غَلَاطِيَّه 1:6 - كِتاب العَهد الجَّديد مِن الكِتاب المُقَدَّس

⁶ أنا بَستَغرَب عَشان إنتو بِسُرعَه كِدا تَهرَبو مِن النّاداكُم بِنِعمَة المَسيح لِإنجيل تاني.

غَلَاطِيَّه 1:6 Referans Kwoze

٢ كُورِنْثُوس 11:4

عَشان إذا واحِد جا ليكُم و بِبَشِّر بِيَسُوع تاني، غير البَشَّرناكُم بيهو، إنتو تِتحَمَّلو دا كوَيس. ولّا إذا إنتو تَقبَلو روح تاني مِن الرّوح القِبِلتوهو، ولّا إنجيل مُختَلِف مِن القِبِلتوهو، إنتو تِتحَمَّلو دا كوَيس.

١ تِيمُوثَاوُس 1:3

إستَنّى في أفَسُس زي ما طَلَبتَ ليك لَمّا كُنتَ ماشي لِمَكِدونيَّه. أنا عَاوِزَك تأمر بَعَض مِن النّاس أن ما يَعَلِّمو تَعليم تاني،

١ كُورِنْثُوس 4:15

عَشان إن كان عِندَكُم عَشَرَة آلاف مِن المُعَلِّمين في المَسيح، ما عِندَكُم أبَهات كَتيرين. عَشان أنا بِقيت أبوكُم في المَسيح يَسُوع بِالإنجيل.

أعمال الرُّسُل 15:11

لَكِنّا بِنِعمَة الرَّب يَسُوع المَسيح نآمِن عَشان نَخَلَص، زي ما هُم يَخلَصو كَمان.“

غَلَاطِيَّه 5:4

إنتو العاوزين تِتبَرَّرو بِالقانون، قَطَعوكُم مِن المَسيح، و وَقَعتو مِن النِّعمَه.

رُومِيَه 10:3

و عَلَشانُم ما عِرفو بِر الله و طَلَبو أن يَثَبِّتو بِر نُفوسُم، هُم ما طاعو بِر الله.

١ تِيمُوثَاوُس 1:14

و نِعمَة رَبَّنا زادَت كَتير خَلاص مَعَ الإيمان و المَحَبَّه الفي المَسيح يَسُوع.

رؤيا 22:21

نِعمَة الرَّب يَسُوع مَعَ كُل القِدِّسين. آمين.

٢ تِيمُوثَاوُس 2:1

عَلَشان كِدا، يا وَلَدي، إتشَدَّد في النِّعمَه الفي يَسُوع المَسيح.

٢ تِيمُوثَاوُس 1:9

هو خَلَّصنا و إختارنا إختِيار مُقَدَّس، مُش بِحَسَب أعمالنا، لَكِن بِفِكرو و نِعمَتو. و هو أدّانا النِّعمَه دي في المَسيح يَسُوع مِن قُبّال الوَكِت الأبَدي،

٢ تَسَالُونِيكِي 2:14

و هو ناداكُم لِدا بِإنجيلنا، عَشان تَقبَلو مَجد رَبَّنا يَسُوع المَسيح.

رُومِيَه 5:2

و بيهو قِبِلنا الدُّخول بِالإيمان لِلنِّعمَه دي، و نِحنا نَعيش بيهو. و نَفرَح في رَجاء مَجد الله.

يُوحَنَّا 9:30

الرّاجِل رَدَّ عَليهُم و قال: ”دا عَجيب! إنتو ما عارفين هو مِن وين، و هو فَتَح عُيوني!

٢ بُطْرُس 1:3

عَشان قُدرَة الله نَفسو أدّانا كُلّو حاجَه النَّحتاج ليها لِلحَياة و لِخوف الله. و لَمّا نَعرِفو، نِتعَلَّم إنّو نادانا لِمَجد نَفسو و خيرو.

١ بُطْرُس 1:15

لَكِن زي ما النّاداكُم هو قُدّوس، كونو إنتو كَمان قِدِّيسين في حَياتكُم كُلّها.

مَرْقُس 6:6

و هو إستَغرَب عَشان هُم كانو بِدون إيمان. و مَشى مِن حِلَّه لِحِلَّه و عَلَّم النّاس.

رُومِيَه 8:28

نِحنا بِنَعرِف الله يَساعِد في كُلّو حاجَه لِخير النّاس البِحِبّوهو، الهو ناداهُم حَسَب تَرتيبو.

رُومِيَه 8:30

و ديل الإختارُم مِن قُبّال، هو ناداهُم كَمان، و ديل الناداهُم، هو بَرَّرُم كَمان، و البَرَّرُم ديل، هو مَجَّدُم كَمان.

٢ كُورِنْثُوس 2:17

و نِحنا ما زي الكَتيرين البِتاجِرو بِكِلمَة الله. و لَكِن نِتكَلَّم قِدّام الله بِإخلاص في المَسيح، زي ناس مُرَسَّلين مِن الله.

غَلَاطِيَّه 1:7

بِالحَق ما في إنجيل تاني. لَكِن بَعض مِن النّاس يَلَخبِتكُم، و بِدورو يَغَيِّرو إنجيل المَسيح.

غَلَاطِيَّه 1:11

أخَبِّركُم، يا أخوان، الإنجيل البَشَّرتَكُم بيهو، مُش مِن زول.

غَلَاطِيَّه 1:15

لَكِن الله، الإختارني مِن بَطُن أُمّي، و ناداني بِنِعمَتو،

غَلَاطِيَّه 2:2

مَشيت عَلَشان الله وَرّاني بِرؤيا. و عَلَّمتَهُم الإنجيل البَبَشِّر بيهو بين الأُمَم. لَكِن عَمَلتَ دا بَراي قِدّام المُحتَرمين، مِن خوف يِمكِن أنا بَجري، ولّا كُنتَ جَريت بِدون فايدَه.

غَلَاطِيَّه 2:5

و ما سِمِعنا ليهُم و لا ساعَه، عَشان نَحفَظ ليكُم حَق الإنجيل.

غَلَاطِيَّه 2:7

بِالعَكس، هُم شافو الله أدّاني خِدمَة بِشارات الإنجيل لِلما مُطَهَّر، زي ما هو أدّا بُطْرُس خِدمَة بِشارات الإنجيل لِلمُطَهَّر.

غَلَاطِيَّه 2:14

و لَمّا شُفتُم ما ماشين دُغري بِحَسَب حَق الإنجيل، قُلتَ لِبُطْرُس قِدّام كُلَّهُم: ”إنتَ يَهودي و تَعيش زي الأُمَم، و ما زي اليَهود. لِشِنو تَجبُر الأُمَم يَعِيشو زي اليَهود؟“

غَلَاطِيَّه 5:14

عَشان كُل القانون يَتِم في كِلمَه واحدَه: ”حِب قَريبَك زي نَفسَك.“