كُولُوسِّي 3:16 - كِتاب العَهد الجَّديد مِن الكِتاب المُقَدَّس

¹⁶ خَلّو كِلمَة المَسيح تَعيش فيكُم بِكَترَه، و إنتو تَعَلِّمو و تَهَظِّرو بَعضَكُم بَعض بِكُلّو حِكمَه. و تَرَتِّلو بِمَزامير و تَرتيلات و حَمد روحي، و تَشكُرو الله في قُلوبكُم.

كُولُوسِّي 3:16 Referans Kwoze

أفَسُس 5:19

و تِتكَلَّمو بَعضَكُم بَعض بِمَزامير و حَمد و تَرتيلات روحيَّه و تَرَتِّلو و تَعمِلو مُزيكا في قُلوبكُم لِلرَّب.

يُوحَنَّا 15:7

إذا تَسكُن فِيني و كَلامي يَسكُن فيكُم، إنتو بِتَطلُبو الدّايِرينو، و يَكون ليكُم.

رُومِيَه 10:17

عَلَشان كِدا، الإيمان يَجي مِن الخَبَر، و الخَبَر بِكِلمَة المَسيح.

١ يُوحَنَّا 2:24

خَلّو السِّمِعتوهو مِن البِدايَه يِستَمِر يَعيش فيكُم. إذا كان السِّمِعتوهو مِن البِدايَه يَسكُن فيكُم، إنتو كَمان بِتَسكُنو في الإبن و في الأبو.

أفَسُس 1:17

عَشان إلَه رَبَّنا يَسُوع المَسيح، أبو المَجد، يَدّيكُم روح الحِكمَه و رؤيا عَشان تَعرِفو مَعرِفَه كاملَه.

يَعْقُوب 3:17

لَكِن الحِكمَه المِن فوق، هي في الأوَّل نَضيفَه، بَعدين مُحِب السَّلام، عِندَها صَبر. الحِكمَه دي مُطيعَه، مَليانَه رَحمَه و ثِمار كوَيس، ما فيها فارِق، و مُخلِصَه.

٢ يُوحَنَّا 1:2

عَشان خاطِر الحَق البِسكُن فينا و بِكون مَعانا لِلأبَد.

٢ تِيمُوثَاوُس 3:15

و مِن وَكِت إنتَ طِفل، كُنتَ تَعرِف الكُتُب المُقَدَّسَه البِتَقدَر تَديك فَهم لِلخَلاص بِالإيمان الفي المَسيح يَسُوع.

كُولُوسِّي 1:9

بِالسَّبَب دا، نِحنا مِن اليوم لَمّا سِمِعنا عَنكُم، ما وَقَفنا نَصَلّي فِشانكُم. و نَسأل عَشان إنتو تَكونو مَليانين بِمَعرِفَة إرادَة الله في كُلّو حِكمَه و فَهم روحي.

رؤيا 5:9

و هُم يَرَتِّلو تَرتيلَه جَديدَه، و بِقولو: ”إنتَ مُستَحِق تاخُد الكِتاب و تَفِك أختامو، عَلَشان كُنتَ مَكتول، و بِدَمَّك أشتَريت لِلَّه مِن كُلّو قَبيلَه و لُغَه و شَعب و أُمَّه.

١ يُوحَنَّا 2:27

لَكِن المَسحَه القِبِلتوها مِنّو تَسكُن فيكُم، و ما في إحتِياج لِأي واحِد يَعَلِّمكُم. لَكِن المَسحَه دي تَعَلِّمكُم عَن كُلّو حاجَه، و هي حَق و ما كِضِب. و زي المَسحَه دي عَلَّمَتكُم، أسكُنو في الإبن.

كُولُوسِّي 4:6

خَلّو كَلامكُم دايماً يَكون بِنِعمَه، زي الأكل الفيهو مِلِح، عَلَشان تَعرِفو كيف تَرُدّو كوَيس عَلى كُلّو واحِد.

أفَسُس 5:17

عَلَشان كِدا ما تَكونو بِدون حِكمَه، لَكِن أفهَمو شِنو إرادَة الله.

يَعْقُوب 5:13

أي واحِد بينكُم مَظلوم؟ خَليهو يَصَلّي. أي واحِد مَبسوط؟ خَليهو يَرَتِّل مَزامير الحَمد.

تِيطُس 3:6

و الله كَبَّ الرّوح القُدُس عَلينا بِغِني بِيَسُوع المَسيح.

