غَلَاطِيَّه 2:11 - كِتاب العَهد الجَّديد مِن الكِتاب المُقَدَّس

¹¹ لَكِن لَمّا بُطْرُس جا لِأَنْطَاكِيَه، أنا عاكَستو لِوَشّو، عَشان الحَق كان عَليهو.

غَلَاطِيَّه 2:11 Referans Kwoze

١ تِيمُوثَاوُس 5:20

و وَبِّخ البيَعمِلو الخَطيَّه قِدّام كُل النّاس، عَلَشان التّانيين بِخافو.

غَلَاطِيَّه 2:14

و لَمّا شُفتُم ما ماشين دُغري بِحَسَب حَق الإنجيل، قُلتَ لِبُطْرُس قِدّام كُلَّهُم: ”إنتَ يَهودي و تَعيش زي الأُمَم، و ما زي اليَهود. لِشِنو تَجبُر الأُمَم يَعِيشو زي اليَهود؟“

٢ كُورِنْثُوس 5:16

عَشان كِدا، مِن هَسَّع ما بِنَعرِف واحِد بِحَسَب الجِّسم. و إذا عِرِفنا المَسيح حَسَب الجِّسم، هَسَّع ما بِنَعرِفو كِدا.

أعمال الرُّسُل 15:1

و بَعض مِن الرُّجال نَزَلو مِن اليَهُودِيَّه لِأَنْطَاكِيَه، و كانو بِعَلِّمو الأخوان و يَقولو: ”إن كان ما تَكونو مُطَهَّرين حَسَب عادَة مُوسَى، ما بِتَقدَرو تَخلَصو.“

يَهُوذَا 1:3

يا مَحبوبين، كُنتَ بَجَرِّب بِكُلّو نَشاط أن أكتِب ليكُم بِخُصوص خَلاصنا العِندَنا سَوا. لَكِن شُفتَ لازِم أكتِب ليكُم عَشان أطلُب مِنَّكُم تَحارِبو عَشان خاطِر الإيمان المُسَلَّم مَرَّه واحدَه لِلقِدِّسين.

يَعْقُوب 3:2

عَشان كُلُّنا نَقَع في حاجات كَتيرَه. و إذا كان واحِد ما ليهو غَلطَه في الكَلام، هو راجِل كامِل، و يَقدَر يَغلِب عَلى كُل الجِّسِم كَمان.

غَلَاطِيَّه 2:9

و يَعْقُوب و بُطْرُس و يُوحَنَّا، و هُم المُحتَرمين زي عِمدان، أدّاني أنا و بَرْنَابَا يَمين الشَّرِكَه، لَمّا عِرفو النِّعمَه الأدّاني الله. هُم إتَّفَقو نِحنا نَمشي لِلأُمَم و هُم لِلمُطَهَّر.

غَلَاطِيَّه 2:7

بِالعَكس، هُم شافو الله أدّاني خِدمَة بِشارات الإنجيل لِلما مُطَهَّر، زي ما هو أدّا بُطْرُس خِدمَة بِشارات الإنجيل لِلمُطَهَّر.

غَلَاطِيَّه 2:5

و ما سِمِعنا ليهُم و لا ساعَه، عَشان نَحفَظ ليكُم حَق الإنجيل.

٢ كُورِنْثُوس 12:11

أنا بِقيت غَشيم. لَكِن إنتو جَبَرتوني لِدا و إنتو لازِم تَحمِدوني. و لَو أنا مُش حاجَه، أنا ما ناقِص في أي شي لِلرُّسُل الأكبَر.

مَتَّى 16:23

و لَكِن إتلَفَت و قال لِبُطْرُس: ”أمشي مِنّي، يا شيطان! إنتَ سَبَب وقوع لَي، عَشان إنتَ ما بِتفَكِّر في حاجات الله لَكِن في حاجات النّاس.“

٢ كُورِنْثُوس 11:5

و أنا أحسِب نَفسي ما ناقِص في شي لِلرُّسُل الأكبَر ديل.

أعمال الرُّسُل 11:19

و الإتشَتَّتو بِواسطَة التَّعب الحَصَل بِسَبَب اسْتِفَانُوس، سافَرو لِفِينِيقِيَه و قُبرُص و أَنْطَاكِيَه. و هُم ما بِكَلِّمو أي واحِد بِالكِلمَه إلّا اليَهود بَس.

يُوحَنَّا 1:42

و جابو لِيَسُوع. و يَسُوع عايَن ليهو و قال: ”إنتَ سِمْعَان وَلَد يُوحَنَّا. إنتَ إسمَك صَفا،“ يَعني بُطْرُس.

أعمال الرُّسُل 11:20

و لَكِن بَعض مِنَّهُم مِن قُبرُص و القَيْرَوَان، لَمّا دَخَلو أَنْطَاكِيَه، كانو بِكَلِّمو ناس إغريقيين كَمان، و بِبَشِّروهُم بالرَب يَسُوع.

أعمال الرُّسُل 11:22

و لَمّا الخَبَر دا جا في أضان الكَنيسَه الفي أُورُشَلِيم، هُم رَسَّلو بَرْنَابَا لِأَنْطَاكِيَه.

أعمال الرُّسُل 11:27

و في الأيام ديلاك، أنبياء نَزَلو مِن أُورُشَلِيم لِأَنْطَاكِيَه.

أعمال الرُّسُل 15:5

لَكِن بَعض مِن المؤمِنين مِن حِزب الفَرِّيسِيِّين قامو و قالو: ”الأُمَم لازِم يَكونو مُطَهَّرين. و نَدّيهُم أمر أن يَحفَظو قانون مُوسَى.“

غَلَاطِيَّه 1:18

و بَعَد تلاتَه سِنين، طَلَعتَ لِأُورُشَلِيم عَشان أزور بُطْرُس، و قَعَدتَ مَعاهو خَمَستاشَر يوم.