عِبرانيين 13:4 - كِتاب العَهد الجَّديد مِن الكِتاب المُقَدَّس

⁴ خَلّي الزَّواج يَكون مُحتِرَم بِكُل النّاس. و الرّاجِل و المَرَه لازِم يَكونو أُمَنا. عَلَشان الله بِيَحكُم عَلى النّاس البيَعمِلو الزِّنا و الفُجّار.

عِبرانيين 13:4 Referans Kwoze

غَلَاطِيَّه 5:19

و أعمال الجِّسِم بيّنَه، و هي الزِّنا، و النَّجاسَه، و السَّفاهَه،

غَلَاطِيَّه 5:21

و الطَّمَع، و السُّكر، و الحَفلات البَطّالَه، و حاجات زي دي. أحَزِّركُم مِنَّها كَمان، زي ما حَزَّرتَكُم قُبّال دا. البِعمِلو حاجات زي دي، ما بِيورَثو مَلَكوت الله.

١ كُورِنْثُوس 6:9

ما بِتَعرِفو الظّالمين ما بِيورَثو مَلَكوت الله؟ ما تَغِشّو نُفوسكُم. لا أخلاقُم بَطّالَه، ولّا اليَعبُدو أصنام، ولّا البيَعمِلو زِنا، ولّا المَخَنَّس ولّا اللّوطي،

١ كُورِنْثُوس 5:13

الله هو اليَحكُم عَليهُم المِن بَرَّه. أطرُدو الزّول الشَّرّير مِن بينكُم.

أفَسُس 5:5

عَشان إنتو بِتَعرِفو دا، كُل البيَعمِلو الزِّنا ولّا بِكونو نَجِسين، ولّا طَمّاعين، و اليَعبُدو الأصنام، ديل ما عِندَهُم ميراث في مَلَكوت المَسيح و الله.

١ تِيمُوثَاوُس 3:12

خَدّام الكَنيسَه لازِم يَكون راجِل عِندو مَرَه واحدَه، و بِقدَر يَرَتِّب أولادو و بيتو كوَيس.

١ تِيمُوثَاوُس 3:4

هو لازِم يَرَتِّب بيتو كوَيس، و يَعمِل أولادو يَطيعوهو بِكُلّو إحتِرام.

١ كُورِنْثُوس 7:38

و كِدا، اليَزَوِج عَزراءو يَعمِل كوَيس، و الما يَزَوِج يَعمِل أحسَن.

رؤيا 22:15

عَشان بَرَّه في الكِلاب و البيَعمِلو السِّحِر و الزّانيين و الكاتِلين و البِيَعبُدو الأصنام، و كُلّو واحِد البِحِب الكِضِب و بِشتَغِل بيهو.

تِيطُس 1:6

الشّيخ لازِم يَكون بِدون لوم، راجِل عِندو مَرَه واحدَه، و أولادو مؤمِنين و ما يَشتَكو مِنَّهُم بيَعمِلو الدَوشَه ولّا ما بِطيعُو.

١ تِيمُوثَاوُس 5:14

عَلَشان كِدا، أنا عاوِز الأرامِل الصُّغار يِتزَوَّجو و يَجيبو الأولاد، و يَرَتِّبو البُيوت، و ما يَدّو العَدو فُرصَه لِلشَّتيمَه.

١ تِيمُوثَاوُس 4:3

هُم يَمنَعو النّاس مِن العِرِس. و يأمُروم ما ياكلو بَعَض الأكِل. لَكِن الله خَلَقو عَشان المؤمِنين و اليَعرِفو الحَق يَقبَلوهو بِالشُّكر.

٢ كُورِنْثُوس 5:10

عَشان كُلُّنا لازِم نَظهَر قِدّام كُرسي المَسيح، عَشان كُلّو واحِد يَقبَل زي ما هو عَمَل بِالجِّسم، إذا كان كوَيس ولّا بَطّال.

١ كُورِنْثُوس 9:5

ما عِندَنا سُلطَه أن ناخُد مَعانا مَرَه مِآمِنَه؟ زي باقي الرُّسُل و أخوان الرَّب و بُطْرُس؟

١ تِيمُوثَاوُس 3:2

و المُلاحِظ لازِم يَكون بِدون عيب، راجِل عِندو مَرَه واحدَه، ماسِك نَفسو، عاقِل، مُحتِرَم، بِفتَح بيتو لِلغَريبين، بِقدَر يَعَلِّم.

عِبرانيين 12:16

و شوفو عَشان واحِد ما يَكون زاني ولّا يَكون عِندو أفكار ضِد الله، زي عِيسُو الباع حَق البِكر بِتاعو لِأكلا واحدَه.

١ كُورِنْثُوس 6:18

أجرو مِن الزِّنا. كُلّو خَطيَّه اليَعمِلا الإنسان، هي بَرَّه مِن الجِّسِم. لَكِن اليَعمِل زِنا، يَعمِل خَطيَّه ضِد جِسمو.

١ تَسَالُونِيكِي 4:6

عَشان واحِد ما يَظلِم و يَغِش أخوهو في الحاجَه دي. عَشان الرَّب، هو اليَنتَقِم لِكُل اليَعمِلو دا، زي ما قُلنا ليكُم مِن قَبِل و حَزَّرناكُم.