أفَسُس 2:15 - كِتاب العَهد الجَّديد مِن الكِتاب المُقَدَّس

¹⁵ و في جِسمو بَطَّل العَداوَه، الكان في القانون مَعَ أوامِرو و تَرتيباتو. و هو عَمَل دا عَلَشان يَخلُق في نَفسو، مِن الإتنين واحِد إنسان جَديد، و كِدا بيَعمِل سَلام.

أفَسُس 2:15 Referans Kwoze

كُولُوسِّي 2:14

و هو بَطَّل الدّين المَكتوب عَلينا في القَوانين الضِّدَّنا. و هو رَفَعو مِن الوَسِط و سَمَّرو عَلى الصَّليب.

غَلَاطِيَّه 3:10

كُل البِتَّكِلو عَلى أعمال القانون، هُم تِحِت لَعنَه. عَشان مَكتوب: ”مَلعون كُلّو واحِد ما يِستَمِر في كُل المَكتوب في كِتاب القانون عَشان يَعمِل بيهو.“

عِبرانيين 8:13

و لَمّا يَقول: إتِّفاق جَديد، هو عَمَل الأوَّل قَديم. و الحاجَه البِقَت قَديمَه و عِندَها مُدَّه طَويلَه، بَعَد شوَيَه بِتفوت.

كُولُوسِّي 3:10

و لِبِستو الإنسان الجَّديد، المِتجَدِّد في المَعرِفَه عَلى صورَة الله الخَلَقو.

كُولُوسِّي 2:20

إذا كُنتو مُتّو مَعَ المَسيح عَن التَّعليم الأساسي بِتاع الدُّنيا، لِشِنو تَطيعو قَوانينو زي البِعيشو في الدُّنيا؟

غَلَاطِيَّه 6:15

عَشان في المَسيح يَسُوع الطَّهور ما ليهو فايدَه، ولّا الما مُطَهَّر، لَكِن الخَليقَه الجَديدَه.

غَلَاطِيَّه 3:28

و كِدا، ما في يَهودي ولّا إغريقي. ما في عَبد ولّا حُر. ما في راجِل ولّا مَرَه. عَشان كُلُّكُم واحِد في المَسيح يَسُوع.

أفَسُس 4:16

و مِنّو كُل الجِّسِم بِكون مَربوط سَوا بِمُساعدَة كُلّو رُباط. و الجِّسِم يَكبَر و يَبني نَفسو في المَحَبَّه لَمّا كُلّو عُضو يَعمِل شُغلو.

٢ كُورِنْثُوس 5:17

عَلَشان كِدا، إذا واحِد في المَسيح، هو خَليقَه جَديدَه. و الحاجات القَديمَه فاتَت. و شوف! الكُل بِقى جَديد.

عِبرانيين 7:16

و هو بِقى قَسّيس، مُش عَلى أساس قانون و أمر جِسمي، عَلى أساس قُوَّة حَياة ما عِندَها نِهايَه.

عِبرانيين 9:23

عَلَشان كِدا، كان لازِم يَنَضِّفو صُوَر الحاجات الفي السَّما بِالضَّبايح ديل. و لَكِن يَنَضِّفو الحاجات الفي السَّما زاتا بِضَبايح أحسَن مِن ديل.

أفَسُس 2:10

عَلَشان نِحنا شُغل الله، و هو خَلَقنا في المَسيح يَسُوع عَشان نَعمِل أعمال كوَيسَه، الجَّهَّزا الله مِن قُبّال عَشان نَعمِلا.

أفَسُس 2:14

عَشان هو سَلَامنا، و هو عَمَل اليَهود و الأُمَم واحِد. و كَسَّر الحيطَه الفي وَسِط. الكانَت تَقَسِّم بينَنا.

أفَسُس 2:16

عَلَشان يَعمِل الإتنين أصحاب مَعَ الله في جِسِم واحِد بِالصَّليب. و بِالصَّليب، هو كَتَل العَداوَه بِينُم.

كُولُوسِّي 3:11

هِنا ما في إغريقي ولّا يَهودي، ولّا طَهور ولّا ما طَهور، ولّا غَريب ولّا سِكِّيثِي، ولّا عَبد ولّا حُر. لَكِن المَسيح هو الكُل و هو في الكُل.

كُولُوسِّي 3:15

و خَلّو سَلام المَسيح يَملِك في قُلوبكُم، عَلَشان هو ناداكُم لِدا في جِسِم واحِد. و كونو شاكِرين.