كُولُوسِّي 4:11 - كِتاب العَهد الجَّديد مِن الكِتاب المُقَدَّس

¹¹ و يَسُوع، الإسمو يُستُس، يَسَلِّم عَليكُم. و مِن المُطَهَّرين، ديل بَس بِشتَغِلو مَعاي لِمَلَكوت الله. و هُم بِقو تَعزيَه لَي.

كُولُوسِّي 4:11 Referans Kwoze

أعمال الرُّسُل 11:2

و لَمّا بُطْرُس طَلَع لِأُورُشَلِيم، النّاس المُطَهَّرين شاكَلوهو.

فِلِيمُون 1:1

مِن بُولُس مَحبوس المَسيح يَسُوع و مِن تِيمُوثَاوُس الأخو لِفِلِيمُون حَبيبنا و العامِل مَعانا.

تِيطُس 1:10

عَشان في ناس كَتيرين الما بِطيعُو، البِتكَلَّمو بِدون فايدَه و بِغِشّو، و خُصوصاً مِن النّاس المُطَهَّرين.

كُولُوسِّي 4:7

تِيخِيكُس بِخَبِّركُم عَن أحوالي كُلَّها. هو أخو مَحبوب و خَدّام أمين و خَدّام مَعانا في الرَّب.

٢ كُورِنْثُوس 6:1

و نِحنا نَشتَغِل مَعاهو، و نَطلُب مِنَّكُم أن ما تَقبَلو نِعمَة الله بِدون فايدَه.

رُومِيَه 4:12

و هو كَمان أبو المُطَهَّرين، مُش بِسَبَب طَهورُم بَس، لَكِن عَلَشان هُم آمَنو زي ما أبونا إِبْرَاهِيم آمَن لَمّا هو ما كان مُطَهَّر.

أعمال الرُّسُل 10:45

و كُل المؤمِنين المُطَهَّرين الجّو مَعَ بُطْرُس، إستَغرَبو عَشان الله أدّا لِلنّاس الما كانو يَهود هَديَّة الرّوح القُدُس كَمان.

فِلِيمُون 1:24

و كَمان مَرْقُس و أَرِسْتَرْخُس و دِيمَاس و لُوقَا العامِلين مَعاي.

١ تَسَالُونِيكِي 3:7

عَلَشان كِدا، عِندَنا راحَه في قُلوبنا، يا أخوان، في خُصوصكُم، في كُلّو ضيقنا و تَعبنا بِسَبَب إيمانكُم.

١ تَسَالُونِيكِي 3:2

و رَسَّلنا تِيمُوثَاوُس، أخونا و خَدّام الله مَعانا في إنجيل المَسيح، عَشان يَشَدِّدكُم في إيمانكُم و يَشَجِّعكُم،

فيلِبّي 4:3

و أسألَك إنتَ كَمان، يا شَريكي المُخلِص، ساعِد النِّسوان ديل، عَلَشان هُم إشتَغَلو سَوا مَعاي في الإنجيل مَعَ أَكْلِيمَنْدُس و باقي العامِلين مَعاي. و أساميهُم في كِتاب الحَياة.

أفَسُس 2:11

عَلَشان كِدا، إتزَكَّرو إنتو كُنتو مِن قُبّال مِن الأُمَم حَسَب الجِّسِم. و اليَسَمّوهُم مُطَهَّرين بِدا المَعمول في الجِّسِم بِالإيدين، هُم يَسَمّوكُم ما مُطَهَّرين.

رُومِيَه 16:3

سَلِّمو عَلى بِرِيسْكِلا و أَكِيلَا المِشتَغِلين مَعاي في المَسيح يَسُوع،