غَلَاطِيَّه 2:20 - كِتاب العَهد الجَّديد مِن الكِتاب المُقَدَّس

²⁰ إنصَلَبتَ مَعَ المَسيح. و أنا ما بَعيش تاني، لَكِن المَسيح، هو بِعِيش فِيني. و الحَياة البَعيشا هَسَّع في الجِّسِم، بَعيشا في الإيمان بِإبن الله الحَبّاني، و أدّا نَفسو فِشانّي.

غَلَاطِيَّه 2:20 Referans Kwoze

غَلَاطِيَّه 5:24

لَكِن النّاس، بِتوع المَسيح يَسُوع، صَلَبو الجِّسِم مَعَ الحُب و الشَّهوات.

٢ كُورِنْثُوس 5:15

و هو مات عَن كُل النّاس، عَشان الحَيين ما بِعيشو بَعَد دا لِنُفوسُم، لَكِن ليهو المات عَنُّم و قام.

رُومِيَه 6:8

إذا مُتنا مَعَ المَسيح، نآمِن نِحنا بِنعيش كَمان مَعاهو.

غَلَاطِيَّه 6:14

خَليهو يَكون بَعيد مِنّي أن أفخُر بِحاجَه، إلّا بِصَليب رَبَّنا يَسُوع المَسيح البيهو الدُّنيا إنصَلَب لَي، و أنا لِلدُّنيا.

٢ كُورِنْثُوس 13:5

أعمِلو إمتِحان لِنُفوسكُم. إنتو عِندَكُم إيمان؟ جَرِّبو نُفوسكُم. ما بِتَعرِفو يَسُوع المَسيح فيكُم؟ إلّا إذا وَقَعتو في الإمتِحان.

رُومِيَه 6:13

و ما تَدّو أعضاء جِسِمكُم لِلخَطيَّه عَشان تَعمِلو الشَّر، لَكِن أدّو نُفوسكُم لِلَّه زي ناس حَيين بَعَد ما كُنتو مَيِّتين. و أدّو أعضاء جِسِمكُم عَشان تَعمِلو بِر الله.

١ تَسَالُونِيكِي 5:10

هو مات فِشانّا عَشان إذا نحرِس ولّا نَنوم، نَقدَر نَعيش مَعاهو.

تِيطُس 2:14

هو أدّا نَفسو فِشانّا عَشان يَفدينا مِن كُلّو ذَنب، و يَنَضِّف لِنَفسو ناس يَكونو مُلكو، و عِندَهُم غيرَه لِكُل الأعمال الكوَيسَه.

غَلَاطِيَّه 1:4

هو أدّا نَفسو فِشان خَطايانا، عَشان يَفدينا مِن الزَّمَن الحاضِر البَطّال، بِحَسَب إرادَة إلَهنا و أبونا.

يُوحَنَّا 17:21

أنا بَصَلّي عَشان كُلُّهُم بِكونو واحِد، زي ما إنتَ فِيني يا أبوي، و أنا فيك. و بَصَلّي كَمان عَشان هُم بِكونو فينا، فِشان ناس الدُّنيا بِآمِنو إنتَ رَسَّلتَني.

رُومِيَه 8:37

لا، في كُل الحاجات دي نَغلِب غَلب كَبير بيهو الحَبّانا.

١ يُوحَنَّا 5:20

و بِنَعرِف إبن الله جا و أدّانا فَهم عَشان نَعرِف هو الحَق. و نِحنا في الحَق، يَعني في إبنو يَسُوع المَسيح. دا هو الإلَه الحَقيقي و الحَياة الأبَديَّه.

أفَسُس 5:2

و عيشو في المَحَبَّه، زي المَسيح حَبّانا و أدّا نَفسو عَشان خاطِرنا، تَقدِمَه و ضَبيحَه لِلَّه زي ريحَه كوَيسَه.

فيلِبّي 4:13

أنا بَقدَر أعمِل كُلّو شي في المَسيح البِشَدِّدني.

