كُولُوسِّي 1:2 - كِتاب العَهد الجَّديد مِن الكِتاب المُقَدَّس

² لِلأخوان القِدِّسين، المؤمِنين في المَسيح في كُولُوسِّي. نِعمَه ليكُم و سَلام مِن الله أبونا و الرَّب يَسُوع المَسيح.

كُولُوسِّي 1:2 Referans Kwoze

٢ بُطْرُس 1:2

النِّعمَه و السَّلام يَزيدو ليكُم بِمَعرِفَة الله و يَسُوع رَبَّنا.

أفَسُس 1:1

مِن بُولُس رَسول يَسُوع المَسيح بِإرادَة الله، لِلقِدِّسين الفي أفَسُس و المؤمِنين بِالمَسيح يَسُوع.

رُومِيَه 1:7

أنا بَكتِب لِكُلُّكُم الفي مَدينَة رُومِيَه. الله بِحِبّكُم و إختاركُم عَشان تَكونو قِدِّيسين. نِعمَه ليكُم و سَلام مِن الله أبونا و مِن الرَّب يَسُوع المَسيح.

١ كُورِنْثُوس 1:2

لِكَنيسَة الله الفي كُورِنْثُوس، المُقَدَّسين في المَسيح يَسُوع، المُختارين عَشان يَكونو قِدِّيسين مَعَ كُل البِنادو لِإسم رَبَّنا يَسُوع المَسيح في كُلّو مَحَل، رَبُّم و رَبَّنا.

رؤيا 1:4

مِن يُوحَنَّا لِلسَّبعَه كَنايس الفي آسيا: النِّعمَه ليكُم و السَّلام مِنّو المَوجود و الكان مَوجود و الماشي يَجي، و مِن السَّبعَه أرواح الفي قِدّام كُرسيهو.

١ بُطْرُس 1:2

المُختارين بِحَسَب مَعرِفَة الله الأبو الكانَت مِن قَبِل، و المُقَدَّسين بِالرّوح عَشان يَطيعو يَسُوع المَسيح و يَكونو مَرشوشين بِدَمّو. نِعمَه و سَلام يَكَتِّر ليكُم.

غَلَاطِيَّه 1:3

نِعمَه ليكُم و سَلام مِن الله الأبو و رَبَّنا يَسُوع المَسيح.

أفَسُس 6:21

تِيخِيكُس، الأخو المَحبوب، و الخَدّام الأمين في الرَّب، بِكَلِّمكُم بِكُلّو شي عَشان بِتَعرِفو كيف أنا و أنا بَعمِل شِنو.

يَهُوذَا 1:2

الرَّحمَه و السَّلام و المَحَبَّه يَكَتِّرو ليكُم.

غَلَاطِيَّه 3:9

عَلَشان كِدا، هُم العِندَهُم إيمان، يِتبارَكو مَعَ إِبْرَاهِيم المؤمِن.

١ كُورِنْثُوس 4:17

عَشان كِدا رَسَّلتَ ليكُم تِيمُوثَاوُس، إبني الحَبيب و الأمين في الرَّب. و هو بِذَكِّركُم بِطُرُقي في المَسيح زي ما بَعِلِّم في كُلّو مَحَل في كُلّو كَنيسَه.

أعمال الرُّسُل 9:13

و لَكِن حَنانيّا رَدَّ و قال: ”يا رَب، سِمِعتَ مِن كَتيرين عَن الرّاجِل دا، بِكُل الحاجات البَطّالَه الهو عَمَل لِقِدِّسينَك في أُورُشَلِيم.

فيلِبّي 1:1

بُولُس، و تِيمُوثَاوُس، خَدّامين المَسيح يَسُوع، لِكُل المُقَدَّسين في المَسيح يَسُوع الفي فيلِبّي، مَعَ المُلاحِظين و خَدّامين الكَنيسَه.