كُولُوسِّي 1:12 - كِتاب العَهد الجَّديد مِن الكِتاب المُقَدَّس

¹² و تَشكُرو الأبو، العَمَلنا مُستَحِقّين عَشان نَشتَرِك في ميراث القِدِّسين في النّور.

كُولُوسِّي 1:12 Referans Kwoze

أعمال الرُّسُل 20:32

و هَسَّع بَدّيكُم لِلَّه، و لِكِلمَة نِعمَتو، البِتَقدَر تَبنيكُم و تَدّي ليكُم الميراث مَعَ كُل القِدِّسين.

أفَسُس 1:11

و فيهو عِندَنا ميراث و هو إختارنا فيهو مِن قُبّال حَسَب تَرتيبو، هو اليَعمِل كُلّو شي زي فِكر إرَادَتو.

أفَسُس 1:18

و بَصَلّي عَشان أفكاركُم بِكونو مَفتوحين لِنورو، عَلَشان تَعرِفو الرَّجاء الهو إختاركُم ليهو، و تَعرِفو غِنى مَجد ميراثو في القِدِّسين.

أعمال الرُّسُل 26:18

عَشان تَفتَح عُيونُم، عَشان يَرجَعو مِن الضُّلُمَّه لِلنّور، و مِن سُلطَة الشّيطان لِلَّه. و بِدا يَقبَلو بِإيمان بي غُفران الخَطايا و مَحَل مَعَ القِدِّسين.

أفَسُس 3:6

و دا هو السِّر، إنّو الأُمَم يَشتَرِكو سَوا في الميراث، و هُم أعضاء سَوا في جِسِم واحِد. و يَشتَرِكو سَوا في الوَعَد في المَسيح يَسُوع بِالإنجيل.

٢ كُورِنْثُوس 5:5

و العَمَلنا لِلحاجَه دي زاتا، هو الله، الأدّانا كَمان عَربون الرّوح.

رُومِيَه 8:17

كِدا إذا نِحنا أولاد، بَعَد دا نِحنا وُرّاث كَمان، وُرّاث الله و وُرّاث مَعَ المَسيح. إذا كان نَتعَب مَعاهو، نِحنا بِنِتمَجَّد كَمان مَعاهو.

عِبرانيين 3:14

و نِحنا بِقينا شُرَكا في المَسيح إذا بِنَمسِك لِلآخِر بِالتّأكيد الثّابِت الكُنّا عِندَنا في الأوَّل.

يُوحَنَّا 14:6

يَسُوع قال ليهو: ”أنا هو الطَّرِيق و الحَق و الحَياة. ما في واحِد يَجي لِلأبو إلّا بي.

رؤيا 21:23

و المَدينَه ما مُحتاجَه لِلشَّمِس ولّا لِلقَمَر عَشان يَنَوِّرو فيها. عَلَشان مَجد الله بِدّيها نور، و الحَمَل فانوسا.

عِبرانيين 12:23

و لِكَنيسَة المَولودين في الأوَّل، أساميهُم مَكتوبَه في السَّما. و إنتو قَرَّبتو لِلَّه، قاضي كُل النّاس، و لِأرواح البارين البِقو كامِلين،

كُولُوسِّي 2:2

أنا بَعمِل دا عَلَشان قُلوبُم يِتعَزّو و بِكونو واحِد في المَحَبَّه، و بِكونو عِندَهُم كُلّو غِنى بِتاع تأكيد الفَهم. و عَلَشان كِدا يَعرِفو سِر الله، و هو المَسيح.

أفَسُس 5:20

و تَشكُرو كُلّو وَكِت لِكُلّو حاجَه لِلَّه الأبو، في إسم رَبَّنا يَسُوع المَسيح.

١ كُورِنْثُوس 8:6

لَكِن لينا إلَه واحِد بَس، الأبو، المِنّو كُل الحاجات و نِحنا نَعيش ليهو، و رَب واحِد، يَسُوع المَسيح، البيهو كُل الحاجات و نِحنا نَعيش بيهو.

رُومِيَه 15:27

كان كوَيس في عُيونُم يَعمِلوهو. و بِالحَق كانو مَديونين ليهُم. الأُمَم إشتَرَكو في حاجاتُم الرّوحيَّه. عَلَشان كِدا، الأُمَم لازِم يَخدِموهُم بِالحاجات الجِّسميَّه.

يَعْقُوب 3:9

بِاللِّسان نَبارِك الله الأبو، و بيهو نَلعَن النّاس الإتسَوّو عَلى شَبَه الله.

عِبرانيين 3:1

عَلَشان كِدا، يا الأخوان القِدِّسين، شُرَكا الإختِيار المِن السَّما، إفتَكِرو في الرَّسول و رَئيس القُسُس بِتاع شَهادَتنا، يَسُوع.

