كُولُوسِّي 3:4 - كِتاب العَهد الجَّديد مِن الكِتاب المُقَدَّس

⁴ لَمّا المَسيح حَياتنا يَظهَر، في الوَكِت دا إنتو كَمان تَظهَرو مَعاهو في المَجد.

كُولُوسِّي 3:4 Referans Kwoze

يُوحَنَّا 11:25

يَسُوع قال ليها: ”أنا هو القيامَه و الحَياة. و البِآمِنو بي، و لَو مات بِكون حَي.

١ يُوحَنَّا 3:2

يا مَحبوبين، هَسَّع نِحنا أولاد الله. و لِسَّع ما ظَهَر نِحنا بِنكون شِنو. و لَكِن بِنَعرِف إذا هو ظَهَر، بِنكون زيهو، عَشان بِنشوفو زي ما هو.

غَلَاطِيَّه 2:20

إنصَلَبتَ مَعَ المَسيح. و أنا ما بَعيش تاني، لَكِن المَسيح، هو بِعِيش فِيني. و الحَياة البَعيشا هَسَّع في الجِّسِم، بَعيشا في الإيمان بِإبن الله الحَبّاني، و أدّا نَفسو فِشانّي.

١ بُطْرُس 1:13

عَلَشان كِدا، جَهِّز عُقولكُم لِلعَمَل، أمسِكو نُفوسكُم، و خُتّو رَجاكُم بِالتَّمام في النِّعمَه البِجيبوها ليكُم عِند ظُهور يَسُوع المَسيح.

فيلِبّي 3:21

هو بِغَيِّر جِسِمنا المِتواضَع، عَشان بِكون زي جِسمو المَجيد. و هو بيَعمِل دا بِنَفس القُوَّه البيها هو بِقدَر يَخُت كُلّو شي تِحِت سُلطتو.

يُوحَنَّا 17:24

يا أبوي، أنا عاوِز ديل الأدّيتُم لَي يَكونو مَعاي في المَحَل الأنا بَكون فيهو. أنا عاوِزُم يَشوفو المَجد بِتاعي الأنتَ أدّيتو لَي، عَشان إنتَ حَبّيتني قُبّال خَليقَة الدُّنيا.

١ بُطْرُس 5:4

و لَمّا يَظهَر رَئيس الرُّعاه، بِتاخدو تاج المَجد الما بِفوت.

١ يُوحَنَّا 2:28

و هَسَّع، يا أولاد، أسكُنو فيهو، عَشان إذا يَظهَر، يَكون عِندَنا تأكيد، و ما نَخجَل مِنّو لَمّا يَجي.

عِبرانيين 9:28

و زي دا كَمان، المَسيح كان مَقَدَّم مَرَّه واحدَه عَشان يَشيل خَطايا ناس كُتار. و هو بِظهَر مَرَّه تانيَه، مُش عَلَشان يَشيل الخَطيَّه، لَكِن عَشان يَخَلِّصُم البِستَنّوهو.

رؤيا 22:14

مُبارَكين البِغَسِّلو هِدُومُم عَلَشان تَكون عِندَهُم سُلطَه عَلى شَجَرَة الحَياة و يدخُلو المَدينَه مِن الأبواب.

١ كُورِنْثُوس 15:43

يَزرَعوها بِدون إحتِرام، و يَقوم في مَجد. يَزرَعوها في ضُعف، و يَقوم في قُوَّه.

رؤيا 22:1

و بَعدين المَلاك وَرّاني بَحَر مويَة الحَياة صافي زي القِزاز إسمو البَلّور. و البَحَر جا مِن كُرسي الله و الحَمَل،

يَهُوذَا 1:24

و لِلقادِر يَحفَظكُم مِن الوقوع، و يَجيبكُم قِدّام مَجدو بِدون عيب بِفَرَح عَظيم،

١ يُوحَنَّا 5:12

العِندو الإبن، عِندو الحَياة. و الما عِندو الإبن، ما عِندو الحَياة.

تِيطُس 2:13

و نِحنا نَنتَظِر الرَّجاء المُبارَك و ظُهور مَجد إلَهنا العَظيم و مُخَلِّصنا يَسُوع المَسيح.

مَتَّى 13:43

في الوَكِت داك العادِلين بِنَوِّرو زي الشَّمِش في مَلَكوت أبوهُم. العِندو إضنين، خَليهو يَسمَع.

٢ تِيمُوثَاوُس 4:8

و مِن هَسَّع مَحفوظ لَي تاج البِر. و الرَّب، القاضي العادِل، بِدّيهو لَي في اليوم داك، و مُش لَي بَس، لَكِن لِكُلُّهُم البِحِبّو ظُهورو كَمان.

٢ كُورِنْثُوس 4:17

عَشان الضّيق الخَفيف بِتاع الوَكِت دا، يَعمِل لينا مَجد أبَديَّه بِزيد أكتَر و أكتَر في الوَزِن.

يُوحَنَّا 14:6

يَسُوع قال ليهو: ”أنا هو الطَّرِيق و الحَق و الحَياة. ما في واحِد يَجي لِلأبو إلّا بي.

يُوحَنَّا 14:3

و لَمّا أمشي و أجَهِّز ليكُم مَكان، بَجي تاني و باخُدكُم لِنَفسي. و المَحَل الأنا بَكون فيهو، إنتو تَكونو فيهو كَمان.

٢ تِيمُوثَاوُس 1:1

مِن بُولُس رَسول المَسيح يَسُوع بِإرادَة الله حَسَب الوَعد بِالحَياة الفي المَسيح يَسُوع،

١ تَسَالُونِيكِي 4:17

بَعَد داك نِحنا الحَيين القاعِدين بياخُدونا مَعاهُم في السَّحاب عَشان نَقابِل الرَّب في الهَوا. و كِدا بِنكون مَعَ الرَّب دايماً.

١ كُورِنْثُوس 1:7

و عَشان كِدا إنتو ما ناقصين في أي هَدِيَّه مِن الرّوح، و إنتو مُستَنّين ظُهور رَبَّنا يَسُوع المَسيح.

يُوحَنَّا 20:31

لَكِن دي مَكتوبَه عَشان تَآمِنو إن يَسُوع هو المَسيح إبن الله. و لَمّا تَآمِنو، تَكون ليكُم حَياة بِإسمو.

رؤيا 2:7

العِندو أضان، خَليهو يَسمَع البِقولو الرّوح لِلكَنايس. ليهو اليَغلِب، أنا بَدّيهو أن ياكُل مِن شَجَرَة الحَياة الفي جَنَّة الله.

١ تِيمُوثَاوُس 6:14

عَشان تَحفَظ الأمر، نَضيف و بِدون لوم لِظُهور رَبَّنا يَسُوع المَسيح.

أعمال الرُّسُل 3:15

و كَتَلتو رَئيس الحَياة القَوَّمو الله مِن بين المَيِّتين. و نِحنا شاهِدين لِداك.

لُوقَا 17:30

و بِكون كِدا كَمان في اليوم الفيهو إبن الإنسان يَظهَر.

رُومِيَه 8:18

أفتَكِر ما بَقدَر أقيس أتعاب الزَّمَن الحاضِر بِالمَجد الماشي يَظهَر لينا.

رُومِيَه 8:19

عَشان الخَليقَه تِستَنّى بِرَجاء شَديد لِغايَة أولاد الله يَظهَرو.