١ كُورِنْثُوس 14:26

و كِدا نَقول شِنو، يا أخوان؟ لَمّا تِتلَمّو، كُلّو واحِد مِنَّكُم عِندو مَزمور، ولّا عِندو تَعليم، ولّا عِندو رؤيا، ولّا عِندو لُغَه، ولّا عِندو تَرجَمَه. خَلّي كُلّو حاجَه تَكون لِلمُساعَدَه.

يَعْقُوب 1:5

و إن كان واحِد يَحتاج لِحِكمَه، خَليهو يَسأل الله البِدّي لِكُل النّاس بِالكَرامَه. و الله ما يَلوم، و هو بِدّيهو.

كُولُوسِّي 1:28

و نِحنا نَبَشِّر بيهو، و نَحَذِّر كُلّو زول و نَعَلِّم كُلّو زول بِكُلّو حِكمَه. و نَسَوّي دا عَلَشان نَقَدِّم كُلّو زول كامِل في المَسيح.

رؤيا 15:3

و هُم يَرَتِّلو تَرتيلَة مُوسَى، خَدّام الله، و تَرتيلَة الحَمَل، و يَقولو: ”أعمالَك عَظيمَه و عَجيبَه، يا رَب، الإلَه القادِر عَلى كُلّو شي! طُرُقَك عَدل و حَق، يا مَلِك الأُمَم!

١ يُوحَنَّا 2:14

كَتَبتَ ليكُم، يا أبَهات، عَشانكُم تَعرِفو هو الكان مِن البِدايَه. كَتَبتَ ليكُم، يا شَباب، عَشانكُم شَديدين، و عَشان كِلمَة الله تَسكُن فيكُم، و إنتو غَلَبتو الشَرِّير.

١ تِيمُوثَاوُس 6:17

آمُر الغَنيين في الدُّنيا الحاضِرَه دي أن ما يَكونو مِتكَبِّرين ولّا يَتَّكِلو عَلى الغِنى الما يِستَمِر. لَكِن خَليهُم يَتَّكِلو عَلى الله الحَي، البِدّينا كُلّو حاجَه بِغِنى عَشان نَفرَح بيها.

٢ تَسَالُونِيكِي 3:15

لَكِن ما تَحسِبوهو زي عَدو، لَكِن حَذِّروهو زي أخو.

١ تَسَالُونِيكِي 4:18

عَشان كِدا عَزّو بَعضَكُم بَعض بِالكَلام دا.

١ كُورِنْثُوس 14:15

عَلَشان كِدا بَعمِل شِنو؟ بَصَلّي بِالرّوح و بَصَلّي بِالفِكر كَمان. بَرَتِّل بِالرّوح و بَرَتِّل بِالفِكر كَمان.

مَتَّى 26:30

و بَعَد ما رَتَّلو تَرتيلَه، مَرَقو لِجَبَل الزّيتون.

رُومِيَه 15:14

أنا نَفسي، يا أخواني، مِتأكِّد إنتو نُفوسكُم مَليانين كُلّو حاجَه طَيبَه، كاملين في كُلّو مَعرِفَه، قادرين يَعَلِّم بَعضَكُم بَعض.

لُوقَا 2:51

و بَعدين نَزَل مَعاهُم و جا لِلنّاصِرَه، و كان يَطيعُم. و أُمّو كانَت تَحفَظ كُل الكَلام دا في قَلبا.

رؤيا 19:10

و وَقَعتَ عِند كِرعينو عَشان أعبُدو. لَكِن هو قال لَي: ”ما تَعمِل دا أبَداً! عَشان أنا خَدّام مَعاك و مَعَ أخوانَك البِحفَظو شَهادَة يَسُوع. أعبُد الله! عَشان شَهادَة يَسُوع، هي روح النُّبوَّه.“

رؤيا 14:3

و هُم رَتَّلو تَرتيلَه جَديدَه قِدّام الكُرسي و قِدّام الأربَعَه حَيوانات و الشُّيوخ. و ما في واحِد قِدِر يِتعَلَّم التَّرتيلَه إلّا المِيَّه و الأربَعَه و الأربَعين ألف الكانو مُشتَرين مِن الأرض.

أفَسُس 5:26

عَشان يَقَدِّسا و يَنَضِّفا بِغَسيل المويَه بِالكِلمَه.

١ تَسَالُونِيكِي 1:8

عَلَشان إنتو خَبَّرتو بِكِلمَة الرَّب، مُش في مَكِدونيَّه و أَخَائِيَه بَس، و لَكِن إيمانكُم بِالله مَشى لِكُلّو مَكان. عَشان كِدا ما ضَروري نَقول أي شي.