غَلَاطِيَّه 1:4 - كِتاب العَهد الجَّديد مِن الكِتاب المُقَدَّس

⁴ هو أدّا نَفسو فِشان خَطايانا، عَشان يَفدينا مِن الزَّمَن الحاضِر البَطّال، بِحَسَب إرادَة إلَهنا و أبونا.

غَلَاطِيَّه 1:4 Referans Kwoze

مَتَّى 20:28

زي ما إبن الإنسان ما جا عَشان النّاس يَخدِموهو، لَكِن عَشان يَخدِم النّاس، و عَشان يَدّي نَفسو فِداء لِناس كُتار.“

رُومِيَه 4:25

هُم سَلَّموهو لِلموت عَشان خَطايانا. و الله قَوَّمو عَشان نِتبَرَّر.

غَلَاطِيَّه 2:20

إنصَلَبتَ مَعَ المَسيح. و أنا ما بَعيش تاني، لَكِن المَسيح، هو بِعِيش فِيني. و الحَياة البَعيشا هَسَّع في الجِّسِم، بَعيشا في الإيمان بِإبن الله الحَبّاني، و أدّا نَفسو فِشانّي.

١ بُطْرُس 2:24

هو نَفسو حَمَل خَطايانا في جِسمو عَلى الصَّليب، عَشان نِحنا نَموت عَن الخَطيَّه و نَعيش لِلبِر. و بِجُروحو، هو شَفاكُم.

تِيطُس 2:14

هو أدّا نَفسو فِشانّا عَشان يَفدينا مِن كُلّو ذَنب، و يَنَضِّف لِنَفسو ناس يَكونو مُلكو، و عِندَهُم غيرَه لِكُل الأعمال الكوَيسَه.

٢ كُورِنْثُوس 4:4

و إلَه الزَّمَن دا عَمَل أفكار الما مؤمِنين عَميانين، عَلَشان ما بِقدَرو يَشوفو نور إنجيل مَجد المَسيح الهو صورَة الله.

١ تِيمُوثَاوُس 2:6

الأدّا نَفسو فِداء عَن كُل النّاس، و دي الشِّهادَه في وَكتو الموافِق.

أفَسُس 2:2

و إنتو مَشيتو فيها مِن قُبّال، حَسَب طُرُق الدُّنيا دي، حَسَب رَئيس سُلطَة الهَوا، الرّوح البِشتَغِل هَسَّع في النّاس الما بِطيعُو.

١ تَسَالُونِيكِي 3:13

عَشان يَشَدِّد قُلوبكُم بِدون لوم في القَداسَه قِدّام الله أبونا لَمّا رَبَّنا يَسُوع المَسيح بِجي مَعَ كُلّو قِدِّسِينو.

رُومِيَه 12:2

و ما تَكونو زي الزَّمَن دا، لَكِن إتغَيَّرو مِن جُوَّه بِأفكار جَديدَه. فِشان تَمتَحِنو إرادَة الله، إرَادَتو الكوَيسَه، و المَقبولَه، و الكاملَه.

فيلِبّي 4:20

و لِإلَهنا و أبونا، المَجد لِلأبَد. آمين.

أفَسُس 5:2

و عيشو في المَحَبَّه، زي المَسيح حَبّانا و أدّا نَفسو عَشان خاطِرنا، تَقدِمَه و ضَبيحَه لِلَّه زي ريحَه كوَيسَه.

رؤيا 1:5

و مِن يَسُوع المَسيح الشّاهِد الأمين و البِكر مِن بين المَيِّتين و رَئيس مُلوك الأرض. ليهو البِحِبّنا و أدّانا الحُرّيَّه مِن خَطايانا بِدَمّو.

رؤيا 5:9

و هُم يَرَتِّلو تَرتيلَه جَديدَه، و بِقولو: ”إنتَ مُستَحِق تاخُد الكِتاب و تَفِك أختامو، عَلَشان كُنتَ مَكتول، و بِدَمَّك أشتَريت لِلَّه مِن كُلّو قَبيلَه و لُغَه و شَعب و أُمَّه.

