أفَسُس 5:18 - كِتاب العَهد الجَّديد مِن الكِتاب المُقَدَّس

¹⁸ ما تَكونو سَكرانين بِالخَمر، البِقود لِلخَراب، لَكِن كونو مَليانين بِالرّوح.

أفَسُس 5:18 Referans Kwoze

رُومِيَه 13:13

خَلّونا نَعيش بِالإحتِرام زي في النَّهار، ما بِالحَفلات البَطّالَه و السُّكر، ولّا بِالفَضيحَه و الخَراب، ولّا بِالمُشاكَلَه و الحَسَد.

لُوقَا 1:15

عَشان هو بِكون عَظيم قِدّام الرَّب، و ما بِشرَب خَمُر ولّا مَريسَه أبَداً، و بِكون مَليان بِالرّوح القُدُس و هو لِسَّع في بَطن أُمّو.

١ كُورِنْثُوس 5:11

لَكِن هَسَّع بَكتِب ليكُم، ما تِتلَمّو مَعَ واحِد البِسَمّوهو أخو، إذا هو بيَعمِل زِنا ولّا هو طَمّاع، ولّا يَعبُد الأصنام، ولّا شَتَّم، ولّا مَرّاسي، ولّا حَرامي. و ما تاكلو مَعَ واحِد زي دا.

أعمال الرُّسُل 11:24

عَشان هو كان راجِل صالِح، مَليان بِالرّوح القُدُس و بِالإيمان. و عَدَد كَبير مِن النّاس إتلَمّو لِلرَّب.

١ تَسَالُونِيكِي 5:7

عَشان البِنومو، بِاللّيل بِنومو، و البِكونو سَكرانين، بِاللّيل بِكونو سَكرانين.

لُوقَا 12:45

لَكِن إذا الخَدّام دا قال في قَلبو: سيدي ما بِجي قَريب، و بَعدين إبتَدا يَضرُب الخَدّامين و الخَدّامات، و ياكُل و يَشرَب و يَكون سَكران،

لُوقَا 11:13

و إذا إنتو البَطّالين تَعرِفو تَدّو أولادكُم هَدايا سَمحَه، كَم بِالأكتَر الأبو السَّمَاوي يَدّي الرّوح القُدُس لِليَسألوهو؟“

١ كُورِنْثُوس 6:10

ولّا الحَراميَه، ولّا الطَّمّاعين، ولّا السَّكرانين، ولّا الشَّتَّامين، ولّا السَّرّاقين بِيورَثو مَلَكوت الله.

تِيطُس 1:6

الشّيخ لازِم يَكون بِدون لوم، راجِل عِندو مَرَه واحدَه، و أولادو مؤمِنين و ما يَشتَكو مِنَّهُم بيَعمِلو الدَوشَه ولّا ما بِطيعُو.

لُوقَا 21:34

لَكِن خَلّو بالكُم لِنُفوسكُم، عَشان ما بِتكونو حَزنانين في قُلوبكُم بِحاجات فاضيَه و سَكَر و هُموم الحَياة دي، و اليوم داك بِجي ليكُم زي الفَخ.

١ كُورِنْثُوس 11:21

عَشان لَمّا تاكلو، كُلّو واحِد يَمشي قِدّام و ياكُل العَشا بِتاعو. و الواحِد يَجوع و التّاني يَكون سَكران!

مَتَّى 23:25

حُزن ليكُم، يا مُعَلِّمين القانون و الفَرّيسيّين، المُنافِقين! إنتو بِتنَضِّفو الفِنجان و الصَّحَن مِن بَرَّه، و لَكِن مِن جُوَّه هُم مَليانين طَمَع و مَحَبَّة النَّفس.

مَتَّى 24:49

و يَبتَدي يَضرُب الخَدّامين البِشتَغِلو مَعاهو، و ياكُل و يَشرَب مَعَ السَّكرانين.

يُوحَنَّا 2:10

و قال ليهو: ”كُلّو زول بِقَدِّم الخَمر الكوَيسَه في الأوَّل، و لَمّا النّاس شِرِبو كَتير، بَعدين يَقَدِّم الما كوَيسَه. لَكِن إنتَ عَمَلتَ بِالعَكس. خَلّيت الخَمر الكوَيسَه لِغايَة هَسَّع.“