عِبرانيين 8:1 - كِتاب العَهد الجَّديد مِن الكِتاب المُقَدَّس

¹ و راس الكَلام، دا هو: نِحنا عِندَنا رَئيس قُسُس زي دا، و هو قَنَّب عَن يَمين كُرسي الله العَظيم في السَّما.

عِبرانيين 8:1 Referans Kwoze

كُولُوسِّي 3:1

عَلَشان كِدا، إذا إنتو قُمتو مَعَ المَسيح، أطلُبو الحاجات الفي فوق، المَكان الفيهو المَسيح قاعِد عَن يَمين الله.

عِبرانيين 1:3

و الإبن هو النّور بِتاع مَجد الله، و هو صورَة طَبيعَتو، و شايل كُل الحاجات بِكِلمَة قُدرَتو. و بَعَد ما هو عَمَل نَضافَه لِلخَطايا، هو قَعَد عَن يَمين الله العَظيم في السَّما.

رؤيا 3:21

البِغلِب، أنا بَدّيهو أن يَقعُد مَعاي عَلى كُرسي، زي ما أنا غَلَبتَ كَمان و قَعَدتَ مَعَ أبوي عَلى كُرسيو.

عِبرانيين 12:2

خَلّونا نَعاين لِيَسُوع، رَئيس الإيمان و البِكَمِّلو. هو فِشان الفَرَح المَختوت قِدّامو، إتحَمَّل الصَّليب و إحتَقَر الخَجَل، و قَنَّب عَن يَمين كُرسي الله.

عِبرانيين 2:17

و عَلَشان كِدا، هو كان لازِم يَكون زي أخوانو في كُلّو حاجَه، عَلَشان يَكون رَئيس قُسُس رَحيم و أمين في حاجات الله. و عَشان يَدفَع عَن خَطايا النّاس.

عِبرانيين 10:12

لَكِن القَسِّيس دا، بَعَد ما قَدَّم عَن الخَطايا ضَبيحَه واحدَه لِلأبَد، هو قَنَّب عَن يَمين الله.

عِبرانيين 1:13

و الله لِمِنو مِن المَلائكَه في أي وَكِت قال: ”أقعُد عَن يَميني لِغايَة ما أعمِل عُدوانَك بَمبَر لِكِرعينَك؟“

أفَسُس 6:20

و أنا سَفير في جَنازِير فِشان الإنجيل. و صَلّو عَلَشان أتكَلَّم بِشَجاعَه زي أنا لازِم أتكَلَّم.

مَرْقُس 16:19

و بَعَد ما الرَّب يَسُوع كَلَّمُم، إتَّخَد لِلسَّما، و قَعَد عَلى يَمين الله.

عِبرانيين 3:1

عَلَشان كِدا، يا الأخوان القِدِّسين، شُرَكا الإختِيار المِن السَّما، إفتَكِرو في الرَّسول و رَئيس القُسُس بِتاع شَهادَتنا، يَسُوع.

عِبرانيين 4:14

عَلَشان كِدا، ما دام عِندَنا رَئيس قُسُس عَظيم، المَشى لِجُوَّه السَّما، يَسُوع إبن الله، خَلّونا نَمسِك بِشَهادَة أيمانّا.