١ يُوحَنَّا 3:16

بِدا، بِنَعرِف المَحَبَّه، أن يَسُوع المَسيح أدّا نَفسو عَشان خاطِرنا. و واجِب عَلينا أن نَدّي نُفوسنا عَشان خاطِر الأخوان.

١ يُوحَنَّا 2:2

و هو دَفَع عَن خَطايانا بِضَبيحَة نَفسو عَشان يَصالِحنا مَعَ الله. و هو دَفَع عَن خَطايا كُل الدُّنيا كَمان و مُش عَن خَطايانا بَس.

١ بُطْرُس 3:18

عَشان المَسيح كَمان مات مَرَّه واحدَه فِشان الخَطايا، مات البار عَن المُذنِب عَشان يَقَرِّبنا لِلَّه. كَتَلوهو في الجِّسم، لَكِن عَمَلوهو حَي في الرّوح.

يَعْقُوب 4:4

يا زانين، ما بِتَعرِفو حُب الدُّنيا عَداوَه لِلَّه؟ أي واحِد عاوِز يَكون صاحِب لِلدُّنيا يَبقى عَدو لِلَّه.

عِبرانيين 6:5

و هُم ضاقو كِلمَة الله الطَّيبَه، و قُوّات الزَّمَن الجّاي.

٢ تَسَالُونِيكِي 2:16

و رَبَّنا يَسُوع المَسيح نَفسو، و الله أبونا، الحَبّانا و أدّانا بِنِعمَتو شَجاعَه أبَديَّه و رَجاء كوَيس،

يُوحَنَّا 12:31

هَسَّع، دينونَة الدُّنيا دي. هَسَّع بِرمو رَئيس الدُّنيا بَرَّه.

مَتَّى 26:28

عَشان دا هو دَمّي لِلإتِّفاق الجَّديد، اليِتدَفَّق لِناس كَتيرين عَشان يَغفِر الخَطايا.

عِبرانيين 9:14

و عَلَشان دا الحَق، كَم بِالأكتَر دَم المَسيح عَمَل لينا! هو قَدَّم نَفسو لِلَّه بِالرّوح الأبَدي بِدون عيب. و دَمّو بِنَضِّف ضَمايرنا مِن الأعمال المَيِّتَه عَشان نَخدِم الله الحَي.

عِبرانيين 2:5

عَشان هو ما خَتَّ الدُّنيا الجّايَه تِحِت المَلائكَه، الدُّنيا النِحنا نِتكَلَّم عَنّا.

١ تَسَالُونِيكِي 3:11

و إلَهنا نَفسو، أبونا، و رَبَّنا يَسُوع المَسيح يَقودنا في الطَّرِيق ليكُم.

أفَسُس 6:12

عَشان ما نَحارِب دَم و لَحَم، لَكِن الحُكّام و السَّلاطين و رؤساء ضَلام الدُّنيا دي، و جُيوش روحيَّه بِتاعَت الشَّر في مَحَلّات عاليَه.

أفَسُس 1:11

و فيهو عِندَنا ميراث و هو إختارنا فيهو مِن قُبّال حَسَب تَرتيبو، هو اليَعمِل كُلّو شي زي فِكر إرَادَتو.

غَلَاطِيَّه 6:14

خَليهو يَكون بَعيد مِنّي أن أفخُر بِحاجَه، إلّا بِصَليب رَبَّنا يَسُوع المَسيح البيهو الدُّنيا إنصَلَب لَي، و أنا لِلدُّنيا.

رُومِيَه 8:32

هو الما رَحَم عَلى إبنو المَخصوص، لَكِن أدّاهو فِشان كُلُّنا، كيف ما يَدينا مَعاهو كُلّو حاجَه؟

رُومِيَه 8:3

الله عَمَل الما قِدِر يَعمِلو القانون، عَلَشان القانون كان ضَعيف بِسَبَب الجِّسِم. هو دان الخَطيَّه في الجِّسِم لَمّا رَسَّل إبنو في صورَة جِسِم الخَطيَّه فِشان الخَطيَّه.

