أفَسُس 5:2 - كِتاب العَهد الجَّديد مِن الكِتاب المُقَدَّس

² و عيشو في المَحَبَّه، زي المَسيح حَبّانا و أدّا نَفسو عَشان خاطِرنا، تَقدِمَه و ضَبيحَه لِلَّه زي ريحَه كوَيسَه.

أفَسُس 5:2 Referans Kwoze

يُوحَنَّا 13:34

أنا بَدّيكُم أمر جَديد، عَشان تَحِبّو بَعضَكُم بَعض. زي ما أنا حَبّيتكُم، إنتو كَمان تَحِبّو بَعضَكُم بَعض.

غَلَاطِيَّه 2:20

إنصَلَبتَ مَعَ المَسيح. و أنا ما بَعيش تاني، لَكِن المَسيح، هو بِعِيش فِيني. و الحَياة البَعيشا هَسَّع في الجِّسِم، بَعيشا في الإيمان بِإبن الله الحَبّاني، و أدّا نَفسو فِشانّي.

كُولُوسِّي 3:14

و فوق دا كُلّو، لَبِّسو المَحَبَّه، الهي رُباط الكَمال.

٢ كُورِنْثُوس 2:15

عَشان نِحنا لِلَّه زي الرّيحَه الحِلوَه بِتاعَت المَسيح بين البِخلَصو و البِهلِكو.

تِيطُس 2:14

هو أدّا نَفسو فِشانّا عَشان يَفدينا مِن كُلّو ذَنب، و يَنَضِّف لِنَفسو ناس يَكونو مُلكو، و عِندَهُم غيرَه لِكُل الأعمال الكوَيسَه.

١ كُورِنْثُوس 16:14

أعمِلو كُلّو حاجَه بِمَحَبَّه.

مَتَّى 20:28

زي ما إبن الإنسان ما جا عَشان النّاس يَخدِموهو، لَكِن عَشان يَخدِم النّاس، و عَشان يَدّي نَفسو فِداء لِناس كُتار.“

١ بُطْرُس 4:8

فوق كُلّو شي، حِبّو بَعضَكُم بَعض بِمَحَبَّه شَديدَه، عَشان المَحَبَّه تَغَطّي خَطايا كَتيرَه.

٢ كُورِنْثُوس 8:9

عَشان إنتو بِتَعرِفو نِعمَة رَبَّنا يَسُوع المَسيح، إنّو هو غَني لَكِن بِقى مِسكين فِشانّا، عَلَشان نِحنا نَبقى غَنيين عَشان هو كان مِسكين.

١ يُوحَنَّا 3:16

بِدا، بِنَعرِف المَحَبَّه، أن يَسُوع المَسيح أدّا نَفسو عَشان خاطِرنا. و واجِب عَلينا أن نَدّي نُفوسنا عَشان خاطِر الأخوان.

رؤيا 1:5

و مِن يَسُوع المَسيح الشّاهِد الأمين و البِكر مِن بين المَيِّتين و رَئيس مُلوك الأرض. ليهو البِحِبّنا و أدّانا الحُرّيَّه مِن خَطايانا بِدَمّو.

عِبرانيين 9:26

عَشان إذا كِدا، المَسيح كان لازِم يَتعَب مَرّات كَتيرَه مِن خَليقَة الدُّنيا. لَكِن هَسَّع هو ظَهَر مَرَّه واحدَه في نِهايَة الزَّمَن عَشان يَوَقِّف الخَطيَّه بِضَبيحَة نَفسو.

عِبرانيين 9:14

و عَلَشان دا الحَق، كَم بِالأكتَر دَم المَسيح عَمَل لينا! هو قَدَّم نَفسو لِلَّه بِالرّوح الأبَدي بِدون عيب. و دَمّو بِنَضِّف ضَمايرنا مِن الأعمال المَيِّتَه عَشان نَخدِم الله الحَي.

١ تِيمُوثَاوُس 2:6

الأدّا نَفسو فِداء عَن كُل النّاس، و دي الشِّهادَه في وَكتو الموافِق.

أفَسُس 4:15

لَكِن نِتكَلَّم الحَق في المَحَبَّه عَشان نَكبَر في كُلّو حاجَه لِلرّاس، هو المَسيح.

١ يُوحَنَّا 3:23

و دا هو أمرو أن نآمِن بِإسم إبنو يَسُوع المَسيح و نَحِب بَعَضَنا بَعض، زي ما أدّانا أمر.

١ تِيمُوثَاوُس 4:12

ما تَخَلّي أي واحِد يَكون مِتكَبِّر عَليك عَشان إنتَ شاب. لَكِن كون مَثَل لِلمؤمِنين في الكَلام، و في الحَياة و المَحَبَّه و الإيمان و قَلِب نَضيف.

