أفَسُس 3:5 - كِتاب العَهد الجَّديد مِن الكِتاب المُقَدَّس

⁵ و ما خَبَّر بيهو لِلنّاس في زَمَن تاني زي ما وَرّاهو هَسَّع لِرُسُلو القِدِّسين و أنبياهو بِالرّوح.

أفَسُس 3:5 Referans Kwoze

يَهُوذَا 1:17

و لَكِن إنتو، يا مَحبوبين، إتزَكَّرو الكَلام القالوهو رُسُل رَبَّنا يَسُوع المَسيح مِن قُبّال.

٢ بُطْرُس 3:2

أنا عاوِزكُم تِتزَكَّرو كِلمات الأنبياء القِدِّسين الإتكَلَّمو بيها مِن قُبّال، و أمر الرَّب و المُخَلِّص الجّا ليكُم بِرُسُلكُم.

أفَسُس 2:20

و هو بَناكُم عَلى أساس الرُّسُل و الأنبياء، و يَسُوع المَسيح نَفسو، الحَجَر، الهو راس الرُّكن.

أفَسُس 3:9

و أوَرّي كُل النّاس شِنو تَرتيب السِّر دا، الكان مَدسوس مِن زَمان في الله، الخَلَق كُلّو شي.

أعمال الرُّسُل 10:28

و بُطْرُس قال ليهُم: ”إنتو بِتَعرِفو كيف ما في إذِن لِراجِل يَهودي يَشتَرِك مَعَ ناس مِن بَلَد تانيَه، ولّا يَقَرِّب مِنّو. لَكِن الله وَرّاني أن ما أقول عَن أي زول هو نَجِس ولّا ما نَضيف.

لُوقَا 10:24

عَشان أقول ليكُم، أنبياء كُتار و مُلوك دارو يَشوفو الحاجات الإنتو بِتشوفوها، و ما شافوها. و دارو يَسمَعو الإنتو بِتَسمَعوهو، و ما سِمِعوهو.“

يُوحَنَّا 14:26

و لَكِن المُساعِد، الهو الرّوح القُدُس، الأبو بِرَسِّلو بِإسمي، هو بِعَلِّمكُم كُلّو حاجَه، و يَزَكِّركُم بِكُل القُلتو ليكُم.

مَتَّى 13:17

الحَق، أقول ليكُم، أنبياء كُتار و الطَّيبين كانو عاوزين يَشوفو الحاجات الإنتو تَشوفوها، و ما شافوها. و كانو عاوزين يَسمَعو الإنتو تَسمَعوها، و ما سِمِعوهو.

رُومِيَه 16:25

و لِلقادِر يَثَبِّتكُم حَسَب إنجيلي الأنا أبَشِّر بِيَسُوع المَسيح، و حَسَب السِّر الكان مَدسوس في الزَّمَن الأبَديَّه.

يُوحَنَّا 16:13

لَكِن لَمّا روح الحَق يَجي، هو بِوَرّيكُم كُل الحَق. عَشان هو ما بِتكَلَّم مِن نَفسو، لَكِن كُل البِسمَع، هو بِتكَلَّم بيهو. و بِوَرّيكُم الحاجات الجّايَه.

مَتَّى 23:34

عَلَشان دا، أرَسِّل ليكُم أنبياء و ناس فاهمين و مُعَلِّمين القانون. و بَعَد مِنَّهُم إنتو بِتَكتُلوهُم و بِتَصلُبوهُم، و بَعَد مِنَّهُم بِتَجلِدوهُم في بِيوت الرَّب و بِتَطرُدوهُم مِن بَلَد لِبَلَد.

لُوقَا 11:49

عَشان كِدا، حِكمَة الله قالَت: بَرَسِّل ليهُم أنبياء و رُسُل، و يَكتُلو و يَطرودو بَعض مِنَّهُم.

١ كُورِنْثُوس 2:10

و الله وَرّاهو لينا بِروحو. عَشان الرّوح يَفَتِّش كُلّو حاجَه حَتّى حاجات الله الغَريقَه.

مَتَّى 20:7

و قالو ليهو: عَشان ما في واحِد أجَّرنا. قال ليهُم: أمشو إنتو كَمان لِجِنينتي.