رُومِيَه 1:7

أنا بَكتِب لِكُلُّكُم الفي مَدينَة رُومِيَه. الله بِحِبّكُم و إختاركُم عَشان تَكونو قِدِّيسين. نِعمَه ليكُم و سَلام مِن الله أبونا و مِن الرَّب يَسُوع المَسيح.

يُوحَنَّا 10:11

أنا هو الرّاعي الصّالِح. و الرّاعي الصّالِح يَدّي حَياتو فِشان الخِرفان.

يُوحَنَّا 6:38

عَشان أنا نَزَلتا مِن السَّما، مُش عَشان أعمِل إرادَتي، لَكِن إرادَة الرَّسَّلني.

يُوحَنَّا 5:30

أنا ما بَقدَر أعمِل شي مِن نَفسي. زي ما أسمَع، أنا أحكُم. و حُكمي عَديل، عَشان أنا ما بَطلُب إرادَتي، لَكِن إرادَة الرَّسَّلني.

لُوقَا 22:42

و قال: ”يا أبوي، إذا إنتَ رَضيان، شيل كُبّايَة الضّيق دي مِنّي. لَكِن ما إرادَتي، لَكِن إرادَتَك تَتِم.“

مَرْقُس 10:45

عَلَشان إبن الإنسان ما جا عَشان النّاس يَخدِموهو، لَكِن عَشان يَخدِم النّاس، و عَشان يَدّي نَفسو فِداء عَن ناس كُتار.“

مَتَّى 26:42

و مَشى مَرَّه تانيَه و صَلّى و قال: ”يا أبوي، إذا ما في طَرِيقَه تانيَه، إلّا أقبَل الشّي التَّقيل دا، أنا رَضيان بِالإنتَ عاوِز تَجيب عَلي.“

مَتَّى 6:9

عَشان كِدا صَلّو زي دا: أبونا الفي السَّما، خَلّي إسمَك يَكون قُدّوس.

رؤيا 7:9

و بَعَد دا عايَنتَ، و شوف! كانو في ناس كُتار، و واحِد ما يَقدَر يَحسِبُم. و هُم كانو مِن كُل الأُمَم و القَبايل و الشُّعوب و اللُّغات. و كانو واقفين قِدّام الكُرسي و قِدّام الحَمَل. و هُم لابسين تيبان بيضَة و في إيدينُم فُروع النَّخَل.

رُومِيَه 8:27

و البِفَتِّش القُلوب بِيَعرِف فِكر الرّوح هو شِنو، عَلَشان الرّوح يَطلُب فِشان القِدِّسين بِحَسَب إرادَة الله.

لُوقَا 22:19

و أخَد عيش، و شَكَر و كَسَّر و أدّا ليهُم، و قال: ”دا جِسمي الأنا أدّيتو فِشانكُم. أعمِلو دا عَشان تِتزَكَّروني.“

مَتَّى 13:22

و الكان مَزروع في وَسط الشّوك، دا هو البِسمَع الكِلمَه، و لَكِن مَشغوليّات الدُّنيا و مَحَبَّة المال تَكون كَتيرَه حَتّى يَمنَعو الكِلمَه، و تَكون بِدون ثِمار.

١ كُورِنْثُوس 15:3

عَشان سَلَّمتَ ليكُم في الأوَّل القِبِلتو أنا كَمان، إنّو المَسيح مات فِشان خَطايانا بِحَسَب الكُتُب.

أفَسُس 5:16

أعمِلو الأحسَن بِكُلّو فُرصَه، عَلَشان الأيام شَرّيرَه.

١ تَسَالُونِيكِي 1:3

و دايماً نِزَكَّر عَمَل إيمانكُم و تَعب مَحَبَّتكُم و صَبر رَجاءكُم في رَبَّنا يَسُوع المَسيح قِدّام الله أبونا.