كُولُوسِّي 1:10 - كِتاب العَهد الجَّديد مِن الكِتاب المُقَدَّس

¹⁰ و نَصَلّي لِدا، عَلَشان تَعيشو زي ما يِستَحِق لِلرَّب، و في كُلّو حاجَه تَفَرِّحوهو، و تَجِيبو ثِمار في كُلّو عَمَل كوَيس، و تَكبَرو في مَعرِفَة الله.

كُولُوسِّي 1:10 Referans Kwoze

أفَسُس 4:1

عَلَشان كِدا، أنا، المَحبوس في الرَّب، بَطلُب ليكُم تَعيشو زي ما يِستَحِق الإختِيار الهو إختاركُم ليهو.

عِبرانيين 13:21

الله يَعمِلكُم كامِلين في كُلّو عَمَل طَيب عَشان تَعمِلو إرَادَتو. و هو يَشتَغِل فيكُم الحاجَه التَّبسِطو كَتير، بِيَسُوع المَسيح. و لِلمَسيح المَجد لِلأبَد. آمين.

١ يُوحَنَّا 3:22

و كُل النَّطلُب نَقبَل مِنّو، عَشانّا نَحفَظ أوامِرو و نَعمِل الحاجات التَّبسِطو.

يُوحَنَّا 15:16

إنتو ما إختِرتوني، لَكِن أنا إختِرتَكُم و عَيَّنتَكُم عَشان تَمشو و تَجِيبو ثِمار، و ثَمَركُم بِستَمِر. عَشان الأبو بِدّيكُم كُل البِتَطلُبوهو بِإسمي.

١ تَسَالُونِيكِي 4:1

في الآخِر، يا أخوان، إتعَلَّمتو مِنَّنا كيف إنتو لازِم تَعيشو و تَبسِطو الله. و زي ما كُنتو تَعيشو كِدا، هَسَّع نَطلُب ليكُم و نَشَدّشدكُم في الرَّب يَسُوع تَعمِلو زِيادَه و زِيادَه.

عِبرانيين 13:16

لَكِن ما تَنسو تَعمِلو الخير، و تَشتَرِكو مَعَ التّانيين، عَشان ضَبايح زي دي تَبسِط الله.

يُوحَنَّا 15:8

بِدا، أبوي يِتمَجَّد إذا تَجِيبو ثِمار كَتير، و كِدا بِتكونو تَلاميذي.

تِيطُس 3:14

و خَلّي أهَلنا يِتعَلَّمو أن يَدّو نُفوسُم لِلأعمال الكوَيسَه لِلإحتِياجات الضَّروريَه. و كِدا هُم ما بِعيشو حَياة بِدون فايدَه.

٢ بُطْرُس 3:18

و لَكِن أكبَرو في النِّعمَه و في مَعرِفَة رَبَّنا و مُخَلِّصنا يَسُوع المَسيح. ليهو المَجد هَسَّع و لِلأبَد! آمين.

٢ بُطْرُس 1:8

عَشان إذا عِندَكُم الحاجات دي فيكُم بِالكَترَه، يَعمِلوكُم مُش كَسلانين ولّا بِدون ثِمار في مَعرِفَة رَبَّنا يَسُوع المَسيح.

كُولُوسِّي 2:6

عَلَشان كِدا، زي ما قِبِلتو المَسيح يَسُوع الرَّب، عيشو فيهو،

١ تَسَالُونِيكِي 2:12

و كُنّا نَوَرّيكُم كيف تَعيشو الحَياة المُستَحِقَّه لِلَّه، و هو اليَناديكُم لِمَلَكوتو و مَجدو.

كُولُوسِّي 4:5

عيشو بِحكمَه مِن جِهَة النّاس المِن بَرَّه، و إشتَغِلو كوَيس بِكُلّو فُرصَه.

أفَسُس 5:15

شوفو بِالظَّبط كيف إنتو تَعيشو، مُش زي البَليدين لَكِن زي الفاهمين.

أفَسُس 2:10

عَلَشان نِحنا شُغل الله، و هو خَلَقنا في المَسيح يَسُوع عَشان نَعمِل أعمال كوَيسَه، الجَّهَّزا الله مِن قُبّال عَشان نَعمِلا.

٢ كُورِنْثُوس 2:14

لَكِن شُكراً لِلَّه عَشان هو دايماً بِقودنا في الغَلَبَه في المَسيح، و بِوَرّي بينَنا ريحَة مَعرِفتو في كُلّو مَحَل.

رُومِيَه 6:4

و كُنّا مَدفونين مَعاهو بِالمَعموديَّه لِلموت، عَلَشان زي ما المَسيح قام مِن بين المَيِّتين بِمَجد الأبو، نِحنا كَمان نَعيش حَياة جَديدَه.

أفَسُس 5:10

جَرِّبو أن تَعرِفو الحاجَه التَّبسِط الرَّب.

أفَسُس 5:2

و عيشو في المَحَبَّه، زي المَسيح حَبّانا و أدّا نَفسو عَشان خاطِرنا، تَقدِمَه و ضَبيحَه لِلَّه زي ريحَه كوَيسَه.

