أفَسُس 4:14 - كِتاب العَهد الجَّديد مِن الكِتاب المُقَدَّس

¹⁴ عَشان ما نَكون بَعَد دا أطفال. عَشان كُلّو هَبوب بِتَرمي الاطفال و بِتشيلُم هِنا و هِناك. و الهَبوب يَعني التَّعليم بِتاع النّاس الشّاطرين البِغِشّو بِمَكَرُم الغَلطان.

أفَسُس 4:14 Referans Kwoze

عِبرانيين 13:9

ما تَخَلّو تَعاليم مُختَلِفَه و غَريبَه تَسوقكُم مِن الحَق. عَشان دا كوَيس إذا القَلِب يَكون ثابِت بِالنِّعمَه، مُش بِأكِل مَخصوص. و النّاس الأكَلوهو ما لِقو مِنّو فايدَه.

١ كُورِنْثُوس 14:20

يا أخوان، ما تَكونو أولاد في أفكاركُم. كونو أولاد صُغار في الشَّر، لَكِن في أفكاركُم كونو كامِلين.

١ يُوحَنَّا 4:1

يا مَحبوبين، ما تَصَدِّقو كُلّو روح، لَكِن إمتَحِنو الأرواح، هُم مِن الله ولّا لا. عَشان أنبياء كاضِبين كَتيرين مَرَقو لِلدُّنيا.

٢ كُورِنْثُوس 2:17

و نِحنا ما زي الكَتيرين البِتاجِرو بِكِلمَة الله. و لَكِن نِتكَلَّم قِدّام الله بِإخلاص في المَسيح، زي ناس مُرَسَّلين مِن الله.

يَعْقُوب 1:6

لَكِن لازِم يَسأل بِإيمان، و ما بِشِك كُلّو كُلّو. أي واحِد البِشِك، هو زي موج البَحَر الريح تَهِبّو لِهِنا و لِهِناك و تَرميهو.

أفَسُس 6:11

ألبَسو سِلاح الله عَشان بِتَقدَرو تَقيفو و تَقاوِمو كُلّو غِش بِتاع إبْلِيس.

مَتَّى 24:24

عَشان مُسَحَه كَضّابين و أنبياء كَضّابين بِقومو و يَعمِلو عَلامات عَظيمَه و عَجايِب، فِشان يَغِشّو حَتّى النّاس المُختارين، إذا دا كان مُمكِن.

٢ تِيمُوثَاوُس 4:3

عَشان الوَكِت بِجي لَمّا النّاس ما يِتحَمَّلَو التَعليم الصَّحيح. لَكِن حَسَب الشَّهوات بِتاعتُم بِلِمّو لِنُفوسُم مُعَلِّمين عَشان يَقولو الهُم عاوزين بِشِدَّه أن يَسمَعو.

يَهُوذَا 1:12

و ديل حُجار مَدسوسَه في عَزوماتكُم المَحَبّيَه، عامِلين عَزومات مَعاكُم بِدون خوف، و يَهتَمّو بِنُفوسُم بَس. هُم سَحاب بِدون مويَه، تَشيل الأرياح، شَجَر الخَريف بِدون ثِمار، مات مَرَّتين و ما طَلَّع.

رؤيا 19:20

و الوَحَش كان مَقبوض، و مَعاهو النَّبي الكَضّاب الصَنَع العَلامات قِدّامو. و بِالعَلامات دي هو غَشّا ديل، القِبِلو عَلامَة الوَحَش و عَبَدو صَنَمو. و هُم الإتنين إترَمو و هُم حَيين في بِركَة النّار، المَوَلَّعَه بِالكِبريت.

غَلَاطِيَّه 3:1

يا ناس غَلَاطِيَّه البَليدين! مِنو سَحَركُم؟ إنتو القِدّام عُيونكُم يَسُوع المَسيح كان مُصَوَر بينكُم مَصلوب.

مَتَّى 24:11

و أنبياء كَضّابين كَتيرين بِقومو و يَغِشّو كَتيرين.

١ يُوحَنَّا 2:26

أكتِب دا ليكُم عَن البِغِشّوكُم.

٢ تِيمُوثَاوُس 3:13

لَكِن النّاس البَطّالين و البِغِشّو بِزيدو في الشَّر، و هُم بِغِشّو و بِكونو مَغشوشين.

٢ كُورِنْثُوس 4:2

لَكِن نِحنا أبينا نَعمِل أي حاجَه بِالسِّر ولّا الفيهو عيب. ما نَغِش ولّا نَغَيِر كِلمَة الله. بِالعَكس نِبَيِّن الحَق، و نَحمِد نُفوسنا قِدّام ضَمير النّاس و قِدّام الله.

مَتَّى 11:7

و وَكِت ما كانو ماشين، يَسُوع بِقى يَكَلِّم النّاس الكَتير عَن يُوحَنَّا: ”مَرَقتو في الخَلا تَشوفو شِنو؟ قَش بِتهَزّو الهَبوب؟

١ كُورِنْثُوس 12:2

إنتو بِتَعرِفو لَمّا كُنتو مِن الأُمَم، كانو يَحَرِّكوكُم و يَقودوكُم لِلأصنام الما يِتكَلَّمو.

أعمال الرُّسُل 23:21

ما تَسمَع ليهُم، عَشان في أكتَر مِن أربَعين راجِل بِندَسّو و بِستَنّوهو. و هُم حَلَفو عَشان ما ياكلو و لا يَشرَبو حَتّى يَكتُلوهو. و هَسَّع، هُم جاهِزين و بِستَنّو مِنَّك وَعَد.“

١ يُوحَنَّا 2:19

هُم مَرَقو مِنَّنا، لَكِن ما كانو مِنَّنا. عَشان إذا كانو مِنَّنا، كانو إستَنّو مَعانا. لَكِن مَرَقو عَشان يَوَرّو إنّو ما كُلَّهُم مِنَّنا.

٢ بُطْرُس 2:18

عَشان هُم يِتكَلَّمو بِكِلمات مِتكَبِّرَه و فاضيَه. و يَغِشّو بِشَهوات الجِّسِم و الخَراب، النّاس القَرَّبو يَنجو مِن ديل البِعيشو في الغَلطَه.

يَعْقُوب 3:4

شوفو! الهَبوب تَسوق المَراكِب الكَبيرَه جِدّاً. لَكِن دَفَّه صَغَيرَه جِدّاً تَحَوِّلا لِلمَحَل الرَئيس داير يَمشي ليهو.

١ تِيمُوثَاوُس 3:6

و لَكِن هو ما لازِم يَكون جَديد في الإيمان، عَشان يِمكِن يَشكُر نَفسو و يَقَع في حُكم إبْلِيس.

٢ تِيمُوثَاوُس 1:15

إنتَ بِتَعرِف دا إنّو كُل النّاس الفي آسيا رَجَّعو عَنّي. و مِنَّهُم فيجَلُّس و هَرْمُوجَانِس.

١ كُورِنْثُوس 3:19

عَشان حِكمَة الدُّنيا دي، هي حاجَه بَليدَه قِدّام الله. عَشان مَكتوب: ”هو ياخُد الشّاطرين بِغِشُّم.“