أعمال الرُّسُل 9:15 - كِتاب العَهد الجَّديد مِن الكِتاب المُقَدَّس

¹⁵ لَكِن الرَّب قال ليهو: ”أمشي، عَشان هو بُرمَه مُختارَه لِيَشيل إسمي قِدّام الأُمَم و المُلوك و بَني إِسْرَائِيل.

أعمال الرُّسُل 9:15 Referans Kwoze

رُومِيَه 11:13

هَسَّع بَكَلِّمكُم، يا أُمَم، عَلَشان أنا رَسول لِلأُمَم، أنا بَمَجِّد خِدمَتي.

رُومِيَه 1:5

و بِالمَسيح قِبِلنا نِعمَه و بِقينا رُسُل. و هَسَّع الله يَرَسِّلنا عَشان نَبَشِّر كُل الأُمَم فِشان هُم كَمان بِطيعوهو و بِآمِنو بيهو.

١ تِيمُوثَاوُس 2:7

و لِلقَصِد دا كُنتَ مُختار أكون مُبَشِّر و رَسول. (أنا بَقول الحَق و ما بَكَضِّب.) و أنا مُعَلِّم لِلأُمَم في الإيمان و الحَق.

٢ تِيمُوثَاوُس 2:4

ما في واحِد اليَحارِب البِكون مَربوط لِحاجات الحَياة دي. هو عاوِز يَبسِط الدّخَّلو لِلخِدمَه العَسكَريَّه.

أعمال الرُّسُل 22:21

و الرَّب قال لَي: ’أمشي، عَشان أنا بَرَسِّلَك بَعيد لِلأُمَم.“

يُوحَنَّا 15:16

إنتو ما إختِرتوني، لَكِن أنا إختِرتَكُم و عَيَّنتَكُم عَشان تَمشو و تَجِيبو ثِمار، و ثَمَركُم بِستَمِر. عَشان الأبو بِدّيكُم كُل البِتَطلُبوهو بِإسمي.

٢ تِيمُوثَاوُس 1:11

و لِلإنجيل دا، الله عَمَلني مُبَشِّر و رَسول و مُعَلِّم.

غَلَاطِيَّه 1:1

مِن بُولُس، هو رَسول، مُش مِن النّاس، و لا بِزول، لَكِن بِيَسُوع المَسيح و الله الأبو القَوَّمو مِن بين المَيِّتين.

١ كُورِنْثُوس 15:10

لَكِن بِنِعمَة الله أنا زي ما أنا، و نِعمَتو الأدّاها لَي ما كانَت بِدون فايدَه. لَكِن أنا تِعِبتَ أكتَر مِنَّهُم كُلُّهُم. و لَكِن مُش أنا، لَكِن نِعمَة الله المَعاي.

أعمال الرُّسُل 13:2

و وَكِت ما هُم بِخدِمو الرَب و بِصومو، الرّوح القُدُس قال: ”جَهِّزو لَي بَرْنَابَا و شَاوُل لِلعَمَل الناديتُم ليهو.“

مَتَّى 10:18

و بِسوقوكُم قِدّام مُديرين و مُلوك فِشانّي أنا، عَشان تَشهَدو قِدّامُم و قِدّام ناس الدُّنيا.

رؤيا 17:14

و ديل بِحارِبو الحَمَل. و الحَمَل بِغلِبُم، عَلَشان هو رَب الأرباب و مَلِك المُلوك. و ديل الناداهُم، مُختارين و أُمَنا، بِكونو مَعاهو.“

أعمال الرُّسُل 27:24

و قال: ما تَخاف، يا بُولُس، إنتَ لازِم تِقيف قِدّام قَيصَر. و شوف! الله أدّاك كُل النّاس المِسافرين مَعاك.

أعمال الرُّسُل 26:32

و أَغْرِيبَاس قال لِفَسْتُوس: ”كان مُمكِن نَفِك الإنسان دا، إذا ما كان رَفَع طَلَبو لِقَيصَر.“

أعمال الرُّسُل 25:22

و أَغْرِيبَاس قال لِفَسْتُوس: ”أنا عاوِز أسمَع الرّاجِل دا.“ و هو قال: ”بُكرَه بِتَسمَع ليهو.“

أعمال الرُّسُل 21:19

و بَعَد ما سَلّم عَليهُم، بُولُس كَلَّمُم مِن اول، لِآخِر، بِكُلّو حاجَه الله عَمَلا بين الأُمَم بِخِدمَتو.

أعمال الرُّسُل 28:17

و بَعَد تَلاتَة أيام، بُولُس نادى كُبار اليَهود. و لَمّا إتلَمّو، قال ليهُم: ”يا رُجال و أخوان، أنا ما سَوّيت شي ضِد الشَّعب، و لا ضِد عادات أبَهاتنا. لَكِن خَتّوني في السِّجِن في أُورُشَلِيم، و سَلَّموني لِإيدين ناس رومانيين.

أعمال الرُّسُل 22:14

و هو قال: ’إلَه أبَهاتنا إختارَك عَشان تَعرِف إرادتو و تَشوف البار و تَسمَعو يتكَلَّم بِصوتو.

أعمال الرُّسُل 26:1

و أَغْرِيبَاس قال لِبُولُس: ”عِندَك إذِن تِتكَلَّم فِشان خاطِر نَفسَك.“ و كِدا بُولُس مَدَّ إيدو وإبتَدا يتكَلَّم:

أعمال الرُّسُل 28:28

فِشان كِدا، أنا دَايِركُم تَعرِفو خَلاص الله دا كان مُرسَل لِلأُمَم، و هُم بِيَسمَعو.“

رُومِيَه 1:1

الجَّواب دا مِن بُولُس. أنا خَدّام يَسُوع المَسيح، و الله إختارني عَشان أبَشِّر بِإنجيلو.

١ كُورِنْثُوس 9:16

عَشان إذا كان أبَشِّر، ما لَي فَخر، عَشان أنا لازِم أبَشِّر. يا مُصيبتي إذا كان ما أبَشِّر!

أفَسُس 3:1

و بِالسَّبَب دا، أنا، بُولُس، مَحبوس المَسيح يَسُوع فِشانكُم، يا أُمَم.