كُولُوسِّي 3:5 - كِتاب العَهد الجَّديد مِن الكِتاب المُقَدَّس

⁵ عَلَشان كِدا، أكتُلو كُلّو حاجَه فيكُم البِتكون مِن الأرض: الزِّنا، و النَّجاسَه، و الشَّهوَه الشَّديدَه، و الشَّهوات البَطّالَه، و الطَّمَع، يَعني عِبادَة الأصنام.

كُولُوسِّي 3:5 Referans Kwoze

رُومِيَه 8:13

عَشان إذا تَعيشو حَسَب الجِّسِم، بِتموتو. و لَكِن إذا بِالرّوح تَكتُلو أعمال الجِّسِم، بِتعيشو.

غَلَاطِيَّه 5:24

لَكِن النّاس، بِتوع المَسيح يَسُوع، صَلَبو الجِّسِم مَعَ الحُب و الشَّهوات.

رُومِيَه 6:13

و ما تَدّو أعضاء جِسِمكُم لِلخَطيَّه عَشان تَعمِلو الشَّر، لَكِن أدّو نُفوسكُم لِلَّه زي ناس حَيين بَعَد ما كُنتو مَيِّتين. و أدّو أعضاء جِسِمكُم عَشان تَعمِلو بِر الله.

١ بُطْرُس 2:11

يا مَحبوبين، أطلُب ليكُم زي غَريبين و مِسافِرِين تَرفُضو الشَّهوات الجِّسميَّه البِتحارِب النَّفس.

١ كُورِنْثُوس 6:18

أجرو مِن الزِّنا. كُلّو خَطيَّه اليَعمِلا الإنسان، هي بَرَّه مِن الجِّسِم. لَكِن اليَعمِل زِنا، يَعمِل خَطيَّه ضِد جِسمو.

أفَسُس 4:19

هُم ما يَهتَمّو بِالخير و الشَّر، و سَلَّمو نُفوسُم لِلسَّفاهَه عَشان يَعمِلو كُلّو نَجاسَه في الطَّمَع.

٢ كُورِنْثُوس 12:21

و أنا بَخاف لَمّا بَجي ليكُم تاني مَرَّه، إلَهي بِنَزِّلني قِدّامكُم. و بَكون حَزنان عَلى ناس كُتار العَمَلو خَطيَّه قُبّال دا، و ما تابو عَن الحاجات العَمَلوها مِن النَّجاسَه و الزِّنا و السَّفاهَه.

رؤيا 21:8

لَكِن الخَوافين و الما مؤمِنين و المَكروهين و الكاتِلين و الزّانيين و البيَعمِلو السِّحِر و البِيَعبُدو الأصنام و كُل الكَضّابين، مَحَلُّم بِكون في البِركَه المَوَلَّعَه بِالنّار و الكِبريت. و دا هو الموت التّاني.“

رُومِيَه 7:23

لَكِنّي أشوف قانون تاني في أعضائي. و هو يَحارِب قانون فِكري، و يَحبُسني لِقانون الخَطيَّه البِشتَغِل في أعضائي.

مَتَّى 15:19

عَشان مِن القَلب يَجو الأفكار البَطّالَه، و الكَتل، و الزِّنا، و الأخلاق البَطّالَه، و السِّرقَه، و الشَّهادَه الكَضّابَه، و الشَّتيمَه.

رؤيا 22:15

عَشان بَرَّه في الكِلاب و البيَعمِلو السِّحِر و الزّانيين و الكاتِلين و البِيَعبُدو الأصنام، و كُلّو واحِد البِحِب الكِضِب و بِشتَغِل بيهو.

يَعْقُوب 4:1

مِن وين الهُروب و الشَّكلات بينكُم؟ ما مِن شَهوَه البِحارِبو في عُدوانكُم؟

١ كُورِنْثُوس 6:13

”الأكل لِلبَطُن و البَطُن لِلأكل،“ و الله بِخرَبُم الإتنين. الجِّسم مُش لِلزِّنا لَكِن لِلرَّب، و الرَّب لِلجِّسم.

رُومِيَه 6:6

عَشانّا بِنَعرِف دا، نَفسَنا القَديمَه إنصَلَبَت مَعاهو، عَلَشان يَوَقِّف قُوَّة جِسم الخَطيَّه، عَشان ما بِنكون خَدّامين لِلخَطيَّه بَعَد دا.

عِبرانيين 13:4

خَلّي الزَّواج يَكون مُحتِرَم بِكُل النّاس. و الرّاجِل و المَرَه لازِم يَكونو أُمَنا. عَلَشان الله بِيَحكُم عَلى النّاس البيَعمِلو الزِّنا و الفُجّار.

عِبرانيين 12:16

و شوفو عَشان واحِد ما يَكون زاني ولّا يَكون عِندو أفكار ضِد الله، زي عِيسُو الباع حَق البِكر بِتاعو لِأكلا واحدَه.

١ تَسَالُونِيكِي 4:3

عَشان إرادَة الله هي قَداسَتكم أن تَكونو بَعيدين مِن الزِّنا.

١ كُورِنْثُوس 5:1

بِالحَق يَخَبِّرونا في بينكُم زِنا، و زِنا مِن النوع الما بِكون في بين الأُمَم، لِغايَة ما الزّول عِندو مَرَة أبوهو.

رُومِيَه 7:5

لَمّا كُنّا في الجِّسِم، القانون حَرَّك شَهوات الخَطيَّه الكانَت تَشتَغِل في أعضاء أجسامنا عَلَشان نَجيب ثِمار لِلموت.

رُومِيَه 1:29

هُم بِقو مَليانين بِكُلّو ذَنب، و شَر، و طَمَع، و حاجَه بَطّالَه. هُم مَليانين حَسَد، و كَتَل، و شَكلَه، و غِش، و فِكر بَطّال. هُم يَوَسوِسو،

رُومِيَه 1:26

عَشان كِدا، الله سَلَّمُم لِشَهوات فيها عيب، حَتّى نَسوانُم غَيَّرو الفايدَه الطَّبيعيَه بِشي ضِد الطَّبيعَه.

١ تَسَالُونِيكِي 4:5

و ما في شَهوَه شَرّيرَه زي الأُمَم الما يَعرِفو؛ الله.

١ كُورِنْثُوس 6:11

و بَعض مِنَّكُم كانو زي داك. لَكِن كُنتو مَغسولين، إتقَدَّستو، إتبَرَّرتو بِإسم الرَّب يَسُوع المَسيح و بِروح إلَهنا.

كُولُوسِّي 2:11

و فيهو طَهَّروكُم بِطَهور مُش مَعمول بِإيد النّاس. بِطَهور المَسيح، بِقيتو حُرّين مِن طَبيعَة الخَطيَّه بِتاعَتكُم.

١ تِيمُوثَاوُس 6:10

عَشان مَحَبَّة القُروش عِرق كُل الحاجات البَطّالَه. و بَعض مِن النّاس الطَّلَبوهو، ضَلّو عَن الإيمان و طَعنو نُفوسُم بِوَجَع كَتير.

عِبرانيين 13:5

أحفَظو حَياتكُم مِن مَحَبَّة القُروش، و كونو مَبسوطين مِن العِندَكُم. عَلَشان الله قال: ”أنا أبَداً ما بَسيبَك، و ما بَخَلّيك وَحدَك أبَداً.“