أفَسُس 3:17

عَشان المَسيح يَسكُن في قُلوبكُم بِالإيمان، عَلَشان عُروقكُم و أساسكُم بِكونو في المَحَبَّه،

غَلَاطِيَّه 3:11

و هَسَّع باين و لا واحِد يِتبَرَّر قِدّام الله بِالقانون. عَشان: ”البار بِعِيش بِالإيمان.“

يُوحَنَّا 3:16

عَشان الله حَبَّه الدُّنيا، حَتّى أدّا إبنو الوَحَيد، عَشان كُلّو واحِد البِآمِن بيهو ما يَهلِك، لَكِن تَكون ليهو الحَياة الأبَديَّه.

١ يُوحَنَّا 1:7

و لَكِن إذا نَمشي في النّور زي ما هو في النّور، عِندَنا شَرِكَه بَعَضَنا مَعَ بَعض. و دَم يَسُوع إبنو يَنَضِّفنا مِن كُلّو خَطيَّه.

كُولُوسِّي 1:27

و الله إختار يَخَبِّر قِدِّسِينو بين الأُمَم بِغِنى مَجد السِّر دا. و هو المَسيح فيكُم، رَجاء المَجد.

رُومِيَه 5:2

و بيهو قِبِلنا الدُّخول بِالإيمان لِلنِّعمَه دي، و نِحنا نَعيش بيهو. و نَفرَح في رَجاء مَجد الله.

رُومِيَه 1:17

الإنجيل يَكَلِّمنا إنّو الله عَمَلنا بارين قِدّامو بِإيمان فيهو. عَلَشان كِدا، بِالإيمان بِنعيش الحَياة الجَديدَه بِواسطَتو. و الكُتُب المُقَدَّسَه بِقولو: ”الإنسان البار بِعِيش بِالإيمان.“

٢ كُورِنْثُوس 13:3

عَشان إنتو تَطلُبو بيّنَه إنّو المَسيح بِتكَلَّم فِيني. و هو ما ضَعيف في عَمَلو مَعاكُم، لَكِن هو قَوّي فيكُم.

رؤيا 1:5

و مِن يَسُوع المَسيح الشّاهِد الأمين و البِكر مِن بين المَيِّتين و رَئيس مُلوك الأرض. ليهو البِحِبّنا و أدّانا الحُرّيَّه مِن خَطايانا بِدَمّو.

١ تَسَالُونِيكِي 1:10

و يَخَبِّرو كيف إنتو تِستَنّو إبنو مِن السَّما، هو القَوَّمو الله مِن الموت، يَسُوع اليَخَلِّصنا مِن الغَضَب الجّاي.

يُوحَنَّا 10:11

أنا هو الرّاعي الصّالِح. و الرّاعي الصّالِح يَدّي حَياتو فِشان الخِرفان.

يُوحَنَّا 6:57

زي ما الأبو الحَي رَسَّلني، و أنا حَي بِالأبو، كُلّو واحِد الياكُلني يَعيش بي.

رؤيا 3:20

شوف! أنا واقِف عَلى الباب و بَدُق. إذا أي واحِد يَسمَع صوتي و يَفتَح الباب، بَدخُل ليهو و باكُل مَعاهو و هو مَعاي.

١ بُطْرُس 1:8

بِتحِبّو المَسيح، و لَو ما شُفتوهو. بِتآمِنو بيهو، و لَو ما بِتشوفو هَسَّع. و كِدا بِتَفرَحو بِفَرَح عَظيم و مَجيد، البِفوت الكَلام عَنّو.

مَتَّى 20:28

زي ما إبن الإنسان ما جا عَشان النّاس يَخدِموهو، لَكِن عَشان يَخدِم النّاس، و عَشان يَدّي نَفسو فِداء لِناس كُتار.“

يُوحَنَّا 15:13

ما في إنسان عِندو مَحَبَّه أعظَم مِن كِدا، أن واحِد بِدّي نَفسو فِشان المَحبوبين.

غَلَاطِيَّه 2:16

و بِنَعرِف الزّول ما يِتبَرَّر بِأعمال القانون، لَكِن بِالإيمان بِيَسُوع المَسيح. نِحنا كَمان آمَنّا بِيَسُوع المَسيح عَشان نِتبَرَّر بِالإيمان بِالمَسيح، مُش بِأعمال القانون. عَلَشان و لا واحِد يِتبَرَّر بِأعمال القانون.

