غَلَاطِيَّه 3:29 - كِتاب العَهد الجَّديد مِن الكِتاب المُقَدَّس

²⁹ إذا كان إنتو لِلمَسيح، كِدا إنتو أولاد إِبْرَاهِيم، و وُرّاث بِحَسَب الوَعَد.

غَلَاطِيَّه 3:29 Referans Kwoze

أفَسُس 3:6

و دا هو السِّر، إنّو الأُمَم يَشتَرِكو سَوا في الميراث، و هُم أعضاء سَوا في جِسِم واحِد. و يَشتَرِكو سَوا في الوَعَد في المَسيح يَسُوع بِالإنجيل.

غَلَاطِيَّه 3:7

عَلَشان كِدا، أفهَمو، ديل البِآمِنو، هُم أولاد إِبْرَاهِيم.

رُومِيَه 8:17

كِدا إذا نِحنا أولاد، بَعَد دا نِحنا وُرّاث كَمان، وُرّاث الله و وُرّاث مَعَ المَسيح. إذا كان نَتعَب مَعاهو، نِحنا بِنِتمَجَّد كَمان مَعاهو.

تِيطُس 3:7

حَتّى عَشان إتبَرَّرنا بِنِعمَتو، نَبقى وُرّاث حَسَب رَجاء الحَياة الأبَديَّه.

رؤيا 21:7

الزّول البِغلِب، هو يورَث الحاجات دي، و أنا بَكون ليهو إلَه و هو بِكون لَي وَلَد.

غَلَاطِيَّه 4:7

عَشان كِدا، إنتَ بَعَد دا مُش عَبد، لَكِن إبن. و إذا كان إبن، إنتَ كَمان وارِث بِالله.

يَعْقُوب 2:5

أسمَعو، يا أخواني المَحبوبين، الله ما إختار مَساكين الدُّنيا دي عَشان يَكونو غَنيين في الإيمان و وُرّاث المَلَكوت الوَعَد بيهو لِلبِحِبّوهو؟

٢ كُورِنْثُوس 10:7

إنتو تَعاينو لِلحاجَه القِدّامكُم. إذا واحِد يَتَّكِل عَلى نَفسو هو لِلمَسيح، خَليهو يَفتَكِر كَمان في نَفسو، نِحنا كَمان لِلمَسيح زي ما هو لِلمَسيح.

عِبرانيين 6:17

و لَمّا الله كان داير يَبَيِّن كوَيس لِلنّاس الماشين يَقبَلو الوَعد إنّو ما بِغَيِّر فِكرو أبَداً، هو ثَبَّت دا بِحَلَف.

غَلَاطِيَّه 3:16

الله وَعَد إِبْرَاهِيم و وَلَدو. و الكِتاب ما بِقول: ”و لِلأولاد،“ يَعني لِناس كَتيرين، لَكِن: ”و لِوَلَدَك،“ يَعني لِواحِد، الهو المَسيح.

عِبرانيين 11:18

مَعَ إنّو الله قال ليهو: ”بِإِسْحَاق أولادَك بِجو.“

عِبرانيين 11:7

بِالإيمان نُوح، لَمّا الله حَزَّرو عَن الحاجات الهو لِسَّع ما شافُم، خاف و بَنى المُركَب الكَبيرَه لِخَلاص أهلو. و بيهو هو حَكَم عَلى الدُّنيا و بِقى وارِث لِلبِر البِالإيمان.

عِبرانيين 1:14

مُش كُلُّهُم أرواح البِخدِمو، مَرَسَّلين لِلخِدمَه فِشانُم الماشين يورَثو الخَلاص؟

غَلَاطِيَّه 5:24

لَكِن النّاس، بِتوع المَسيح يَسُوع، صَلَبو الجِّسِم مَعَ الحُب و الشَّهوات.

غَلَاطِيَّه 3:28

و كِدا، ما في يَهودي ولّا إغريقي. ما في عَبد ولّا حُر. ما في راجِل ولّا مَرَه. عَشان كُلُّكُم واحِد في المَسيح يَسُوع.

١ كُورِنْثُوس 15:23

لَكِن كُلّو واحِد في دورو. المَسيح الأوَّل القام. بَعدين لَمّا المَسيح بِجي، هُم بِتوع المَسيح بِكونو حَيين.

مَتَّى 3:9

و ما بِتَفتَكِرو تَقولو في نُفوسكُم: أبونا هو إِبْرَاهِيم. عَشان أقول ليكُم: الله يَقدَر يَطَلِّع أولاد لِإِبْرَاهِيم مِن الحُجار ديل.

غَلَاطِيَّه 3:18

عَشان إذا كان الميراث بِالقانون، ما بِتكون بَعَد دا بِالوَعَد. لَكِن الله أدّاها لِإِبْرَاهِيم بِالوَعَد.

غَلَاطِيَّه 4:1

و بَقول كَمان، ما دام الوَلَد البِقبَل مال أبوهو لِسَّع صَغَيِر، ما في فارِق بينو و بين العَبد، مع إنّو هو سيد كُلّو حاجَه.

غَلَاطِيَّه 6:16

السَّلام و الرَّحمَه عَلى كُل النّاس البِمشو بِحَسَب القانون دا، و عَلى إِسْرَائِيل الله.