أفَسُس 2:2 - كِتاب العَهد الجَّديد مِن الكِتاب المُقَدَّس

² و إنتو مَشيتو فيها مِن قُبّال، حَسَب طُرُق الدُّنيا دي، حَسَب رَئيس سُلطَة الهَوا، الرّوح البِشتَغِل هَسَّع في النّاس الما بِطيعُو.

أفَسُس 2:2 Referans Kwoze

أفَسُس 6:12

عَشان ما نَحارِب دَم و لَحَم، لَكِن الحُكّام و السَّلاطين و رؤساء ضَلام الدُّنيا دي، و جُيوش روحيَّه بِتاعَت الشَّر في مَحَلّات عاليَه.

١ يُوحَنَّا 5:19

بِنَعرِف نِحنا مِن الله، و الدُّنيا كُلَّها تِحِت سُلطَة الشَّرّير.

أفَسُس 2:3

و كُلُّنا عِشنا بِينُم في الزَّمَن الفات في شَهوات جِسِمنا. و كُنّا بِنَعمِل إرادَة الجِّسم و الأفكار. و كُنّا بِالطَّبيعَه أولاد الغَضَب زي النّاس التّانيين كَمان.

يُوحَنَّا 12:31

هَسَّع، دينونَة الدُّنيا دي. هَسَّع بِرمو رَئيس الدُّنيا بَرَّه.

أفَسُس 5:6

ما تَخَلّو أي زول يَغِشّكُم بِكِلمات بِدون فايدَه، عَلَشان بِسَبَب الحاجات دي، زَعل الله يَجي عَلى النّاس الما بِطيعُو.

يُوحَنَّا 8:44

إنتو مِن أبوكُم هو إبْلِيس، و إنتو بِتَعمِلو زي ما أبوكُم عاوِز. هو كان كَتّال النّاس مِن الأوَّل، و ما ثَبَت في الحَق، عَشان ما فيهو حَق. و لَمّا يتكَلَّم بِالكِضِب، هو بِتكَلَّم مِن عِندو، عَشان هو كَضّاب، و أبو الكِضِب.

أفَسُس 4:22

و بِخُصوص طَريق حَياتكُم المِن قُبّال، إنتو إتعَلَّمتو أن تَقلَعو مِنَّكُم النَّفس القَديمَه، الفيها خَراب بِسَبَب الشَّهوات البِغِشّو.

١ كُورِنْثُوس 6:11

و بَعض مِنَّكُم كانو زي داك. لَكِن كُنتو مَغسولين، إتقَدَّستو، إتبَرَّرتو بِإسم الرَّب يَسُوع المَسيح و بِروح إلَهنا.

٢ كُورِنْثُوس 4:4

و إلَه الزَّمَن دا عَمَل أفكار الما مؤمِنين عَميانين، عَلَشان ما بِقدَرو يَشوفو نور إنجيل مَجد المَسيح الهو صورَة الله.

١ يُوحَنَّا 5:4

عَشان كُلُّ واحِد مَولود مِن الله يَغلِب الدُّنيا. و دي هي الغَلَبَه التَّغلِب الدُّنيا، أيمانّا.

١ يُوحَنَّا 3:10

بِدا، أولاد الله مَعروفين و أولاد إبْلِيس مَعروفين. كُل الما بيَعمِل البِر ما مِن الله، و كِدا الما بِحِب أخوهو كَمان.

١ بُطْرُس 1:14

و مِثِل الأولاد البِطيعُو، ما تَخَلّو الشَّهوات القَديمَه يَسوقوكُم زي في الوَكِت لَمّا كُنتو بِدون مَعرِفَه.

رؤيا 20:2

و هو قَبَض عَلى التّنين، الدَّبيب القَديم، الهو إبْلِيس و الشّيطان، و رَبَطو لِألف سَنَه.

١ يُوحَنَّا 4:4

إنتو مِن الله، يا أولاد، و غَلَبتوهُم. عَشان هو الفيكُم أكبَر مِن الفي الدُّنيا.

١ بُطْرُس 4:3

إنتو صَرَفتو وَكِت كِفايَه عامِلين إرادَة الأُمَم، ماشين في الفَضيحَه، و الشَّهوات، و السُّكر، و حَفلات لِشُرُب الخَمر، و السَّفاهَه، و عِبادَة الأصنام المَكروهَه.

