غَلَاطِيَّه 4:14 - كِتاب العَهد الجَّديد مِن الكِتاب المُقَدَّس

¹⁴ و ما إنّو مَرَضي كان تَجرِبَه ليكُم، ما كُنتو مِتكَبِّرين عَلي ولّا كِرِهتوني، لَكِن قِبِلتوني زي مَلاك مِن الله، زي المَسيح يَسُوع نَفسو.

غَلَاطِيَّه 4:14 Referans Kwoze

مَتَّى 10:40

البِقبَلكُم بِقبَلني، و البِقبَلني بِقبَل الرَّسَّلني.

١ تَسَالُونِيكِي 2:13

و نِحنا كَمان نَشكُر الله دايماً لِلسَّبَب دا. لَمّا أخَدتو كِلمَة الله السِّمِعتو مِنَّنا، قِبِلتوها مُش زي كِلمَة النّاس، لَكِن زي ما هي بِالحَقيقَه، كِلمَة الله. و الكِلمَه دي تَشتَغِل فيكُم، إنتو المؤمِنين كَمان.

عِبرانيين 13:2

و ما تَنسو تَقبَلو الغَريبين زي ضُيوف. عَلَشان بَعض مِن النّاس لَمّا عَمَلو كِدا، قِبلو مَلائكَه زي ضُيوف و هُم ما عِرفو.

٢ كُورِنْثُوس 5:20

عَلَشان كِدا نِحنا سُفَراء المَسيح زي ما الله يَطلُب بينا، نِحنا نَطلُب مِنَّكُم فِشان المَسيح، أعمِلو سَلام مَعَ الله.

١ تَسَالُونِيكِي 4:8

عَلَشان كِدا، اليَرفُض دا ما يَرفُض النّاس لَكِن الله، الأدّانا روحو القُدّوس كَمان.

غَلَاطِيَّه 4:13

زي ما تَعرِفو، بِسَبَب عَيى في الجِّسِم، أنا بَشَّرتَكُم بِالإنجيل في الأوَّل.

١ كُورِنْثُوس 4:10

نِحنا بَليدين فِشان المَسيح، لَكِن إنتو فاهمين في المَسيح. نِحنا ضَعيفين لَكِن إنتو قَوّيين، إنتو مُحتَرمين لَكِن نِحنا بِدون إحتِرام.

١ كُورِنْثُوس 1:28

و الله إختار المِتواضِعين و المُحتَقرين في الدُّنيا، و الحاجات الما مَوجودَه، عَشان يَوَقِّف الحاجات المَوجودَه.

يُوحَنَّا 13:20

الحَق الحَق أقول ليكُم، البِقبَل الزّول البَرَسِّلو، بِقبَلني. و البِقبَلني، بِقبَل الرَّسَّلني.“

لُوقَا 10:16

اليَسمَعكُم يَسمَعني، و اليَرفُضكُم يَرفُضني، و اليَرفُضني يَرفُض الرَّسَّلني.“

مَتَّى 25:40

و المَلِك بِرُد و بِقول ليهُم: أقول ليكُم الحَق، زي ما إنتو عَمَلتوهو لِواحِد مِن أخواني ديل الأصغَر، عَمَلتوهو لَي.

مَتَّى 18:5

و البِقبَل وَلَد واحِد زي دا بِإسمي، بِقبَلني أنا.

غَلَاطِيَّه 3:26

عَشان كُلُّكُم أولاد الله بِالإيمان بِالمَسيح يَسُوع.

غَلَاطِيَّه 3:28

و كِدا، ما في يَهودي ولّا إغريقي. ما في عَبد ولّا حُر. ما في راجِل ولّا مَرَه. عَشان كُلُّكُم واحِد في المَسيح يَسُوع.

غَلَاطِيَّه 4:15

كُنتو مَبسوطين كَتير! مالكُم؟ أشهَد ليكُم، لَو قِدِرتو، كُنتو طَلَّعتو عُيونكُم و أدّيتوها لَي.