عِبرانيين 11:16 - كِتاب العَهد الجَّديد مِن الكِتاب المُقَدَّس

¹⁶ لَكِن هَسَّع هُم بِدورو وَطَن أحسَن، يَعني الفي السَّما. و عَلَشان كِدا، الله ما يَكون خَجلان لَمّا هُم يَسَمّوهو إلَهُم، عَشان هو جَهَّز ليهُم مَدينَه.

عِبرانيين 11:16 Referans Kwoze

عِبرانيين 13:14

عَشان ما عِندَنا هِنا مَدينَه مُستَمِرَّه، لَكِن نَطلُب المَدينَه الجّايَه.

عِبرانيين 11:10

عَشان هو إنتَظَر المَدينَه العِندَها الأساسات، و الله عَمَلا و بَناها.

فيلِبّي 3:20

و لَكِن وَطَنّا في السَّما. و نَستَنّا مُخَلِّص مِن هِناك، الرَّب يَسُوع المَسيح.

يُوحَنَّا 14:2

في بيت أبوي مَساكِن كَتيرَه. و كان مُش كِدا، كُنتَ قُلتَ ليكُم. أنا ماشي عَشان أجَهِّز ليكُم مَكان.

عِبرانيين 2:11

عَشان هو البِقَدِّس و هُم البِكونو مُقَدَّسين، كُلَّهُم مِن واحِد. و بِالسَّبَب دا، هو ما بِخجَل يَسَمّوهُم أخوان.

مَتَّى 25:34

بَعدين المَلِك بِقول لِلنّاس الفي يَمينو: تَعالو، يا مُبارَكين مِن أبوي. أُخُد المَلَكوت المَجَهَّز ليكُم مِن بِدايَة الدُّنيا.

عِبرانيين 12:22

لَكِن إنتو قَرَبتو لِجَبَل صِهيون، لِمَدينَة الله الحَي، أُورُشَلِيم السَّماويَّه، و لِجَماعات عَشَرَة آلاف مِن المَلائكَه، و لِإجتِماع،

عِبرانيين 11:14

و النّاس البِقولو حاجات زي دي يَبَيِّنو هُم يَطلُبو وَطَن.

٢ تِيمُوثَاوُس 4:18

و الرَّب بِحفَظني مِن كُلّو عَمَل شَرّير، و بِخَلِّصني لِمَلَكوتو الفي السَّما. و ليهو المَجد لِلأبَد. آمين.

مَرْقُس 8:38

الزّول البِكون خَجلان مِنّي، و مِن كَلامي بين ناس الزَّمَن الزّاني الخاطي دا، إبن الإنسان بِكون خَجلان مِنّو كَمان، لَمّا بِجي في مَجد أبوهو مَعَ المَلائكَه المُقَدَّسين.“

أعمال الرُّسُل 7:32

أنا إلَه أبَهاتَك، إلَه إِبْرَاهِيم و إِسْحَاق و يَعْقُوب. و مُوسَى رَجَف و خاف يَعايِن.

لُوقَا 12:32

ما تَخافو، يا المُراح الصَّغير، عَشان أبوكُم رَضيان يَدّيكُم المَلَكوت.

مَرْقُس 12:26

و لَكِن عَن المَيِّتين البِقومو، ما قَريتو في كِتاب مُوسَى عَن الشَّجَرَه الصَّغَيرَه؟ كيف الله قال ليهو: أنا إلَه إِبْرَاهِيم، و إلَه إِسْحَاق، و إلَه يَعْقُوب؟

لُوقَا 20:37

لَكِن إنّو المَيِّتين بِقومو، مُوسَى بِيَّن في كِتابو في حِكايَة الشَّجَرَه. و هو قال: الرَّب هو إلَه إِبْرَاهِيم، و إلَه إِسْحَاق، و إلَه يَعْقُوب.

عِبرانيين 10:34

و إنتو تِعِبتو سَوا مَعَ المَحبوسين، و لَمّا مَسَكو بُضاعَتكُم بِقُوَّه، إنتو قِبِلتو دا بِفَرَح، عَلَشان إنتو نُفوسكُم عِرِفتو عِندَكُم مال أحسَن البِستَمِر.

عِبرانيين 11:40

عَشان الله جَهَّز لينا حاجَه أحسَن، عَلَشان هُم ما بِكونو كامِلين بِدونَنا.

رؤيا 21:2

و شُفتَ المَدينَه المُقَدَّسَه، أُورُشَلِيم الجَديدَه، نازِلَه مِن السَّما مِن الله. و هي كانَت مَجَهَّزَه زي عَروسَه مَزيَنَه لِعَريس.