9 و إنتو، يا أسياد، أعمِلو ليهُم زات الحاجات، و خَلّو التَّهديد، عَشان إنتو تَعرِفو إنّو سَيِّدُم و سَيِدكُم هو في السَّما. و هو ما بِقبَل الوشوش.
و أي واحِد العَمَل الذَّنب، هو بِرَجِّع ليهو زي ما هو عَمَل. و ما في فارِق بين النّاس.
و بُطْرُس فَتَح خَشمو و قال: ”بِالحَق بَشوف أن الله ما يَقبَل الوشوش.
عَشان الله ما بِشوف الوشوش.
و زي ما إنتو عاوِزين النّاس يَعمِلو بيكُم، أعمِلو إنتو بيهُم كِدا.
عَشان كِدا، كُل الإنتو عاوِزين النّاس بيَعمِلو ليكُم، أعمِلو إنتو زي دا ليهُم، عَشان دا هو القانون و كَلام الأنبياء.
عَشان الحُكم بِدون رَحمَه هو عَلى الما يَعمِل رَحمَه. الرَّحمَه تَغلِب عَلى الحُكم.
إذا تَتِمّو القانون المَلوكيَه، بِحَسَب الكِتاب: ”تَحِب قَريبَك زي نَفسَك،“ تَعمِلو طَيب.
لِكَنيسَة الله الفي كُورِنْثُوس، المُقَدَّسين في المَسيح يَسُوع، المُختارين عَشان يَكونو قِدِّيسين مَعَ كُل البِنادو لِإسم رَبَّنا يَسُوع المَسيح في كُلّو مَحَل، رَبُّم و رَبَّنا.
إنتو بِتنادوني يا مُعَلِّم و يا سَيِّد، و إنتو قُلتو الحَق، عَشان أنا كِدا.
شوفو! ماهيَة الشّغّالين الإشتَغَلو في زِراعاتكُم، الإنتو ما دَفَعتو ليهُم، تَكورِك! و كوراك البِلِمّو الدُّرَه دَخَل إضنين رَب الجُّيوش.
عَشان الناداهو الرَّب و هو عَبد، هو بِقى حُر في الرَّب. و كِدا كَمان الكان حُر لَمّا الرَّب ناداهو، هو عَبد لِلمَسيح.
و هو يَجلِدو شَديد، و يَخُتّو مَعَ المُنافِقين. هِناك بِكون البِكى و عَض السِّنون.
و لَكِن إذا الخَدّام داك بَطّال، هو يَقول في قَلبو: سيدي يِتأخَّر.
و الخَدّامين ديلاك مَرَقو لِلسِّكَك، و لَمّو كُل النّاس اللِقوهُم، البَطّالين و الكوَيسين. و مَحَل العِرس كان مَليان بِالضُّيوف.
بَعدين قال لِخَدّامينو: ’عَزومَة العِرس جاهِزَه، و لَكِن المَعزومين ما مُستَحِقّين.
يا أسياد، أدّو لِلخَدّامين الشّي العَديل، و ما تَعمِلو فارِق بِينُم، عَشان إنتو بِتَعرِفو عِندَكُم سَيِّد في السَّما كَمان.