٢ كُورِنْثُوس 10:3

عَشان إذا نَعيش في الجِّسم، ما نَحارِب حَسَب الجِّسم.

يُوحَنَّا 6:69

و نِحنا آمَنّا، و إتأكَّدنا إنتَ قُدّوس الله.“

يُوحَنَّا 1:49

نَثَنَائِيل رَدَّ و قال ليهو: ”يا مُعَلِّم، إنتَ إبن الله. إنتَ مَلِك إِسْرَائِيل.“

٢ كُورِنْثُوس 1:24

نِحنا ما عِندَنا سُلطَه عَلى إيمانكُم. لَكِن بِنَشتَغِل مَعاكُم عَشان تَكونو مَبسوطين، عَلَشان إنتو ثابِتين في إيمانكُم.

أعمال الرُّسُل 9:20

و طَوّالي إبتَدا يَبَشِّر في بِيوت الرَّب بِيَسُوع إنّو إبن الله.

أفَسُس 5:25

يا رُجال، حِبّو نِسوانكُم، زي المَسيح كَمان حَبَّ الكَنيسَه و أدّا نَفسو فِشانّا،

٢ كُورِنْثُوس 5:7

عَشان بِنعيش بِالإيمان، مُش بِالنَشوفو بِالعُيون.

يُوحَنَّا 3:35

الأبو بِحِب الإبن. و خَتَّ كُلّو شي تِحِت سُلطتو.

١ يُوحَنَّا 4:14

و نِحنا شُفنا و نَشهَد أن الأبو رَسَّل الإبن عَشان يَكون مُخَلِّص الدُّنيا.

أعمال الرُّسُل 8:36

و وَكِت ما هُم ماشين في السِّكَّه، جو لِمَحَل فيهو مويَه. و الخِصي قال: ”شوف! في مويَه! ما مُمكِن أتعَمَّد؟“

مَتَّى 4:3

و المُجَرِّب قَرَّب ليهو و قال: ”إذا إنتَ إبن الله، أَدِّي أمر لِلحُجار ديل أن يَبقو عيش.“

رُومِيَه 3:22

و بِر الله دا بِالإيمان بِيَسُوع المَسيح، لِكُل البِآمِنو. عَشان ما في فارِق،

رُومِيَه 4:25

هُم سَلَّموهو لِلموت عَشان خَطايانا. و الله قَوَّمو عَشان نِتبَرَّر.

رُومِيَه 5:6

عَشان لَمّا كُنّا لِسَّع ضَعيفين، المَسيح مات في الوَكِت المُختار فِشان الخاطيين.

رُومِيَه 5:8

و لَكِن الله وَرّا مَحَبَّتو لينا، عَشان لَمّا نِحنا لِسَّع كُنّا خاطيين، المَسيح مات فِشانّا.

رُومِيَه 8:10

و لَكِن إذا كان المَسيح فيكُم، و لَو الجِّسِم مَيِّت بِسَبَب الخَطيَّه، الرّوح حَي بِسَبَب البِر.

رُومِيَه 14:7

ما في واحِد مِنَّنا البِعِيش لِنَفسو بَراهو، و ما في واحِد اليَموت لِنَفسو بَراهو.

١ كُورِنْثُوس 6:17

و لَكِن اليَجمَع نَفسو لِلرَّب، هو روح واحِد مَعاهو.

٢ كُورِنْثُوس 5:14

عَشان مَحَبَّة المَسيح عِندَها قُوَّه فوقنا حَتّى بِنَحسِب دا، إنّو واحِد مات عَن كُل النّاس. و عَلَشان كِدا كُلُّهُم ماتو.

٢ كُورِنْثُوس 11:10

و زي حَق المَسيح فِيني، و لا واحِد في مَحَلّات أَخَائِيَه بِوَقِّف فَخري.

فيلِبّي 1:21

عَشان الحَياة لَي هي المَسيح، و الموت هو رِبِح.

عِبرانيين 8:3

عَشان كُلّو رَئيس قُسُس مُختار عَشان يَقَدِّم تَقدِمات و ضَبايح. و عَلَشان كِدا، كان ضَروري ليهو كَمان يَكون عِندو حاجَه عَشان يَقَدِّما.