كُولُوسِّي 1:21

و إنتو قُبّال دا كُنتو غَريبين عَن الله، و عُدوان ليهو في الفِكر، و بِالأعمال البَطّالَه.

غَلَاطِيَّه 1:4

هو أدّا نَفسو فِشان خَطايانا، عَشان يَفدينا مِن الزَّمَن الحاضِر البَطّال، بِحَسَب إرادَة إلَهنا و أبونا.

رُومِيَه 12:2

و ما تَكونو زي الزَّمَن دا، لَكِن إتغَيَّرو مِن جُوَّه بِأفكار جَديدَه. فِشان تَمتَحِنو إرادَة الله، إرَادَتو الكوَيسَه، و المَقبولَه، و الكاملَه.

يَعْقُوب 4:4

يا زانين، ما بِتَعرِفو حُب الدُّنيا عَداوَه لِلَّه؟ أي واحِد عاوِز يَكون صاحِب لِلدُّنيا يَبقى عَدو لِلَّه.

١ كُورِنْثُوس 5:10

أنا ما كُنتَ بَتكَلَّم عَن زانيين الدُّنيا دي، ولّا الطَّمّاعين ولّا الحَراميَه، ولّا اليَعبُدو الأصنام. عَشان إذا كان عَمَلتو كِدا، لازِم تَمرُقو مِن الدُّنيا.

أعمال الرُّسُل 5:3

و بُطْرُس قال: ”يا حَنانيّا، لِشِنو الشّيطان مَلا قَلبَك حَتّى تَكَضِّب عَلى الرّوح القُدُس، و تاخُد جُزو مِن تَمَن الزِّراعَه لِنَفسَك؟

يُوحَنَّا 15:19

إذا كُنتو مِن الدُّنيا، ناس الدُّنيا كانو بِحِبّوكُم. و إنتو مُش مِن الدُّنيا، لَكِن أنا إختِرتَكُم مِن الدُّنيا. عَلَشان كِدا، ناس الدُّنيا بِكرَهوكُم.

يُوحَنَّا 14:30

أنا ما بَتكَلَّم مَعاكُم كَتير بَعَد دا، عَشان رَئيس الدُّنيا دي جاي، و هو ما عِندو قُدرَه عَلي.

٢ بُطْرُس 2:14

و هُم بِعاينو لِلزّانيين، و ما بِكونو تَعبانين مِن الخَطيَّه أبَداً، و يَغِشّو النّاس الما ثابِتين. و هُم بِقو شاطرين في الطَّمَع، أولاد اللَّعنَه!

يُوحَنَّا 16:11

و عَلى الدّينونَه عَشان رَئيس الدُّنيا دي كان مَحكوم عَليهو.

يُوحَنَّا 13:27

و بَعَد ما أخَد العيش، الشّيطان دَخَل فيهو. و يَسُوع قال ليهو: ”الدّايِر تَعمِلو، أعمِلو قَوام.“

يُوحَنَّا 13:2

و كان وَكِت العَشا، و إبْلِيس خَتَّ في قَلِب يَهُوذَا عَشان يَسَلِّمو ليهُم.

يُوحَنَّا 8:23

قال ليهُم: ”إنتو مِن تِحِت، و أنا مِن فوق. إنتو مِن الدُّنيا دي، لَكِن أنا ما مِن الدُّنيا دي.

يُوحَنَّا 7:7

ناس الدُّنيا ما بِقدَرو يَكرَهوكُم، لَكِن يَكرَهوني أنا، عَشان أنا بَشهَد عَليهُم إنّو أعمالُم بَطّالَه.

مَتَّى 13:38

و الزِّراعَه هي الدُّنيا، و التّيراب الكَويس يَعني أولاد المَلَكوت. و القَش هُم أولاد الشَّرّير.

رؤيا 13:8

و كُلّو سُكّان الأرض بِيَعبُدو الوَحَش، يَعني كُلّو واحِد إسمو ما كان مَكتوب مِن خَليقَة الدُّنيا في كِتاب الحَياة بِتاع الحَمَل الكان مَكتول.

١ يُوحَنَّا 3:8

البيَعمِل الخَطيَّه، هو مِن إبْلِيس، عَشان إبْلِيس مِن البِدايَه كان يَخطى. إبن الله ظَهَر لِلسَّبَب دا، عَشان يَخرَب أعمال إبْلِيس.

يَعْقُوب 1:7

ما تَخَلّي الزّول داك يَفتِكِر هو بِقبَل حاجَه مِن الرَّب.

