عِبرانيين 10:39 - كِتاب العَهد الجَّديد مِن الكِتاب المُقَدَّس

³⁹ و لَكِن نِحنا ما مِن النّاس اليَرجَعو لِوَرا لِلخَراب، لَكِن نِحنا مِن النّاس البِآمِنو لِخَلاص النَّفس.

عِبرانيين 10:39 Referans Kwoze

١ يُوحَنَّا 5:5

مِنو هو البِغلِب الدُّنيا؟ بَس البِآمِن أن يَسُوع هو إبن الله.

١ بُطْرُس 1:5

إنتو البِقُوَّة الله مَحروسين بِالإيمان لِلخَلاص الجّاهِز هَسَّع، و البِظهَر في الزَّمَن الأخير.

مَرْقُس 16:16

هو اليَصَدِّق و يِتعَمَّد بِخلَص، و الما يَصَدِّق بِحكُمو عَليهو.

١ يُوحَنَّا 5:16

إذا واحِد يَشوف أخوهو يَعمِل خَطيَّه ما لِلموت، هو يَسأل، و الله بِدّيهو حَياة يَعني لِلما بِختو لِلموت. في خَطيَّه تَقود لِلموت، و أنا ما بَقول إنّو يَطلُب عَن دي.

٢ بُطْرُس 3:7

و لَكِن السَّماوات و الأرض المَوجودَه هَسَّع، بِالكِلمَه ديك زاتا، مَخزونَه لِلنّار. و بِتكون مَحفوظَه لِيوم الحُكم و خَراب النّاس الما بِخافو الله.

عِبرانيين 11:1

و الإيمان هو التّأكيد بِالحاجات العِندَنا رَجاء ليهُم، و بيّنَة الحاجات الما شُفناهُم.

١ تَسَالُونِيكِي 5:9

عَشان الله ما إختارنا لِلغَضَب، لَكِن عَشان نَحَصِّل عَلى الخَلاص بِرَبَّنا يَسُوع المَسيح.

يُوحَنَّا 17:12

لَمّا كُنتَ مَعاهُم في الدُّنيا، كُنتَ أحفَظُم في إسمَك. الأدّيتُم لَي حَفَظتُم. و ما إتوَدَّر مِنَّهُم و لا واحِد، إلّا إبن الخَراب، عَشان يَتِم الكِتاب.

يُوحَنَّا 6:40

عَشان دي إرادَة أبوي، كُل البِشوف الإبن و بِآمِنو بيهو، تَكون ليهو الحَياة الأبَديَّه. و أنا بَقَوِّمو في اليوم الأخير.“

لُوقَا 11:26

و يَمشي و يَجيب سَبعَه أرواح آخِرين أكعَب مِنّو، و يدخُلو و يَسكُنو هِناك. و حَياة الزّول الأخيرَه تَبقى أكعَب مِن اوَّل.“

٢ تَسَالُونِيكِي 2:3

ما تَخَلّو أي واحِد يَغِشّكُم بِأي طَرِيقَه. اليوم داك ما بِجي إلّا النّاس يَرجَعو عَن الإيمان في الأوَّل و إنسان الخَطيَّه، إبن الخَراب يَظهَر.

يُوحَنَّا 20:31

لَكِن دي مَكتوبَه عَشان تَآمِنو إن يَسُوع هو المَسيح إبن الله. و لَمّا تَآمِنو، تَكون ليكُم حَياة بِإسمو.

رؤيا 17:11

و الوَحَش الكان مَوجود و ما مَوجود هَسَّع، هو تامِن مَلِك. و هو مِن السَّبعَه، و يَمشي لِلخَراب.

عِبرانيين 10:26

عَشان إذا نَعمِل الخَطيَّه بِإرَادَتنا بَعَد ما قِبِلنا مَعرِفَة الحَق، بَعَد دا ما في ضَبيحَه عَن الخَطايا.

١ تِيمُوثَاوُس 6:9

لَكِن النّاس العاوزين يَكونو غَنيين يَقَعو في التَجرِبَه و الفَخ، و في شَهوات كَتيرَه، بَليدَه و مُضِرَّه، البِجُرّو النّاس لِلخَراب و الهَلاك.

يُوحَنَّا 5:24

الحَق الحَق أقول ليكُم، البِسمَع كَلامي و بِآمِن بِالرَّسَّلني، تَكون ليهو الحَياة الأبَديَّه، و ما بِجي لِلحُكم، عَشان هو مَرَق مِن الموت لِلحَياة.

رؤيا 17:8

و الوَحَش الأنتَ شُفتو، هو كان مَوجود و هَسَّع ما مَوجود. و هو ماشي يَطلَع مِن الحُفرَه الغَريقَه جِدّاً و يَمشي لِلخَراب. و السّاكنين عَلى الأرض بِستَغرَبو، ديل الأساميهُم ما مَكتوبين في كِتاب الحَياة مِن خَليقَة الدُّنيا. هُم بِستَغرَبو لَمّا يَشوفو الوَحَش، عَلَشان هو كان مَوجود و هَسَّع ما مَوجود و بِجي.

عِبرانيين 10:38

لَكِن الإنسان البار، بِعِيش بِالإيمان. و إذا هو رَجَع لِوَرا، نَفسي ما بِكون مَبسوط مِنّو.“