عِبرانيين 2:10 - كِتاب العَهد الجَّديد مِن الكِتاب المُقَدَّس

¹⁰ و كان كُلّو شي عَشان خاطِر الله، و بيهو كان كُلّو شي. و كِدا، كان مُستَحِق ليهو، لَمّا يَجيب أولاد كَتيرين لِلمَجد، يَعمِل رَئيس خَلاصُم كامِل بِالأتعاب.

عِبرانيين 2:10 Referans Kwoze

رُومِيَه 11:36

عَشان كُل الحاجات، مِنّو، و بيهو، و ليهو. ليهو المَجد لِلأبَد! آمين.

عِبرانيين 12:2

خَلّونا نَعاين لِيَسُوع، رَئيس الإيمان و البِكَمِّلو. هو فِشان الفَرَح المَختوت قِدّامو، إتحَمَّل الصَّليب و إحتَقَر الخَجَل، و قَنَّب عَن يَمين كُرسي الله.

عِبرانيين 6:20

و يَسُوع دَخَل هِناك قِدّامنا و فِشانّا. هو بِقى رَئيس قُسُس لِلأبَد، زي التَّرتيب بِتاع مَلكِصادَق.

أعمال الرُّسُل 5:31

و الله رَفَعو بِيَمينو يَكون رَئيس و مُخَلِّص، عَشان يَدّي لِإِسْرَائِيل التّوبَه و غُفران الخَطايا.

لُوقَا 24:46

و هو قال ليهُم: ”مَكتوب كِدا إنّو المَسيح لازِم يِتوَجَّع و يَقوم مِن بين المَيِّتين في اليوم التّالِت.

لُوقَا 24:26

المَسيح ما كان لازِم يِتوَجَّع بِالحاجات دي و يَدخُل مَجدو؟“

١ بُطْرُس 5:10

و إلَه كُلّو نِعمَه ناداكُم لِمَجدو الأبَدي في المَسيح. و بَعَد ما إتوَجَّعتو وَكِت قَليل، هو نَفسو بِكَمِّلكُم و بِثَبِّتكُم، و بِشَدِّدكُم و بِيَعمِلكُم أُمَنا.

١ كُورِنْثُوس 8:6

لَكِن لينا إلَه واحِد بَس، الأبو، المِنّو كُل الحاجات و نِحنا نَعيش ليهو، و رَب واحِد، يَسُوع المَسيح، البيهو كُل الحاجات و نِحنا نَعيش بيهو.

عِبرانيين 7:28

عَشان القانون يَختار رُجال ضَعيفين يَكونو رؤساء القُسُس. و لَكِن كِلمَة الحَلَف، الجّا بَعَد القانون، إختار إبن، و هو بِقى كامِل لِلأبَد.

أفَسُس 3:10

عَلَشان حِكمَة الله المُختَلِفَه جِدّاً هَسَّع تَكون مَعروفَه لِلرّؤساء و السَّلاطين في المَحَلّات الفي السَّما. و الله بيَعمِل دا بِالكَنيسَه.

رؤيا 4:11

”إنتَ مُستَحِق، يا رَب إلَهنا أن تَقبَل المَجد و الإحتِرام و القُدرَه. عَلَشان إنتَ خَلَقتَ كُل الحاجات، و بِإرادَتَك كانو مَوجودين و مَخلوقين.“

٢ تِيمُوثَاوُس 2:10

عَلَشان كِدا، أنا أصبُر عَلى كُلّو حاجَه فِشان المُختارين، عَشان هُم كَمان يِلقو الخَلاص الفي المَسيح يَسُوع مَعَ المَجد الأبَدي.

كُولُوسِّي 3:4

لَمّا المَسيح حَياتنا يَظهَر، في الوَكِت دا إنتو كَمان تَظهَرو مَعاهو في المَجد.

غَلَاطِيَّه 3:26

عَشان كُلُّكُم أولاد الله بِالإيمان بِالمَسيح يَسُوع.

