كُولُوسِّي 3:22 - كِتاب العَهد الجَّديد مِن الكِتاب المُقَدَّس

²² يا خَدّامين، طيعو أسيادكُم حَسَب الجِّسِم في كُلّو حاجَه. و أعمِلو كِدا مُش لَمّا هُم يَعاينو ليكُم بَس عَشان تَبسِطوهُم. لَكِن إشتَغِلو بِإخلاص القَلِب و مِن خوف لِلرَّب.

كُولُوسِّي 3:22 Referans Kwoze

غَلَاطِيَّه 1:10

هَسَّع بَطلُب أكون مَقبول قِدّام النّاس، ولّا قِدّام الله؟ ولّا بَطلُب أن أبسِط النّاس؟ إذا أنا لِسَّع أبسِط النّاس، ما بَكون خَدّام لِلمَسيح.

١ تَسَالُونِيكِي 2:4

و لَكِن زي ما الله كان مَبسوط مِنَّنا، و أدانا مسؤليَة الإنجيل، كِدا نِتكَلَّم. و بِنَعمِل دا، ما عَشان نَبسِط النّاس، لَكِن عَشان نَبسِط الله اليَجَرِّب قُلوبنا.

كُولُوسِّي 3:20

يا أولاد، طيعو والِديكُم في كُلّو حاجَه، عَشان دا يَبسِط الرَّب.

لُوقَا 6:46

و لِشِنو بِتسَمّوني: ’يا رَب، يا رَب‘ و ما بِتَعمِلو البَقولو.

فِلِيمُون 1:16

و بَعَد دا ما تَفتَكِر هو زي عَبد لَكِن أحسَن مِن عَبد. هو زي أخو مَحبوب، خُصوصاً لَي، و كَم بِالأكتَر ليك، في الجِّسِم و في الرَّب.

٢ كُورِنْثُوس 7:1

و عَشان عِندَنا الوُعود ديل، يا مَحبوبين، خَلّونا نَنَضِّف نُفوسنا مِن كُلّو نَجاسَة الجِّسم و الرّوح، و نَكَمِّل القَداسَه في خوف الله.

أعمال الرُّسُل 2:46

و كُلّو يوم كانو بِستَمِرّو يِتلَمّو في الهيكَل و بِكَسِّرو العيش في البُيوت، و بياكلو مَعَ بَعض بِفَرَح و قُلوب مُخلِصين.

لُوقَا 7:8

عَشان أنا كَمان راجِل تِحِت السُّلطَه، و عِندي عَساكِر تِحِت إيدي. أقول لِدا: أمشي، و يَمشي. و لِتاني: تَعال، و يَجي. و لِخَدّامي: أعمِل دا، و يَعمِلو.“

مَتَّى 8:9

عَشان أنا كَمان راجِل تِحِت السُّلطَه، و عِندي عَساكِر تِحِت سُلطَتي. أقول لِدا: أمشي، و هو يَمشي، و لِتاني: تَعال، و هو يَجي، و لِخَدّامي: أعمِل دا، و هو يَعمِلو.“

مَتَّى 6:22

لَمبَت الجِّسم، هي العين. عَشان كِدا إذا كان عينَك بَسيطَه، جِسمَك كُلّو يَكون مَليان نور.