عِبرانيين 10:36 - كِتاب العَهد الجَّديد مِن الكِتاب المُقَدَّس

³⁶ إنتو تَحتاجو لِلصَّبر، حَتّى إذا عَمَلتو إرادَة الله، بِتَقبَلو الوَعد.

عِبرانيين 10:36 Referans Kwoze

عِبرانيين 12:1

و عَلَشان في حَوَلينا سِحابَه كَبيرَه زي دي مِن الشّاهِدين، خَلّونا نَرمي مِنَّنا كُلّو حِمِل و الخَطيَّه البِتضَيقنا بِالسُّرعَه. و خَلّونا نَجري بِالصَّبر السَّبَق المَختوت قِدّامنا.

١ كُورِنْثُوس 13:7

و تِتحَمَّل كُلّو حاجَه، و تَصَدِّق كُلّو حاجَه، و عِندَها رَجاء لِكُلّو حاجَه، و تَصبُر عَلى كُلّو حاجَه.

لُوقَا 21:19

إذا تَكونو ثابِتين، تَخَلِّصو حَياتكُم.

عِبرانيين 6:15

و كِدا، بَعَد ما إستَنّى بِالصَّبر، إِبْرَاهِيم قِبِل الوَعَد ليهو.

رُومِيَه 2:7

و اليِستَمِرّو في العَمَل الطَّيب و يَطلُبو المَجد و الإحتِرام و الما بِموت، هو بِدّيهُم الحَياة الأبَديَّه.

رؤيا 14:12

و في دا يَظهَر صَبر القِدِّسين، ديل البِحفَظو أوامِر الله و إيمان بِيَسُوع.

١ يُوحَنَّا 2:17

و الدُّنيا تَفوت، و شَهوَتو، و لَكِن البِسَوّي إرادَة الله يَعيش لِلأبَد.

غَلَاطِيَّه 6:9

و ما نَكون تَعبانين في عَمَل الخير، عَشان بِنلِم في وَكِت الحَصاد إذا ما نَكون بِدون رَجاء.

مَتَّى 10:22

و كُل النّاس بِكرَهوكُم عَشان إسمي. لَكِن البِشِد حيلو لِلآخِر، هو بِخلَص.

كُولُوسِّي 1:11

و تِتشَدَّدو بِكُلّو قُوَّه حَسَب قُدرَة مَجدو، عَشان تَقدَرو تَشيلو كُلّو حاجَه بِصَبر و روح طَويلَه و بِفَرَح.

رُومِيَه 8:25

لَكِن إذا عِندَنا رَجاء لِلما بِنشوفو لِسَّع، بِالصَّبر نِستَنّاهو.

عِبرانيين 9:15

و عَلَشان كِدا، المَسيح وَسيط إتِّفاق جَديد، عَشان هُم، المُختارين بِقبَلو الميراث الأبَدي المَوعود. و دا بِكون كِدا عَلَشان هو مات لِفِداء الخَطايا العَمَلوها تِحِت الإتِّفاق الأوَّل.

كُولُوسِّي 3:24

عَلَشان إنتو تَعرِفو أنَّكُم بِتاخدو ميراث مِن الرَّب زي أُجرَه، عَشان إنتو بِتَخدِمو الرَّب المَسيح.

عِبرانيين 13:21

الله يَعمِلكُم كامِلين في كُلّو عَمَل طَيب عَشان تَعمِلو إرَادَتو. و هو يَشتَغِل فيكُم الحاجَه التَّبسِطو كَتير، بِيَسُوع المَسيح. و لِلمَسيح المَجد لِلأبَد. آمين.

عِبرانيين 6:12

و نِحنا ما عاوِزينكُم تَكونو كَسلانين، لَكِن تَعمِلو زي ديل البِالإيمان و الصَّبر الطَّويل يورَثو الوُعود.

أفَسُس 6:6

ما تَخدِموهُم لَمّا هُم يَعاينو ليكُم بَس عَشان تَعمِلوهُم مَبسوطين مِنَّكُم. لَكِن زي خَدّامين المَسيح، أعمِلو إرادَة الله مِن القَلب.