٢ كُورِنْثُوس 3:18

و نِحنا كُلُّنا بِوَش بِدون غَطا، بِنشوف مَجد الرَّب، زي في المِرايا. و نِتغَيَر لِصورَتو مِن مَجد لِمَجد. و المَجد دا هو عَمَل مِن الرَّب الرّوح.

رُومِيَه 9:23

و عَمَل دا عَلَشان يَوَرّي غِنى مَجدو عَلى بُرام رَحمَه جَهَّزا مِن قُبّال لِلمَجد،

أعمال الرُّسُل 3:15

و كَتَلتو رَئيس الحَياة القَوَّمو الله مِن بين المَيِّتين. و نِحنا شاهِدين لِداك.

رؤيا 7:9

و بَعَد دا عايَنتَ، و شوف! كانو في ناس كُتار، و واحِد ما يَقدَر يَحسِبُم. و هُم كانو مِن كُل الأُمَم و القَبايل و الشُّعوب و اللُّغات. و كانو واقفين قِدّام الكُرسي و قِدّام الحَمَل. و هُم لابسين تيبان بيضَة و في إيدينُم فُروع النَّخَل.

١ بُطْرُس 5:1

أنا بَطلُب لِلشُّيوخ البينكُم، أنا شيخ زيَكُم. و شاهِد لِأتعاب المَسيح و شَريك كَمان في المَجد الماشي يَظهَر.

١ بُطْرُس 1:12

الله وَرّاهُم إنّو شُغلُم كان لِفايدَتكُم و ما لِفايدَة نُفوسُم. و هُم الخَبَروكُم عَن الحاجات السِّمِعتو هَسَّع مِن البَشَّروكُم بِالإنجيل بِالرّوح القُدُس المُرسَل مِن السَّما. المَلائكَه كَمان عاوِزين بِشِدَّه يَعرِفو عَن الحاجات ديل.

عِبرانيين 7:26

عَشان رَئيس قُسُس زي دا موافِق لينا. هو قُدّوس و بِدون لوم و نَضيف و مَفَرَّق مِن الخاطيين و مَرفوع أعلى مِن السَّماوات.

أفَسُس 2:7

هو عَمَل دا عَشان يَوَرّي في الزَّمَن الجّاي، غِنى نِعمَتو الأكبَر بِرَحمَتو عَلينا في المَسيح يَسُوع.

٢ كُورِنْثُوس 6:18

و بَكون ليكُم أبو، و إنتو بِتكونو لَي أولاد و بَنات، يَقول الرَّب القادِر عَلى كُلّو شي.“

٢ كُورِنْثُوس 5:18

و كُلّو دا مِن الله الصّالَحنا لِنَفسو بِالمَسيح، و أدّانا خِدمَة المُصالَحَه.

٢ كُورِنْثُوس 4:17

عَشان الضّيق الخَفيف بِتاع الوَكِت دا، يَعمِل لينا مَجد أبَديَّه بِزيد أكتَر و أكتَر في الوَزِن.

١ كُورِنْثُوس 2:7

لَكِن نِتكَلَّم بِحِكمَة الله في السِّر، الحِكمَه المَدسوسَه الجَّهَّزا الله مِن قَبل الأزمان لِمَجدنا.

يُوحَنَّا 19:30

و لَمّا يَسُوع أخَد الخَل، قال: ”بِالحَق كِمِل.“ و دَنقَر رَاسو و سَلّم الرّوح.

يُوحَنَّا 11:52

و ما عَشان الأُمَّه بَس، لَكِن عَشان يَجمَع أولاد الله المَفَرّقين لِواحِد.

لُوقَا 13:32

و قال ليهُم: ”أمشو و قولو لِلتَّعلَب دا: شوف، بَطَلِّع الشّياطين، و أشفي النّاس اللّيلَه و بُكرَه، و اليوم التّالِت بَكَمِّل شُغلي.

لُوقَا 2:14

”المَجد لِلَّه في السَّما، و عَلى الأرض السَّلام بين النّاس الهو مَبسوط مِنَّهُم.“