أفَسُس 1:11 - كِتاب العَهد الجَّديد مِن الكِتاب المُقَدَّس

¹¹ و فيهو عِندَنا ميراث و هو إختارنا فيهو مِن قُبّال حَسَب تَرتيبو، هو اليَعمِل كُلّو شي زي فِكر إرَادَتو.

أفَسُس 1:11 Referans Kwoze

رُومِيَه 8:28

نِحنا بِنَعرِف الله يَساعِد في كُلّو حاجَه لِخير النّاس البِحِبّوهو، الهو ناداهُم حَسَب تَرتيبو.

١ بُطْرُس 1:4

لِميراث الما تَهلِك ولّا تَخسَر ولّا تَفوت، و مَحفوظَه ليكُم في السَّما.

أفَسُس 1:14

و هو عَربون ميراثنا لِفِداء مُلكو، لِحَمد مَجدو.

أفَسُس 3:11

و دا كان حَسَب التَّرتيب الأبَدي، الهو جَهَّزو في المَسيح يَسُوع رَبَّنا.

أفَسُس 1:5

و في المَحَبَّه، إختارنا مِن قُبّال عَشان يَعمِلنا أولاد لِنَفسو بِيَسُوع المَسيح، حَسَب فَرَحو و إرَادَتو.

غَلَاطِيَّه 3:18

عَشان إذا كان الميراث بِالقانون، ما بِتكون بَعَد دا بِالوَعَد. لَكِن الله أدّاها لِإِبْرَاهِيم بِالوَعَد.

عِبرانيين 6:17

و لَمّا الله كان داير يَبَيِّن كوَيس لِلنّاس الماشين يَقبَلو الوَعد إنّو ما بِغَيِّر فِكرو أبَداً، هو ثَبَّت دا بِحَلَف.

تِيطُس 3:7

حَتّى عَشان إتبَرَّرنا بِنِعمَتو، نَبقى وُرّاث حَسَب رَجاء الحَياة الأبَديَّه.

رُومِيَه 8:17

كِدا إذا نِحنا أولاد، بَعَد دا نِحنا وُرّاث كَمان، وُرّاث الله و وُرّاث مَعَ المَسيح. إذا كان نَتعَب مَعاهو، نِحنا بِنِتمَجَّد كَمان مَعاهو.

كُولُوسِّي 1:12

و تَشكُرو الأبو، العَمَلنا مُستَحِقّين عَشان نَشتَرِك في ميراث القِدِّسين في النّور.

كُولُوسِّي 3:24

عَلَشان إنتو تَعرِفو أنَّكُم بِتاخدو ميراث مِن الرَّب زي أُجرَه، عَشان إنتو بِتَخدِمو الرَّب المَسيح.

أعمال الرُّسُل 26:18

عَشان تَفتَح عُيونُم، عَشان يَرجَعو مِن الضُّلُمَّه لِلنّور، و مِن سُلطَة الشّيطان لِلَّه. و بِدا يَقبَلو بِإيمان بي غُفران الخَطايا و مَحَل مَعَ القِدِّسين.

أعمال الرُّسُل 20:32

و هَسَّع بَدّيكُم لِلَّه، و لِكِلمَة نِعمَتو، البِتَقدَر تَبنيكُم و تَدّي ليكُم الميراث مَعَ كُل القِدِّسين.

أعمال الرُّسُل 2:23

يَسُوع دا كان مُسَلَّم ليكُم بِتَرتيب الله الثّابِت و مَعرِفتو مِن قُبّال. و إنتو صَلَبتوهو و كَتَلتوهو بِإيدين النّاس البَطّالين.

أعمال الرُّسُل 20:27

عَشانّي ما إتوَقَّفتَ أخَبِّركُم بِكُلّو إرادَة الله.

أعمال الرُّسُل 4:28

عَشان يَعمِلو كُل القُدرَتَك و إرادَتَك جَهَّزو مِن قُبّال عَلَشان يَحصَل.

١ بُطْرُس 3:9

ما تَرَجِّعو شَر بِشَر، ولّا شَتيمَه بِشَتيمَه. لَكِن بِالعَكس بارِكو، عَشان الله ناداكُم لِدا، لِتورَسو البَرَكَه.

رُومِيَه 11:34

”و مِنو عِرِف فِكر الرَّب؟ ولّا مِنو يَقدَر يَدّيهو نَصيحَه؟

يَعْقُوب 2:5

أسمَعو، يا أخواني المَحبوبين، الله ما إختار مَساكين الدُّنيا دي عَشان يَكونو غَنيين في الإيمان و وُرّاث المَلَكوت الوَعَد بيهو لِلبِحِبّوهو؟

أفَسُس 1:8

و هو كَتَّر لينا نِعمَتو بِكُلّو حِكمَه و فَهم.

أعمال الرُّسُل 13:48

و لَمّا الأُمَم سِمِعو دا، فِرحو و مَجَّدو كِلمَة الرَّب. و كُل الهو إختارُم لِلحَياة الأبَديَّه، آمَنو.

رُومِيَه 8:29

عَشان ديل الإختارُم الله مِن قُبّال، هو عَيَّنُم كَمان عَشان يَبقو زي إبنو، عَلَشان إبنو يَكون الأوَّل بين أخوان كَتيرين.

رُومِيَه 8:30

و ديل الإختارُم مِن قُبّال، هو ناداهُم كَمان، و ديل الناداهُم، هو بَرَّرُم كَمان، و البَرَّرُم ديل، هو مَجَّدُم كَمان.

رُومِيَه 9:11

قُبّال ما الوَلَدين إتوَلَدو و لِسَّع ما عَمَلو كوَيس ولّا بَطّال قالو ليها: ”الكَبير ماشي يَخدِم الصَّغَير.“

أفَسُس 1:9

و هو فَهَّمنا سِر إرَادَتو حَسَب فَرَحو الجَّهَّزو في المَسيح.

أفَسُس 1:18

و بَصَلّي عَشان أفكاركُم بِكونو مَفتوحين لِنورو، عَلَشان تَعرِفو الرَّجاء الهو إختاركُم ليهو، و تَعرِفو غِنى مَجد ميراثو في القِدِّسين.

تِيطُس 2:14

هو أدّا نَفسو فِشانّا عَشان يَفدينا مِن كُلّو ذَنب، و يَنَضِّف لِنَفسو ناس يَكونو مُلكو، و عِندَهُم غيرَه لِكُل الأعمال الكوَيسَه.