أعمال الرُّسُل 5:34 - كِتاب العَهد الجَّديد مِن الكِتاب المُقَدَّس

³⁴ لَكِن كان في راجِل فرِّيسي، إسمو غَمَالَائِيل. و هو مُعَلِّم لِلقانون، و مُحتِرَم قِدّام كُل النّاس. و قام و أمَرُم ياخدو الرُّجال بَرَّه لِوَكِت قَليل.

أعمال الرُّسُل 5:34 Referans Kwoze

أعمال الرُّسُل 22:3

”أنا راجِل يَهودي، إتوَلَدتَ في طَرْسُوس بِتاعَت كِيلِيكِيَّا. لَكِن أنا كِبِرتَ في المَدينَه دي، و كُنتَ تِلميذ تِحِت غَمَالَائِيل. هو عَلَّمني قانون أبَهاتنا بِالتَّمام، و كانَت عِندي غيرَه لِلَّه زي كُلُّكُم اليوم.

لُوقَا 2:46

و بَعَد تَلاتَة أيام لِقوهو في الهيكَل قاعِد في وَسط المُعَلِّمين يَسمَعُم و يَسأَلُم.

لُوقَا 5:17

و في يوم مِن الأيام كان يَعَلِّم. و كانو فَرّيسيِّين و مُعَلِّمين القانون قاعِدين، و هُم جو مِن كُلّو حِلَّه مِن الجَّليل و اليَهُودِيَّه و أُورُشَلِيم. و قُدرَة الرَّب كانَت مَعاهو عَشان يَشفيهُم.

أعمال الرُّسُل 4:15

عَلَشان كِدا أمَروهُم يَمرُقو مِن المَجلِس، و إتكَلَّمو بِسِر مَعَ بَعض.

يُوحَنَّا 3:10

يَسُوع رَدَّ و قال ليهو: ”إنتَ مُعَلِّم إِسْرَائِيل، و ما بِتَعرِف دا؟

أعمال الرُّسُل 5:21

و لَمّا سِمِعو دا، دَخَلو الهيكَل في الصَّباح بَدري و إبتَدو يَعَلِّمو. و لَمّا رَئيس القُسُس و المَعاهو جو، جَمَعو المَجِلس و كُلّو شُيوخ إِسْرَائِيل. و رَسَّلو لِلسِّجِن عَشان يَجيبو الرُّسُل.

أعمال الرُّسُل 5:27

و لَمّا جابوهُم، وَقَّفوهُم قِدّام المَجلِس و رَئيس القُسُس سألُم.

أعمال الرُّسُل 5:35

في الوَكِت دا قال ليهُم: ”يا رُجال إِسْرَائِيل، خَلّو بالكُم بِالإنتو دايرين تَعمِلو بِالرُّجال ديل.