فيلِبّي 1:27

عَلى كِدا، عيشو بِطَرِيقَه مُستَحِقَّه إنجيل المَسيح. كِدا، إذا بَجي أشوفكُم ولّا إذا أنا ما في، بَسمَع عَنكُم إنَّكُم ثابِتين في روح واحِد، و إنَّكُم تَتعَبو بِنَفس واحدَه لِإيمان الإنجيل،

فيلِبّي 1:11

مَليانين مِن ثِمار البِر البِجي بِيَسُوع المَسيح لِمَجد الله و حَمدو.

١ يُوحَنَّا 5:20

و بِنَعرِف إبن الله جا و أدّانا فَهم عَشان نَعرِف هو الحَق. و نِحنا في الحَق، يَعني في إبنو يَسُوع المَسيح. دا هو الإلَه الحَقيقي و الحَياة الأبَديَّه.

تِيطُس 3:1

زَكِّرُم يَكونو تِحِت سُلطَة الرّؤساء و السَّلاطين، و يَطيعو و يَكونو جاهِزين لِكُلّو عَمَل طَيب.

كُولُوسِّي 3:20

يا أولاد، طيعو والِديكُم في كُلّو حاجَه، عَشان دا يَبسِط الرَّب.

أفَسُس 4:13

و هو بيَعمِل كِدا لِغايَة ما كُلُّنا بِنَجي لِوَحدَة الإيمان و مَعرِفَة إبن الله، لِإنسان كامِل، لِقِياس مَليان بِتاع كَمال المَسيح.

عِبرانيين 11:5

بِالإيمان أَخْنُوخ ما شاف الموت، عَشان شالوهو لِلسَّما. و ما قِدِرو يَلقوهو، عَلَشان الله شالو. عَشان قُبّال ما شالوهو، كانَت عِندو الشَّهادَه إنّو بَسَط الله.

٢ تِيمُوثَاوُس 2:4

ما في واحِد اليَحارِب البِكون مَربوط لِحاجات الحَياة دي. هو عاوِز يَبسِط الدّخَّلو لِلخِدمَه العَسكَريَّه.

كُولُوسِّي 2:19

و هو ما ماسِك بِالمَسيح الرّاس. و كُل الجِّسِم مَربوط سَوا في المَسيح بِرُباطو و مَفاصِلو. و الجِّسِم يَكبَر زي ما الله يَعمِلو يَكبَر.

فيلِبّي 4:18

قِبِلتَ كُلّو شي، و أنا في راحَه. أنا بِقيت مَليان مِن وَكت أخَدتَ مِن وأبفروديتس هَداياكُم الإنتو رَسَّلتوها. هي هَديَه ريحَتا طَيبَه، و ضَبيحَه مَقبولَه، اليَبسِط الله.

أفَسُس 1:17

عَشان إلَه رَبَّنا يَسُوع المَسيح، أبو المَجد، يَدّيكُم روح الحِكمَه و رؤيا عَشان تَعرِفو مَعرِفَه كاملَه.

٢ كُورِنْثُوس 9:8

و الله بِقدَر يَزيد ليكُم كُلّو نِعمَه، لِغايَة ما يَكون ليكُم كِفايَه في كُلّو حاجَه و في كُلّو وَكِت، عَلَشان تَزيدو في كُلّو عَمَل طَيب.

يُوحَنَّا 17:3

و دي هي الحَياة الأبَديَّه، أن يَعرِفوك إنتَ الإلَه الحَقيقي وَحدَك، و يَسُوع المَسيح الرَسَّلتو.

٢ كُورِنْثُوس 4:6

عَشان الله قال: ”خَلّي نور يَنَوِّر مِن الضُّلُمَّه.“ و هو نَوَّر في قُلوبنا نور مَعرِفَة مَجد الله في وَش يَسُوع المَسيح.

رُومِيَه 4:12

و هو كَمان أبو المُطَهَّرين، مُش بِسَبَب طَهورُم بَس، لَكِن عَلَشان هُم آمَنو زي ما أبونا إِبْرَاهِيم آمَن لَمّا هو ما كان مُطَهَّر.

رُومِيَه 1:13

أنا ما عاوِزكُم تَكونو بِدون مَعرِفَه، يا أخوان، مَرّات كَتيرَه قَرَّرتَ أجي ليكُم فِشان ألقى ثِمار مِنَّكُم كَمان، زي في الأُمَم التّانيين. و لَكِن مَنَعوني لِغايَة هَسَّع.

٢ كُورِنْثُوس 5:9

عَلَشان كِدا فوق كُلّو شي، نِحنا عاوزين نَبسِطو إذا نِستَنّا في بيتنا هِنا ولّا نَمشي نَكون مَع الرَب.

٣ يُوحَنَّا 1:6

و هُم شِهِدو بِمَحَبَّتَك قِدّام الكَنيسَه. و إنتَ تَعمِل كوَيس إذا تَرَسِلُم لِلسَّفَر زي ما يِستَحِق لِلَّه.