أفَسُس 5:26 - كِتاب العَهد الجَّديد مِن الكِتاب المُقَدَّس

²⁶ عَشان يَقَدِّسا و يَنَضِّفا بِغَسيل المويَه بِالكِلمَه.

أفَسُس 5:26 Referans Kwoze

يُوحَنَّا 15:3

إنتو هَسَّع نُضاف بِسَبَب الكَلام الكَلَّمتَكُم بيهو.

عِبرانيين 10:22

عَلَشان كِدا، خَلّونا نَقَرِّب بِقَلِب أمين و في كُلّو تأكيد الإيمان، و قُلوبنا مَرشوشَه عَشان يَنَضِّفنا مِن ضَمير بَطّال و أجسامنا مَغسولين بِمويَه نَضيفَه.

يُوحَنَّا 3:5

يَسُوع قال ليهو: ”الحَق الحَق أقول ليك، إذا كان واحِد ما بِتوَلَد مِن المويَه و الرّوح، هو ما بِقدَر يَدخُل مَلَكوت الله.

١ كُورِنْثُوس 6:11

و بَعض مِنَّكُم كانو زي داك. لَكِن كُنتو مَغسولين، إتقَدَّستو، إتبَرَّرتو بِإسم الرَّب يَسُوع المَسيح و بِروح إلَهنا.

أفَسُس 6:17

و أُخدو بَرنيطَة الخَلاص، و سيف الرّوح الهو كِلمَة الله.

١ يُوحَنَّا 5:6

دا هو الجّا بِمويَه و دَم، يَسُوع المَسيح. ما بِالمويَه بَس، لَكِن بِالمويَه و الدَّم.

تِيطُس 2:14

هو أدّا نَفسو فِشانّا عَشان يَفدينا مِن كُلّو ذَنب، و يَنَضِّف لِنَفسو ناس يَكونو مُلكو، و عِندَهُم غيرَه لِكُل الأعمال الكوَيسَه.

عِبرانيين 10:10

و بِالإرادَه دي، نِحنا بِقينا مُقَدَّسين بِتَقدِمَة جِسم يَسُوع المَسيح مَرَّه واحدَه.

١ بُطْرُس 3:21

و المويَه دي تَشَبِّه المَعموديَّه، مُش غَسيل الوَساخَه مِن الجِّسِم، لَكِن طَلَب ضَمير طَيب لِلَّه. و دي تَخَلِّصكُم هَسَّع بِقيامَة يَسُوع المَسيح.

عِبرانيين 9:14

و عَلَشان دا الحَق، كَم بِالأكتَر دَم المَسيح عَمَل لينا! هو قَدَّم نَفسو لِلَّه بِالرّوح الأبَدي بِدون عيب. و دَمّو بِنَضِّف ضَمايرنا مِن الأعمال المَيِّتَه عَشان نَخدِم الله الحَي.

أعمال الرُّسُل 22:16

و هَسَّع لِشِنو تِستَنّى؟ قوم و إتعَمَّد، و أغسِل خَطاياك، و نادي بِإسم الرَّب.‘

١ بُطْرُس 1:2

المُختارين بِحَسَب مَعرِفَة الله الأبو الكانَت مِن قَبِل، و المُقَدَّسين بِالرّوح عَشان يَطيعو يَسُوع المَسيح و يَكونو مَرشوشين بِدَمّو. نِعمَه و سَلام يَكَتِّر ليكُم.

يَهُوذَا 1:1

مِن يَهُوذَا خَدّام يَسُوع المَسيح و أخو يَعْقُوب، لِلمُختارين و المَحبوبين في الله الأبو و المَحفوظين لِيَسُوع المَسيح.

أعمال الرُّسُل 26:18

عَشان تَفتَح عُيونُم، عَشان يَرجَعو مِن الضُّلُمَّه لِلنّور، و مِن سُلطَة الشّيطان لِلَّه. و بِدا يَقبَلو بِإيمان بي غُفران الخَطايا و مَحَل مَعَ القِدِّسين.

يُوحَنَّا 17:7

و هَسَّع، هُم عِرِفو إن كُل الأدّيتو لَي، هو جاي مِنَّك.

يَعْقُوب 1:18

مِن إرادَة نَفسو هو وَلَدنا بِكِلمَة الحَق عَشان نَكون أوَّل ثِمار مِن كُل الخَلَقو.

يُوحَنَّا 15:8

بِدا، أبوي يِتمَجَّد إذا تَجِيبو ثِمار كَتير، و كِدا بِتكونو تَلاميذي.

يُوحَنَّا 13:10

يَسُوع قال ليهو: ”الإتغَسَّل ما عاوِز إلّا غَسل رِجلينو بَس، عَشان جِسمو كُلّو نَضيف. و إنتو نُضاف، لَكِن مُش كُلُّكُم.“

رُومِيَه 10:8

لَكِن يَقول شِنو؟ ”الكِلمَه قَريبَه مِنَّك، في خَشمَك و في قَلبَك.“ يَعني كِلمَة الإيمان النَّبَشِّر بيها.

٢ كُورِنْثُوس 11:2

عَشان أنا غَيور عَليكُم بِغيرَة الله. عَشان أنا وَعَدتَكُم لِراجِل واحِد عَشان أقَدِّم عَذراء نَضيفَه لِلمَسيح.

كُولُوسِّي 3:16

خَلّو كِلمَة المَسيح تَعيش فيكُم بِكَترَه، و إنتو تَعَلِّمو و تَهَظِّرو بَعضَكُم بَعض بِكُلّو حِكمَه. و تَرَتِّلو بِمَزامير و تَرتيلات و حَمد روحي، و تَشكُرو الله في قُلوبكُم.

عِبرانيين 4:12

عَشان كِلمَة الله حَيَه و نَشيطَه، و سنينا مِن كُلّو سيف العِندو طَرفين. و هي تَقطَع حَتّى تَقَسِّم النَّفس و الرّوح، و المَفاصِل و المُخ، و تَحكُم في أفكار القَلِب و إرَادَتو.

عِبرانيين 10:14

عَشان بِتَقدِمَه واحدَه هو عَمَلُم كامِلين لِلأبَد، ديل الهو قاعِد يَقَدِّسُم.

عِبرانيين 10:29

و شِنو بِكون لِلزّول الدّاس إبن الله تِحِت رِجلينو، و إفتَكَر الإتِّفاق القَدَّسو حاجَه وَسخانَه، و شَتَم روح النِّعمَه؟ فَكِّرو كيف هو يِستَحِق جِزا أشَدّا!

عِبرانيين 13:12

و عَلَشان كِدا، يَسُوع كَمان إتوَجَّع بَرَّه مِن باب المَدينَه، عَشان يَقَدِّس النّاس بِدَمّو.

٢ بُطْرُس 1:9

و أي زول الما عِندو الحاجات دي، هو عَميان و نَظَرو ضَعيف. و هو نِسى إنّو مَغَسَّل مِن خَطاياهو الفاتَت.