عِبرانيين 11:26 - كِتاب العَهد الجَّديد مِن الكِتاب المُقَدَّس

²⁶ و هو حَسَب لوم المَسيح غِنى أكبَر مِن كُنوز مَصر، عَلَشانو كان يِستَنّى لِلأُجرَه.

عِبرانيين 11:26 Referans Kwoze

عِبرانيين 11:6

و بِدون إيمان ما مُمكِن نَبسِط الله. عَشان أي زول اليَقَرِّب لِلَّه لازِم يآمِن هو مَوجود و هو بِدّي أُجرَه ليهُم اليَطلُبوهو.

عِبرانيين 10:35

و عَلَشان كِدا، ما تَرمو عَنكُم تأكيدكُم العِندو أُجرَه كَبيرَه.

رؤيا 3:18

أنا بَدّيك نَصيحَه أن تَشتَري مِنّي دَهَب مُجَرَّب بِالنّار، عَلَشان تَبقى غَني. و تَشتَري هِدوم أبيَض عَشان تَلبَس و تَغَطّي خَجلَك عَشان إنتَ عَريان. و تَشتَري مَسَحَه عَشان تَمسَح عُيونَك بيهو عَلَشان تَشوف.

١ بُطْرُس 4:14

إن شَتَموكُم عَشان خاطِر إسم المَسيح، إنتو مُبارَكين، عَشان روح المَجد، روح الله، قاعِد عَليكُم.

عِبرانيين 2:2

عَشان إذا الكِلمَه الإتكَلَّمو بيها المَلائكَه كانَت ثابتَه، و كُلّو خَطيَّه و فِتنَه قِبلو جِزا عَديل،

٢ كُورِنْثُوس 6:10

نِحنا زي حَزنانين، لَكِن دايماً مَبسوطين، زي المَساكين، لَكِن نَعمِل ناس كُتار غَنيين، نِحنا زي الما عِندَهُم شي، لَكِن كُلّو شي حَقَّنا.

لُوقَا 14:14

و بِتكون مُبارَك، عَشان ما عِندَهُم البِرَجِّعوهو ليك، و إنتَ بِتاخُد أُجرَتَك يوم قيامَة البارين.“

مَتَّى 5:12

أفرَحو و كونو مَبسوطين، عَشان أُجرَتكُم كَبيرَه في السَّما. عَشان النّاس كِدا طَرَدو الأنبياء الكانو قُبّالكُم.

أفَسُس 3:8

و هو أدّا النِّعمَه دي لَي، و أنا أصغَر كُل القِدِّسين، عَشان أبَشِّر بين الأُمَم بِغِنى المَسيح الما نَقدَر نَفَسِّر بِالتَّمام.

٢ كُورِنْثُوس 12:10

عَلَشان كِدا، بَكون مَبسوط مِن الضَّعفات و الشَّتايِم و الأتعاب و الطُّرود و الصُّعوبات فِشان المَسيح. عَشان كُلّو وَكِت لَمّا أكون ضَعيف، في الوَكِت دا، أنا قَوّي.

١ بُطْرُس 1:11

و فَتَّشو بِكُلّو قُدرَتُم عَن الوَكِت، هو بِجي مِتين و كيف بِجي. دا الوَكِت روح المَسيح الفيهُم كان يَوَرّيهو، لَمّا شِهِد مِن قَبِل بِأوجاع المَسيح و المَجد البِجي بَعدو.

عِبرانيين 13:13

كِدا، خَلّونا نَمرُق بَرَّه مِن مَحَل الخيام، حامِلين لومو.

عِبرانيين 10:33

مَرَّه شَتَموكُم قِدّام النّاس و طَرَدوكُم، و تاني مَرَّه بِقيتو شُرَكا ديل الكانو مَطرودين زي دا.

فيلِبّي 3:7

و لَكِن كُل الكان رِبِح لَي، حَسبتو خَسارَه فِشان المَسيح.

أفَسُس 1:18

و بَصَلّي عَشان أفكاركُم بِكونو مَفتوحين لِنورو، عَلَشان تَعرِفو الرَّجاء الهو إختاركُم ليهو، و تَعرِفو غِنى مَجد ميراثو في القِدِّسين.

أعمال الرُّسُل 5:41

و عَلَشان كِدا، هُم مَشو مِن المَجلِس مَبسوطين عَلَشان حَسَبوهُم مُستَحِقّين أن يَكونو ما مُحتَرمين عَشان إسمو.

مَتَّى 10:41

البِقبَل نَبي بِإسم نَبي، بِقبَل أُجرَة نَبي. و البِقبَل الزّول البار بِإسم زول بار، بِقبَل أُجرَة زول بار.

مَتَّى 6:1

خَلّو بالكُم عَشان ما تَعمِلو الشُّغل الكَويس قِدّام النّاس عَشان بِشوفوكُم، عَشان كان تَعمِلو كِدا، ما بِتكون عِندَكُم أُجرَه مِن أبوكُم الفي السَّما.

رؤيا 2:9

أنا بَعرِف تَعبَك و إحتياجَك، لَكِن إنتَ غَني. و بَعرِف تَجديف ديل البِقولو هُم يَهود و هُم مُش يَهود، لَكِن هُم مَجمَع الشّيطان.

لُوقَا 14:33

و عَلى كِدا، أي زول مِنَّكُم الما بِخَلّي كُل العِندو، ما بِقدَر يَكون تِلميذ.