٢ تِيمُوثَاوُس 4:10

عَلَشان دِيمَاس خَلّاني، عَشان هو حَبَّ الدُّنيا الحاضِرَه، و مَشى لِتَسَالُونِيكِي. كِرِيسْكِيس مَشى لِغَلَاطِيَّه، و تِيطُس لِ دَلْمَاطِيَّه.

أعمال الرُّسُل 19:35

و لكِن كاتِب المَدينَه سَكَّت النّاس و قال: ”يا رُجال أفَسُس، كُل الدُّنيا ما بِتَعرِف مَدينَة ناس أفَسُس، هي بِتَحرَس بيت أَرْطَامِيس العَظيمَه؟ و بِتَحرَس الصَّنَم النَزَل مِن السَّما.

لُوقَا 22:31

يا سِمْعَان، يا سِمْعَان! شوف، الشّيطان كان عاوِز كُلَّكُم عَشان يَغَربِلكُم زي الدُّرَه.

لُوقَا 16:8

و السَّيد حَمَد الوَكيل الظّالِم عَشان عَمَل بِالعَقل. عَشان أولاد الدُّنيا في وَكتُم، شاطرين مِن أولاد النّور.

مَتَّى 11:19

و إبن الإنسان جا ياكُل و يَشرَب، و هُم بِقولو: دا راجِل طَمّاع و مَرّاسي، و بِحِب البِلِمّو الضَّريبَه و الخاطيين. و العِندو فَهم، أعمالو بِوَرّيهو.“

رؤيا 16:17

و المَلاك السّابِع كَبَّ حَلَّتو عَلى الهَوا، و جا صوت عالي مِن الهيكَل، مِن الكُرسي، يَقول: ”هو خَلاص!“

رؤيا 13:14

و يَغِش سُكّان الأرض بِالعَلامات الأدّو ليهو أن يَعمِل قِدّام الوَحَش. و يأمُر سُكّان الأرض أن يَصنَعو صَنَم لِلوَحَش الكان عِندو جَرَح السّيف و حِيى.

رؤيا 12:9

و التّنين الكَبير كان مَطرود، هو الدَّبيب القَديم، إسمو إبْلِيس و الشّيطان، البِغِش السّاكنين عَلى الأرض كُلّها. هو و مَلائكَتو مَعاهو إترَمو لِلأرض.

مَتَّى 13:22

و الكان مَزروع في وَسط الشّوك، دا هو البِسمَع الكِلمَه، و لَكِن مَشغوليّات الدُّنيا و مَحَبَّة المال تَكون كَتيرَه حَتّى يَمنَعو الكِلمَه، و تَكون بِدون ثِمار.

مَرْقُس 4:19

و لَكِن هُموم الدُّنيا، و غِش الغِنى، و مَحَبَّة حاجات تانيَه تَدخُل و تَخنُق الكِلمَه، و هي بِتكون بِدون ثِمار.

أفَسُس 1:21

و هو فوق كُلّو رياسَه و سُلطَه و قُوَّه و مَملَكَه و كُلّو إسم البِدّوهو لِلنّاس، مُش في الزَّمَن دا بَس، لَكِن في الجّاي كَمان.

أفَسُس 2:11

عَلَشان كِدا، إتزَكَّرو إنتو كُنتو مِن قُبّال مِن الأُمَم حَسَب الجِّسِم. و اليَسَمّوهُم مُطَهَّرين بِدا المَعمول في الجِّسِم بِالإيدين، هُم يَسَمّوكُم ما مُطَهَّرين.

أفَسُس 2:13

لَكِن هَسَّع في المَسيح، إنتو الكُنتو بَعيدين بِقيتو قَرِيبين بِدَم المَسيح.

أفَسُس 4:17

و بَقول دا و أشهَد في الرَّب، ما تَعيشو بَعَد دا زي الأُمَم كَمان بِأفكار بِدون فايدَه.

أفَسُس 5:8

عَلَشان إنتو كُنتو ضُلُمَّه مِن قُبّال، لَكِن هَسَّع إنتو نور في الرَّب. عيشو زي أولاد نور.

يَعْقُوب 1:27

الدّين النَّضيف و البِدون عيب قِدّام الله الأبو، هو زيارَة اليَتامى و الأرامِل في تَعبُم، و حِفظ الإنسان نَفسو بِدون نَجاسَه مِن الدُّنيا.