أفَسُس 2:14 - كِتاب العَهد الجَّديد مِن الكِتاب المُقَدَّس

¹⁴ عَشان هو سَلَامنا، و هو عَمَل اليَهود و الأُمَم واحِد. و كَسَّر الحيطَه الفي وَسِط. الكانَت تَقَسِّم بينَنا.

أفَسُس 2:14 Referans Kwoze

غَلَاطِيَّه 3:28

و كِدا، ما في يَهودي ولّا إغريقي. ما في عَبد ولّا حُر. ما في راجِل ولّا مَرَه. عَشان كُلُّكُم واحِد في المَسيح يَسُوع.

كُولُوسِّي 3:11

هِنا ما في إغريقي ولّا يَهودي، ولّا طَهور ولّا ما طَهور، ولّا غَريب ولّا سِكِّيثِي، ولّا عَبد ولّا حُر. لَكِن المَسيح هو الكُل و هو في الكُل.

كُولُوسِّي 3:15

و خَلّو سَلام المَسيح يَملِك في قُلوبكُم، عَلَشان هو ناداكُم لِدا في جِسِم واحِد. و كونو شاكِرين.

أفَسُس 2:15

و في جِسمو بَطَّل العَداوَه، الكان في القانون مَعَ أوامِرو و تَرتيباتو. و هو عَمَل دا عَلَشان يَخلُق في نَفسو، مِن الإتنين واحِد إنسان جَديد، و كِدا بيَعمِل سَلام.

كُولُوسِّي 1:20

و يَصالِح بيهو كُل الحاجات لِنَفسو، إذا حاجات عَلى الأرض ولّا في السَّما. عَلَشان كِدا الله عَمَل السَّلام بِدَم صَليبو.

كُولُوسِّي 2:20

إذا كُنتو مُتّو مَعَ المَسيح عَن التَّعليم الأساسي بِتاع الدُّنيا، لِشِنو تَطيعو قَوانينو زي البِعيشو في الدُّنيا؟

رُومِيَه 5:1

هَسَّع عَلَشان إتبَرَّرنا بِالإيمان، عِندَنا سَلام مَعَ الله بِرَبَّنا يَسُوع المَسيح.

أعمال الرُّسُل 10:36

و دي الكِلمَه الله رَسَّلا لِناس إِسْرَائِيل، و بَشَّر بِالسَّلام بِيَسُوع المَسيح. و هو رَب الكُل.

أعمال الرُّسُل 10:28

و بُطْرُس قال ليهُم: ”إنتو بِتَعرِفو كيف ما في إذِن لِراجِل يَهودي يَشتَرِك مَعَ ناس مِن بَلَد تانيَه، ولّا يَقَرِّب مِنّو. لَكِن الله وَرّاني أن ما أقول عَن أي زول هو نَجِس ولّا ما نَضيف.

عِبرانيين 13:20

و إلَه السَّلام قَوَّم مِن بين المَيِّتين رَبَّنا يَسُوع، راعي الخِرفان، العَظيم، بِدَم الإتِّفاق الأبَدي.

لُوقَا 2:14

”المَجد لِلَّه في السَّما، و عَلى الأرض السَّلام بين النّاس الهو مَبسوط مِنَّهُم.“

يُوحَنَّا 10:16

و أنا عِندي خِرفان تانيين، و هُم ما مِن الزَّريبَه دي. ديل كَمان لازِم أجيبُم. و هُم بِسمَعو صوتي. و بَعدين يَكون مُراح واحِد و راعي واحِد.

لُوقَا 1:79

عَشان يَنَوِّر عَلى القَاعِدين في الضَّلام و في ضُل الموت، عَشان يَسوق كِرعينّا في طَريق السَّلام.“

عِبرانيين 7:2

و إِبْرَاهِيم أدّا ليهو العُشُر مِن كُلّو حاجَه. و مَعنى إسمو في الأوَّل: ”مَلِك البِر،“ و بَعدين كَمان: ”مَلِك ساليم،“ يَعني: ”مَلِك السَّلام.“

أفَسُس 4:16

و مِنّو كُل الجِّسِم بِكون مَربوط سَوا بِمُساعدَة كُلّو رُباط. و الجِّسِم يَكبَر و يَبني نَفسو في المَحَبَّه لَمّا كُلّو عُضو يَعمِل شُغلو.

أفَسُس 3:15

المِنّو كُلّو أهل في السَّما و عَلى الأرض ياخُد إسمو.

يُوحَنَّا 16:33

كَلَّمتَكُم كِدا عَشان يَكون ليهُم سَلام فِيني. في الدُّنيا يَكون عِندَكُم تَعب. و لَكِن شِدّو حيلكُم، أنا غَلَبتَ الدُّنيا.“

يُوحَنَّا 11:52

و ما عَشان الأُمَّه بَس، لَكِن عَشان يَجمَع أولاد الله المَفَرّقين لِواحِد.

أفَسُس 2:17

و هو جا و بَشَّركُم بِسَلام، ليكُم البَعيدين و القَريبين.