كُولُوسِّي 3:17

و كُل البِتَعمِلو، إذا بِكِلمَه ولّا عَمَل، أعمِلو الكُل بِإسم الرَّب يَسُوع، شاكِرين الله الأبو بيهو.

كُولُوسِّي 3:15

و خَلّو سَلام المَسيح يَملِك في قُلوبكُم، عَلَشان هو ناداكُم لِدا في جِسِم واحِد. و كونو شاكِرين.

أفَسُس 5:4

و كِدا ما تِتكَلَّمو كَلام وَسخان ولّا بَليد ولّا كَلام خَفيف الما يَوافِق. لَكِن أدّو الشُّكر لِلَّه.

أفَسُس 4:6

إلَه واحِد و أبو لِلكُل، و هو فوق الكُل، و يَشتَغِل في الكُل، و يَعيش في كُلُّنا.

١ كُورِنْثُوس 9:23

و أنا أعمِل كُلّو دا عَلَشان الإنجيل، عَشان بَكون شَريك فيهو.

رُومِيَه 11:17

و هُم قَطَعو بَعَض الفُروع مِن شَجَرَة الزّيتون، و جَمَعو ليها فَرَع مِن شَجَرَة زيتون الخَلا. إنتو الأُمَم زي شَجَرَة زيتون الخَلا، و هَسَّع عِندَكُم قِسِم في عِرق شَجَرَة الزّيتون، يَعني اليَهود، و قُوَّة حَياتا.

رُومِيَه 9:23

و عَمَل دا عَلَشان يَوَرّي غِنى مَجدو عَلى بُرام رَحمَه جَهَّزا مِن قُبّال لِلمَجد،

يُوحَنَّا 20:17

يَسُوع قال ليها: ”ما تَلمِسيني، عَشان أنا لِسَّع ما رَجَعتَ لِلأبو. لَكِن أمشي لِأخواني، و قولي ليهُم، أنا بَرجَع لِأبوي و أبوكُم، و إلَهي و إلَهكُم.“

يُوحَنَّا 4:23

لَكِن السّاعَه تَجي و هي هَسَّع، لَمّا العابِدين بِالحَق يَعبُدو الأبو بِالرّوح و الحَق. عَشان الأبو بِطلُب زي ديل عَشان يَعبُدوهو.

مَتَّى 25:34

بَعدين المَلِك بِقول لِلنّاس الفي يَمينو: تَعالو، يا مُبارَكين مِن أبوي. أُخُد المَلَكوت المَجَهَّز ليكُم مِن بِدايَة الدُّنيا.

رؤيا 22:14

مُبارَكين البِغَسِّلو هِدُومُم عَلَشان تَكون عِندَهُم سُلطَه عَلى شَجَرَة الحَياة و يدخُلو المَدينَه مِن الأبواب.

رؤيا 22:5

و ما بِكون في ليل بَعَد دا. و هُم ما بِحتاجو لِنور فانوس ولّا لِنور الشَّمِش، عَشان الرَّب الإلَه بِنَوِّر عَليهُم. و هُم بِملِكو لِلأبَد.

١ يُوحَنَّا 1:3

و نَخَبِّركُم بِالشُّفناهو و سِمِعناهو، عَلَشان تَكون ليكُم كَمان شَرِكَه مَعانا. و شَرِكَتنا هي مَعَ الأبو و مَعَ إبنو يَسُوع المَسيح.

١ بُطْرُس 5:1

أنا بَطلُب لِلشُّيوخ البينكُم، أنا شيخ زيَكُم. و شاهِد لِأتعاب المَسيح و شَريك كَمان في المَجد الماشي يَظهَر.

تِيطُس 2:14

هو أدّا نَفسو فِشانّا عَشان يَفدينا مِن كُلّو ذَنب، و يَنَضِّف لِنَفسو ناس يَكونو مُلكو، و عِندَهُم غيرَه لِكُل الأعمال الكوَيسَه.

٢ كُورِنْثُوس 11:14

ما تِستَغرَبو! عَشان الشّيطان نَفسو بِغَيِّر نَفسو لِمَلاك نور.

أفَسُس 2:18

و بيهو، نِحنا الأتنين عِندَنا قُبول لِلأبو بِروح واحِد.

أفَسُس 5:8

عَلَشان إنتو كُنتو ضُلُمَّه مِن قُبّال، لَكِن هَسَّع إنتو نور في الرَّب. عيشو زي أولاد نور.

أفَسُس 5:11

و ما تَكون ليكُم شَرِكَه مَعَ أعمال الضُّلُمَّه الما عِندَهُم ثِمار، لَكِن وَبِّخوها.