رُومِيَه 12:2

و ما تَكونو زي الزَّمَن دا، لَكِن إتغَيَّرو مِن جُوَّه بِأفكار جَديدَه. فِشان تَمتَحِنو إرادَة الله، إرَادَتو الكوَيسَه، و المَقبولَه، و الكاملَه.

مَتَّى 24:13

و لَكِن هو البِتحَمَّل لِغايَة آخِر الدُّنيا، هو بِخلَص.

رؤيا 13:10

إذا أي واحِد بِكون لِلقَبَض، لِلقَبَض يَمشي. و إذا أي واحِد بِكتُل بِالسّيف، بِالسّيف يَكتُلوهو. و في دا القِدِّسين بِحتاجو لِلصَّبر و الإيمان.

١ بُطْرُس 1:9

و تَقبَلو نِهايَة إيمانكُم، هو خَلاص نُفوسكُم.

عِبرانيين 6:17

و لَمّا الله كان داير يَبَيِّن كوَيس لِلنّاس الماشين يَقبَلو الوَعد إنّو ما بِغَيِّر فِكرو أبَداً، هو ثَبَّت دا بِحَلَف.

كُولُوسِّي 4:12

و أَبَفْرَاس يَسَلِّم عَليكُم، و هو مِنَّكُم، و خَدّام يَسُوع المَسيح. هو دايماً بِصَلّي بِكُلّو قُوَّتو فِشانكُم، عَلَشان تَثبُتو كامِلين و بِتأكيد تَمام في كُلّو إرادَة الله.

أعمال الرُّسُل 13:22

و لَمّا الله شال مِنَّهُم شَاوُل، رَفَع دَاوُد مَلِك ليهُم، و شِهِد ليهو و قال: لِقيت دَاوُد وَلَد يَسَّى، راجِل حَسَب قَلبي، و هو بيَعمِل كُلّو إرادَتي.

يُوحَنَّا 7:17

إذا واحِد رَضيان يَعمِل إرادَة الله، هو ماشي يَعرِف التَّعليم دا، إذا هو مِن الله، ولّا أنا بَتكَلَّم بيهو مِن نَفسي.

لُوقَا 8:15

و الفي الأرض الكوَيسَه، هُم البِقَلِب كوَيس و صالِح، بَعَد ما سِمِعو الكِلمَه، يَحفَظوها، و يَجيبو ثِمار بِالصَّبر.

مَتَّى 21:31

ياتو مِن الإتنين عَمَل إرادَة الأبو؟“ قالو: ”الأوَّل.“ يَسُوع قال ليهُم: ”أقول ليكُم الحَق. النّاس البِلِمّو الضَّريبَه و النِّسوان البَطّالات بِدخُلو مَلَكوت الله قُبّالكُم.

مَتَّى 12:50

عَشان البيَعمِل إرادَة أبوي الفي السَّما، هو أخوّي، و أُختي، و أُمّي.“

مَتَّى 7:21

مُش كُلّو واحِد البقول لَي: يا رَب، يا رَب، بِدخُل مَلَكوت السَّما، لَكِن بَس هو البيَعمِل زي ما عاوِز أبوي الفي السَّما.

١ تَسَالُونِيكِي 1:3

و دايماً نِزَكَّر عَمَل إيمانكُم و تَعب مَحَبَّتكُم و صَبر رَجاءكُم في رَبَّنا يَسُوع المَسيح قِدّام الله أبونا.

أعمال الرُّسُل 13:36

و عشان دَاوُد، بَعَد ما خَدَم الله في جِيلو بِتَرتيب الله، نام و إتلَمّى لِأبَهاتو، و جِسمو رَجَع لِلتُّراب.

مَرْقُس 3:35

هو البيَعمِل إرادَة الله، هو أخوّي، و أُختي، و أُمّي.“

رُومِيَه 12:12

كونو فَرحانين في الرَّجاء، أصبُرو في التَّعب، إستَمِرّو في الصَّلاه.

عِبرانيين 11:39

و ديل كُلَّهُم كانو عِندَهُم شَهادَه بِالإيمان، لَكِن ما قِبلو الوُعود.