُم هَدايا كوَيسَه، كَم يَكون أبوكُم الفي السَّما أحسَن، اليَدّي هَدايا كَتيرَه ليكُم اليَسألوهو؟

رُومِيَه 1:4

و الرّوح القُدُس خَبَّر بِقُوَّه إنّو يَسُوع المَسيح هو إبن الله لَمّا قَوَّمو مِن بين المَيِّتين.

مَتَّى 16:16

سِمْعَان بُطْرُس رَدَّ عَليهو و قال: ”إنتَ المَسيح، إبن الله الحَي!“

أعمال الرُّسُل 15:9

و هو ما عَمَل فارِق بينَنا و بِينُم، عَشان نَضَّف قُلوبُم بِالإيمان.

١ كُورِنْثُوس 15:45

كِدا كَمان مَكتوب: ”آدَم الإنسان الأوَّل بِقى نَفس حَيَّه.“ و آدَم الأخير بِقى روح بِدّي حَياة.

عِبرانيين 3:12

شوفو، يا أخوان، عَشان ما بِكون في أي واحِد مِنَّكُم قَلِب بَطّال و بِدون إيمان، البِرَجِّع عَن الله الحَي.

عِبرانيين 7:16

و هو بِقى قَسّيس، مُش عَلى أساس قانون و أمر جِسمي، عَلى أساس قُوَّة حَياة ما عِندَها نِهايَه.

عِبرانيين 9:26

عَشان إذا كِدا، المَسيح كان لازِم يَتعَب مَرّات كَتيرَه مِن خَليقَة الدُّنيا. لَكِن هَسَّع هو ظَهَر مَرَّه واحدَه في نِهايَة الزَّمَن عَشان يَوَقِّف الخَطيَّه بِضَبيحَة نَفسو.

عِبرانيين 10:10

و بِالإرادَه دي، نِحنا بِقينا مُقَدَّسين بِتَقدِمَة جِسم يَسُوع المَسيح مَرَّه واحدَه.

عِبرانيين 10:12

لَكِن القَسِّيس دا، بَعَد ما قَدَّم عَن الخَطايا ضَبيحَه واحدَه لِلأبَد، هو قَنَّب عَن يَمين الله.

عِبرانيين 13:12

و عَلَشان كِدا، يَسُوع كَمان إتوَجَّع بَرَّه مِن باب المَدينَه، عَشان يَقَدِّس النّاس بِدَمّو.