Biblia Todo Logo
Bib sou entènèt

- Piblisite -




أعمال الرُّسُل 8:12 - كِتاب العَهد الجَّديد مِن الكِتاب المُقَدَّس

12 و لَكِن لَمّا صَدَّقو فِيلُبُّس، و هو بِبَشِّرُم بِمَلَكوت الله و بِإسم يَسُوع المَسيح، هُم إتعَمَّدو، رُجال و نِسوان.

Gade chapit la Kopi




أعمال الرُّسُل 8:12
22 Referans Kwoze  

و بُطْرُس قال ليهُم: ”توبو و إتعَمَّدو كُلّو واحِد مِنَّكُم بِإسم يَسُوع المَسيح لِغُفران خَطاياكُم، و بِتاخُدو هَديَّة الرّوح القُدُس.


و بَعَد تَعبو، هو وَرّا نَفسو ليهُم و أدّا ليهُم بينات كَتيرَه الوَرّاهُم هو حَي. و هو كان بِبَيِّن نَفسو ليهُم مُدَّة أربَعين يوم، و بِكَلِّمُم عَن حاجات مَلَكوت الله.


عَشان كِدا، أمشو و أعمِلو تَلاميذ مِن كُلّو ناس الدُّنيا. و عَمِّدوهُم بِإسم الأبو، و الإبن، و الرّوح القُدُس.


و المويَه دي تَشَبِّه المَعموديَّه، مُش غَسيل الوَساخَه مِن الجِّسِم، لَكِن طَلَب ضَمير طَيب لِلَّه. و دي تَخَلِّصكُم هَسَّع بِقيامَة يَسُوع المَسيح.


و القِبلو كَلامو إتعَمَّدو، و إتلَمّو عَليهُم في اليوم داك تَلاتَة آلاف نَفَر تَقريباً.


و كِدا، ما في يَهودي ولّا إغريقي. ما في عَبد ولّا حُر. ما في راجِل ولّا مَرَه. عَشان كُلُّكُم واحِد في المَسيح يَسُوع.


عَشان الإنسان بِآمِنو بِالقَلب لِلبِر، و بِعتَرِف بِالخَشم عَشان يَخلَص.


لَكِن المَرَه ما بِدون الرّاجِل، و الرّاجِل ما بِدون المَرَه في الرَّب.


و كان بِبَشِّر بِمَلَكوت الله، و بِعَلِّم البِخُص بِالرَّب يَسُوع المَسيح بِدون خوف، و ما في واحِد يَمنَعو.


و هَسَّع شوفو، أنا بَعرِف إنتو ما بِتشوفو وَشّي تاني مَرَّه، إنتو، يا كُل الأنا مَشيت بِينُم بَبَشِّر بِالمَلَكوت.


أنا شاهِد لِليَهود و لِناس إغريقيين بِالتّوبَه لِلَّه، و الإيمان بِرَبَّنا يَسُوع المَسيح.


و كِرِيسْبُس، رَئيس بيت الرَّب، آمَن بالرَب مَعَ كُلّو ناس بيتو. و كَتيرين مِن الكُورِنْثُوس السِّمِعو، آمَنو و إتعَمَّدو.


و لَكِن بَعض مِنَّهُم مِن قُبرُص و القَيْرَوَان، لَمّا دَخَلو أَنْطَاكِيَه، كانو بِكَلِّمو ناس إغريقيين كَمان، و بِبَشِّروهُم بالرَب يَسُوع.


لَكِن المؤمِنين كانو بِتلَمّو لِلرَّب أكتَر و أكتَر، عَدَد كَبير مِن الرُّجال و النِّسوان.


و يَسُوع قال ليهو: ”خَلّي المَيِّتين يَدفِنو مَيِّتينُم. لَكِن إنتَ، أمشي و بَشِّر بِمَلَكوت الله.“


و رَسَّلُم يَبَشِّرو بِمَلَكوت الله و يَشفو المَرضانين.


عَلَشان كِدا، هُم الإتشَتَّتو، كانو بِبَشِّرو بِالكِلمَه في كُلّو مَكان الهُم سافَرو ليهو.


و لَمّا سِمِعو، إتعَمَّدو بِإسم الرَّب يَسُوع.


Swiv nou:

Piblisite


Piblisite