عِبرانيين 13:9 - كِتاب العَهد الجَّديد مِن الكِتاب المُقَدَّس

⁹ ما تَخَلّو تَعاليم مُختَلِفَه و غَريبَه تَسوقكُم مِن الحَق. عَشان دا كوَيس إذا القَلِب يَكون ثابِت بِالنِّعمَه، مُش بِأكِل مَخصوص. و النّاس الأكَلوهو ما لِقو مِنّو فايدَه.

عِبرانيين 13:9 Referans Kwoze

أفَسُس 4:14

عَشان ما نَكون بَعَد دا أطفال. عَشان كُلّو هَبوب بِتَرمي الاطفال و بِتشيلُم هِنا و هِناك. و الهَبوب يَعني التَّعليم بِتاع النّاس الشّاطرين البِغِشّو بِمَكَرُم الغَلطان.

أفَسُس 5:6

ما تَخَلّو أي زول يَغِشّكُم بِكِلمات بِدون فايدَه، عَلَشان بِسَبَب الحاجات دي، زَعل الله يَجي عَلى النّاس الما بِطيعُو.

رُومِيَه 14:6

البِفتَكِر في يوم مَخصوص، يَعمِلو كِدا لِلرَّب. و البياكُل، لِلرَّب بياكُل، عَشان هو يَشكُر الله. و الما بياكُل، لِلرَّب ما بياكُل، و يَشكُر الله.

١ يُوحَنَّا 4:1

يا مَحبوبين، ما تَصَدِّقو كُلّو روح، لَكِن إمتَحِنو الأرواح، هُم مِن الله ولّا لا. عَشان أنبياء كاضِبين كَتيرين مَرَقو لِلدُّنيا.

أعمال الرُّسُل 20:30

و مِنَّكُم نُفوسكُم، بِقومو رُجال يِتكَلَّمو بِحاجات مَعَوَّجَه، عَشان يَجُرّو التَّلاميذ وَراهُم.

يَهُوذَا 1:12

و ديل حُجار مَدسوسَه في عَزوماتكُم المَحَبّيَه، عامِلين عَزومات مَعاكُم بِدون خوف، و يَهتَمّو بِنُفوسُم بَس. هُم سَحاب بِدون مويَه، تَشيل الأرياح، شَجَر الخَريف بِدون ثِمار، مات مَرَّتين و ما طَلَّع.

١ تِيمُوثَاوُس 6:20

يا تِيمُوثَاوُس، أحفَظ الحاجَه السَّلَّموها ليك. كون بَعيد مِن الكَلام الفاضي و الوَسخان و مِن البِعاكِس، البِسَمّوها ”المَعرِفَه“ بِالكِضِب.

يَهُوذَا 1:3

يا مَحبوبين، كُنتَ بَجَرِّب بِكُلّو نَشاط أن أكتِب ليكُم بِخُصوص خَلاصنا العِندَنا سَوا. لَكِن شُفتَ لازِم أكتِب ليكُم عَشان أطلُب مِنَّكُم تَحارِبو عَشان خاطِر الإيمان المُسَلَّم مَرَّه واحدَه لِلقِدِّسين.

٢ تَسَالُونِيكِي 2:17

يَشَجِّع قُلوبكُم و يَثَبِّتكُم في كُلّو عَمَل و كَلام كوَيس.

مَتَّى 24:24

عَشان مُسَحَه كَضّابين و أنبياء كَضّابين بِقومو و يَعمِلو عَلامات عَظيمَه و عَجايِب، فِشان يَغِشّو حَتّى النّاس المُختارين، إذا دا كان مُمكِن.

مَتَّى 24:4

و يَسُوع رَدَّ و قال ليهُم: ”خَلّو بالكُم عَشان واحِد ما بِغِشّكُم.

كُولُوسِّي 2:4

بَقول دا ليكُم عَشان واحِد ما بِغِشّكُم بِكَلام شاطِر.

٢ كُورِنْثُوس 1:21

لَكِن الله هو البِيَعمِلنا ثابِتين مَعاكُم في المَسيح. و هو مَسَحنا،

١ كُورِنْثُوس 8:8

لَكِن الأكل ما بِقَرِّبنا لِلَّه. إذا ما أكَلنا ما نَكون ناقصين، و إذا أكَلنا ما نَزيد حاجَه.

رُومِيَه 14:17

عَشان مَلَكوت الله ما أكل ولّا شُرُب، لَكِن هو بِر و سَلام و فَرَح في الرّوح القُدُس.

رُومِيَه 14:2

إيمان واحِد يَخَلِيهو ياكُل كُلّو حاجَه، لَكِن الضَّعيف بياكُل خُضارات بَس.

أعمال الرُّسُل 20:32

و هَسَّع بَدّيكُم لِلَّه، و لِكِلمَة نِعمَتو، البِتَقدَر تَبنيكُم و تَدّي ليكُم الميراث مَعَ كُل القِدِّسين.

٢ تَسَالُونِيكِي 2:2

ما تَخَلّو فِكرَكُم بِتغَيَّر و لا تِتحَيَّرو مِن ديل البِقولو يوم الرَّب جا خَلاص. حَتّى إذا الخَبَر دا كان مِن روح ولّا مِن كَلام، ولّا مِن جَواب هُم بِقولو هو جا مِنَّنا.

١ كُورِنْثُوس 6:13

”الأكل لِلبَطُن و البَطُن لِلأكل،“ و الله بِخرَبُم الإتنين. الجِّسم مُش لِلزِّنا لَكِن لِلرَّب، و الرَّب لِلجِّسم.

غَلَاطِيَّه 6:1

يا أخوان، إذا الذَّنب مَسَك بِواحِد، النّاس الرّوحيين بينكُم يَرَجِعوهو بِروح الوَداعَه. لَكِن شوف نَفسَك. يِمكِن إنتَ كَمان تَكون مُجَرَّب.

لُوقَا 5:38

لَكِن الخَمرَه الجَديدَه لازِم يَخُتّوها في البُرمَه الجَديدَه.