١ تَسَالُونِيكِي 4:9

لَكِن بِخُصوص المَحَبَّه لِلأخوان، إنتو ما مُحتاجين أن أكتِب ليكُم عَن دي. عَشان نُفوسكُم مِتعَلِّمين مِن الله أن تَحِبّو بَعضَكُم بَعض.

أفَسُس 4:2

كونو مِتواضِعين و لُطَفاء، و أصبُرو بَعضَكُم بَعض في المَحَبَّه.

أفَسُس 3:17

عَشان المَسيح يَسكُن في قُلوبكُم بِالإيمان، عَلَشان عُروقكُم و أساسكُم بِكونو في المَحَبَّه،

غَلَاطِيَّه 1:4

هو أدّا نَفسو فِشان خَطايانا، عَشان يَفدينا مِن الزَّمَن الحاضِر البَطّال، بِحَسَب إرادَة إلَهنا و أبونا.

رؤيا 5:9

و هُم يَرَتِّلو تَرتيلَه جَديدَه، و بِقولو: ”إنتَ مُستَحِق تاخُد الكِتاب و تَفِك أختامو، عَلَشان كُنتَ مَكتول، و بِدَمَّك أشتَريت لِلَّه مِن كُلّو قَبيلَه و لُغَه و شَعب و أُمَّه.

عِبرانيين 9:23

عَلَشان كِدا، كان لازِم يَنَضِّفو صُوَر الحاجات الفي السَّما بِالضَّبايح ديل. و لَكِن يَنَضِّفو الحاجات الفي السَّما زاتا بِضَبايح أحسَن مِن ديل.

أفَسُس 3:19

و تَعرِفو مَحَبَّة المَسيح، الفوق المَعرِفَه، عَلَشان تَكونو مَليانين تَمام بِالله نَفسو.

رُومِيَه 8:3

الله عَمَل الما قِدِر يَعمِلو القانون، عَلَشان القانون كان ضَعيف بِسَبَب الجِّسِم. هو دان الخَطيَّه في الجِّسِم لَمّا رَسَّل إبنو في صورَة جِسِم الخَطيَّه فِشان الخَطيَّه.

أفَسُس 5:25

يا رُجال، حِبّو نِسوانكُم، زي المَسيح كَمان حَبَّ الكَنيسَه و أدّا نَفسو فِشانّا،

١ كُورِنْثُوس 5:7

أُخدو مِنَّكُم الخَميرَه القَديمَه عَلَشان تَكونو عَجين جَديد، زي ما إنتو بِالحَق عيش بِدون خَميرَه. عَشان المَسيح، الحَمَل بِتاع عيد الفِصَح، إنضَبَح فِشانّا.

رُومِيَه 4:25

هُم سَلَّموهو لِلموت عَشان خَطايانا. و الله قَوَّمو عَشان نِتبَرَّر.

يُوحَنَّا 6:51

أنا هو العيش الحَي النَزَل مِن السَّما. إذا واحِد أكَل مِن العيش دا، هو بِعِيش لِلأبَد. و العيش الأنا بَدّيهو، هو جِسمي البَدّيهو لِحَياة الدُّنيا.“

رُومِيَه 8:37

لا، في كُل الحاجات دي نَغلِب غَلب كَبير بيهو الحَبّانا.

رُومِيَه 15:16

و عَشان أكون خَدّام لِلمَسيح يَسُوع فِشان الأُمَم. و أبَشِّر خِدمَة الإنجيل زي قَسّيس، عَلَشان الأُمَم تَبقى هَدِيَّه مَقبولَه، مُقَدَّسَه بِالرّوح القُدُس.

٢ كُورِنْثُوس 2:14

لَكِن شُكراً لِلَّه عَشان هو دايماً بِقودنا في الغَلَبَه في المَسيح، و بِوَرّي بينَنا ريحَة مَعرِفتو في كُلّو مَحَل.

أفَسُس 1:4

عَشان هو إختارنا مِن قُبّال خَليقَة الدُّنيا عَشان نَكون قِدِّيسين و بِدون لوم قِدّامو.

أفَسُس 5:15

شوفو بِالظَّبط كيف إنتو تَعيشو، مُش زي البَليدين لَكِن زي الفاهمين.

فيلِبّي 4:18

قِبِلتَ كُلّو شي، و أنا في راحَه. أنا بِقيت مَليان مِن وَكت أخَدتَ مِن وأبفروديتس هَداياكُم الإنتو رَسَّلتوها. هي هَديَه ريحَتا طَيبَه، و ضَبيحَه مَقبولَه، اليَبسِط الله.

عِبرانيين 8:3

عَشان كُلّو رَئيس قُسُس مُختار عَشان يَقَدِّم تَقدِمات و ضَبايح. و عَلَشان كِدا، كان ضَروري ليهو كَمان يَكون عِندو حاجَه عَشان يَقَدِّما.