كُولُوسِّي 1:9 - كِتاب العَهد الجَّديد مِن الكِتاب المُقَدَّس

⁹ بِالسَّبَب دا، نِحنا مِن اليوم لَمّا سِمِعنا عَنكُم، ما وَقَفنا نَصَلّي فِشانكُم. و نَسأل عَشان إنتو تَكونو مَليانين بِمَعرِفَة إرادَة الله في كُلّو حِكمَه و فَهم روحي.

كُولُوسِّي 1:9 Referans Kwoze

يَعْقُوب 3:17

لَكِن الحِكمَه المِن فوق، هي في الأوَّل نَضيفَه، بَعدين مُحِب السَّلام، عِندَها صَبر. الحِكمَه دي مُطيعَه، مَليانَه رَحمَه و ثِمار كوَيس، ما فيها فارِق، و مُخلِصَه.

يَعْقُوب 1:5

و إن كان واحِد يَحتاج لِحِكمَه، خَليهو يَسأل الله البِدّي لِكُل النّاس بِالكَرامَه. و الله ما يَلوم، و هو بِدّيهو.

كُولُوسِّي 4:5

عيشو بِحكمَه مِن جِهَة النّاس المِن بَرَّه، و إشتَغِلو كوَيس بِكُلّو فُرصَه.

عِبرانيين 13:21

الله يَعمِلكُم كامِلين في كُلّو عَمَل طَيب عَشان تَعمِلو إرَادَتو. و هو يَشتَغِل فيكُم الحاجَه التَّبسِطو كَتير، بِيَسُوع المَسيح. و لِلمَسيح المَجد لِلأبَد. آمين.

١ بُطْرُس 2:15

عَشان إرادَة الله هي أن تَسَكِّتو جَهَل النّاس الغُشّام بِأعمالكُم الطَّيبَه.

٢ تَسَالُونِيكِي 1:11

عَلَشان كِدا، نِحنا دايماً نَصَلّي فِشانكُم، عَشان الله يَعمِلكُم مُستَحِقّين لِإختياراتو، و يَتِم بِقُوَّتو كُلّو فِكرَه كوَيسَه و عَمَل الإيمان.

١ تَسَالُونِيكِي 5:17

صَلّو و ما تَقيفو.

١ يُوحَنَّا 5:20

و بِنَعرِف إبن الله جا و أدّانا فَهم عَشان نَعرِف هو الحَق. و نِحنا في الحَق، يَعني في إبنو يَسُوع المَسيح. دا هو الإلَه الحَقيقي و الحَياة الأبَديَّه.

كُولُوسِّي 3:16

خَلّو كِلمَة المَسيح تَعيش فيكُم بِكَترَه، و إنتو تَعَلِّمو و تَهَظِّرو بَعضَكُم بَعض بِكُلّو حِكمَه. و تَرَتِّلو بِمَزامير و تَرتيلات و حَمد روحي، و تَشكُرو الله في قُلوبكُم.

عِبرانيين 10:36

إنتو تَحتاجو لِلصَّبر، حَتّى إذا عَمَلتو إرادَة الله، بِتَقبَلو الوَعد.

فيلِبّي 1:4

كُلّو وَكِت في كُلّو صَلاتي لِكُلُّكُم، أنا بَطلُب دايماً بِفَرَح.

فِلِيمُون 1:4

بَشكُر إلَهي دايماً و بَتزَكَّرَك في صَلَواتي.

أفَسُس 6:6

ما تَخدِموهُم لَمّا هُم يَعاينو ليكُم بَس عَشان تَعمِلوهُم مَبسوطين مِنَّكُم. لَكِن زي خَدّامين المَسيح، أعمِلو إرادَة الله مِن القَلب.

رُومِيَه 12:2

و ما تَكونو زي الزَّمَن دا، لَكِن إتغَيَّرو مِن جُوَّه بِأفكار جَديدَه. فِشان تَمتَحِنو إرادَة الله، إرَادَتو الكوَيسَه، و المَقبولَه، و الكاملَه.

١ تَسَالُونِيكِي 1:3

و دايماً نِزَكَّر عَمَل إيمانكُم و تَعب مَحَبَّتكُم و صَبر رَجاءكُم في رَبَّنا يَسُوع المَسيح قِدّام الله أبونا.

١ يُوحَنَّا 2:17

و الدُّنيا تَفوت، و شَهوَتو، و لَكِن البِسَوّي إرادَة الله يَعيش لِلأبَد.

١ بُطْرُس 4:2

عَشان ما يَعيش الوَكِت الباقي في الجِّسِم لِشَهوات النّاس، لَكِن لِإرادَة الله.

كُولُوسِّي 4:12

و أَبَفْرَاس يَسَلِّم عَليكُم، و هو مِنَّكُم، و خَدّام يَسُوع المَسيح. هو دايماً بِصَلّي بِكُلّو قُوَّتو فِشانكُم، عَلَشان تَثبُتو كامِلين و بِتأكيد تَمام في كُلّو إرادَة الله.

كُولُوسِّي 1:6

الجّا ليكُم زي في كُل الدُّنيا كَمان. و الإنجيل دا بِجيب ثِمار و بِكبَر، زي ما كان بيَعمِل بينكُم مِن اليوم لَمّا إنتو سِمِعتو و عِرِفتو نِعمَة الله بِالحَق.

أفَسُس 5:17

عَلَشان كِدا ما تَكونو بِدون حِكمَه، لَكِن أفهَمو شِنو إرادَة الله.

أفَسُس 5:10

جَرِّبو أن تَعرِفو الحاجَه التَّبسِط الرَّب.

أفَسُس 1:8

و هو كَتَّر لينا نِعمَتو بِكُلّو حِكمَه و فَهم.

يُوحَنَّا 7:17

إذا واحِد رَضيان يَعمِل إرادَة الله، هو ماشي يَعرِف التَّعليم دا، إذا هو مِن الله، ولّا أنا بَتكَلَّم بيهو مِن نَفسي.

١ كُورِنْثُوس 1:5

عَشان إنتو بِقيتو غَنيين فيهو، في كُلّو شي و في كُلّو كَلام و كُلّو مَعرِفَه.

أعمال الرُّسُل 12:5

و بُطْرُس كان مَحروس في السِّجِن. لَكِن ناس الكَنيسَه كانو بِصَلّو بِقُلوب حارَّه لِلَّه فِشانو.

فِلِيمُون 1:6

بَصَلّي أن شَرِكَة إيمانَك بِتساعِدكُم عَشان تَعرِفو كُل الخير الفينا بِالمَسيح.