أعمال الرُّسُل 28:16 - كِتاب العَهد الجَّديد مِن الكِتاب المُقَدَّس

¹⁶ و لَمّا دَخَلنا رُومِيَه، أدّو إذِن لِبُولُس يَقعُد بَراهو مَعَ العَسكَري الكان بِحرَسو.

أعمال الرُّسُل 28:16 Referans Kwoze

أعمال الرُّسُل 27:3

و في اليوم التّاني، وِصِلنا لِصَيدا. و يُولِيُوس عَمَل مَعروف لِبُولُس و أدّاهو إذِن يَمشي لِأصحابو، عَشان يَدُّوهو المُحتاج ليهو.

أعمال الرُّسُل 24:23

و أمَر رَئيس العَساكِر يَحرَس بُولُس، لَكِن يَدّيهو شوَيَة حُرّيَّه، و ما يَمنَع أي واحِد مِن أصحابو يَخدِمو.

رؤيا 17:18

و المَرَه الإنتَ شُفتَها، هي المَدينَه العَظيمَه و هي بِتَحكُّم عَلى مُلوك الأرض.“

رؤيا 17:9

و دا عاوِز الفَهم مَعَ الحِكمَه. السَّبعَه رؤوس، هُم سَبعَه جِبال الفوقُم المَرَه بِتَقعُد. و هُم كَمان سَبعَه مُلوك.

أعمال الرُّسُل 27:43

لَكِن رَئيس العَساكِر، عَلَشان كان عاوِز يَخَلِّص بُولُس، وَقَّفُم مِن فِكرُم. و أمَر البِقدَرو يَعومو يَرمو نُفوسُم في الأوَّل و يَمشو لِلطَّرف.

أعمال الرُّسُل 27:31

و بُولُس قال لِرَئيس العَساكِر و لِلعَساكِر: ”إذا ديل ما بِستَنّو في المُركَب، إنتو ما بِتَقدَرو تَخلَصو.“

أعمال الرُّسُل 23:11

و في اللّيل البَعدو، الرَّب وَقَف جَمبو و قال ليهو: ”شِد حيلَك، زي ما شِهِدتَ لَي في أُورُشَلِيم، كِدا، لازِم تَشهَد في رُومِيَه كَمان.“

أعمال الرُّسُل 19:21

و لَمّا الحاجات دي تَمَّت، بُولُس قَرَّر بِروحو أن يَمشي لِأُورُشَلِيم بَعَد ما مَرَّ بِمَكِدونيَّه و أَخَائِيَه. و قال: ”بَعَد ما أمشي هِناك، لازِم أشوف رُومِيَه كَمان.“

أعمال الرُّسُل 18:2

و لِقى يَهودي إسمو أَكِيلَا، بُنْطي الجِّنس. و هو كان جا في وَكِت قَريب مِن إِيطَالِيَه مَعَ بِرِيسْكِلا، مَرَتو. عَلَشان كُلُودِيُوس كان أمَر كُل اليَهود يَمشو مِن رُومِيَه. و بُولُس جا ليهُم.

أعمال الرُّسُل 2:10

و في فَرِيجِيَّه و في بَمْفِيلِيَّه و في مَصِر و أقسام لِيبِيَّا القَريبَه لِقيرَوان و ضُيوف مِن رُومِيَه، يَهود و مِصَدِّقين دين اليَهود.