كُولُوسِّي 1:4 - كِتاب العَهد الجَّديد مِن الكِتاب المُقَدَّس

⁴ عَلَشان نِحنا سِمِعنا بِإيمانكُم في المَسيح يَسُوع و مَحَبَّتكُم لِكُل القِدِّسين.

كُولُوسِّي 1:4 Referans Kwoze

أفَسُس 1:15

عَلَشان كِدا، أنا كَمان لَمّا سِمِعتَ بِإيمانكُم بِالرَّب يَسُوع، و مَحَبَّتكُم لِكُل القِدِّسين،

٢ تَسَالُونِيكِي 1:3

لازِم نَشكُر الله كُلّو وَكِت فِشانكُم، يا أخوان، زي ما يِستَحِق لينا، عَلَشان إيمانكُم بِيَكبَر كَتير جِدّاً، و مَحَبَّة كُلّو واحِد مِنَّكُم بَعضَكُم لِبَعض تَزيد.

١ تَسَالُونِيكِي 1:3

و دايماً نِزَكَّر عَمَل إيمانكُم و تَعب مَحَبَّتكُم و صَبر رَجاءكُم في رَبَّنا يَسُوع المَسيح قِدّام الله أبونا.

عِبرانيين 6:10

عَشان الله ما ظالِم، و هو ما بيَنسى عَمَلكُم و المَحَبَّه الإنتو وَرّيتوها فِشان إسمو لَمّا خَدَمتو القِدِّسين، و لِسَّع بِتَخدِموهُم.

١ يُوحَنَّا 4:16

و نِحنا عِرِفنا و صَدَّقنا مَحَبَّة الله الهو عِندو لينا. الله مَحَبَّه، و البِسكُن في المَحَبَّه بِسكُن في الله و الله فيهو.

فِلِيمُون 1:5

عَشان بَسمَع بِمَحَبَّتَك و إيمانَك نَحو الرَّب يَسُوع و لِكُل القِدِّسين.

١ يُوحَنَّا 3:14

بِنَعرِف نِحنا مَرَقنا مِن الموت لِلحَياة، بِسَبَب مَحَبَّتنا لِلأخوان. الما بِحِب أخوهو يِستَنّى في الموت.

غَلَاطِيَّه 5:6

عَشان في المَسيح يَسُوع، الطَّهور ما ليهو فايدَه، ولّا الما مُطَهَّر، لَكِن الإيمان البِشتَغِل بِالمَحَبَّه.

١ يُوحَنَّا 3:23

و دا هو أمرو أن نآمِن بِإسم إبنو يَسُوع المَسيح و نَحِب بَعَضَنا بَعض، زي ما أدّانا أمر.

١ تَسَالُونِيكِي 3:6

و لَكِن هَسَّع تِيمُوثَاوُس جا لينا مِنَّكُم، و بَشَّرنا بِإيمانكُم و مَحَبَّتكُم. و هو خَبَّرنا كيف إنتو دايماً تِتذَكَّرونا بِلُطف، و عاوِزين بِشِدَّه تَشوفونا. و نِحنا كَمان عاوِزين بِشِدَّه نَشوفكُم.

كُولُوسِّي 1:9

بِالسَّبَب دا، نِحنا مِن اليوم لَمّا سِمِعنا عَنكُم، ما وَقَفنا نَصَلّي فِشانكُم. و نَسأل عَشان إنتو تَكونو مَليانين بِمَعرِفَة إرادَة الله في كُلّو حِكمَه و فَهم روحي.

٢ كُورِنْثُوس 7:7

و ما عَشان هو جا بَس، لَكِن كَمان بِالرّاحَه الإنتو أدّيتو ليهو. و هو خَبَّرنا بِمَحَبَّتكُم و الحُزن بِتاعكُم و غيرَتكُم فِشانّي، حَتّى فَرَحي زاد أكتَر بِكَتير.

غَلَاطِيَّه 3:26

عَشان كُلُّكُم أولاد الله بِالإيمان بِالمَسيح يَسُوع.

غَلَاطِيَّه 3:28

و كِدا، ما في يَهودي ولّا إغريقي. ما في عَبد ولّا حُر. ما في راجِل ولّا مَرَه. عَشان كُلُّكُم واحِد في المَسيح يَسُوع.

أفَسُس 6:18

صَلّو دايماً بِكُلّو صَلاه و طَلَب في الرّوح. و خَلّو بالكُم لِدا و أحرِسو و صَلّو كُلّو وَكِت بِطَلَب عَشان كُل القِدِّسين.