أعمال الرُّسُل 26:22 - كِتاب العَهد الجَّديد مِن الكِتاب المُقَدَّس

²² و لَكِن فِشان كانَت عِندي مُساعَدَه مِن الله، قَعَدتَ لِليوم دا، شاهِد لِلصَّغير و الكَبير. أنا ما بَقول حاجَه إلّا القالو الأنبياء و مُوسَى إنّو بِكون.

أعمال الرُّسُل 26:22 Referans Kwoze

أعمال الرُّسُل 24:14

و لَكِن بَعتَرِف ليكُم بِدا، أنا بِحَسَب الطَّريق البِسَمّوهو حِزب، أعبُد إلَه أبَهاتنا. و بآمِن بِكُل المَكتوب في القانون و الأنبياء.

يُوحَنَّا 5:46

عَشان إذا كُنتو بِتصَدِّقو مُوسَى، كُنتو تَصَدِّقوني، عَشان هو كَتَب عَنّي.

أعمال الرُّسُل 10:43

و كُل الأنبياء يَشهَدو ليهو أن كُلّو واحِد البِآمِن بيهو بِقبَل بِإسمو غُفران الخَطايا.“

لُوقَا 24:44

بَعدين هو قال ليهُم: ”شوفو! دا الكَلام الكَلَّمتَكُم بيهو وَكِت أنا كُنتَ مَعاكُم، إنّو كُل المَكتوب عَنّي في قانون مُوسَى و الأنبياء و المَزامير لازِم يَتِم.“

لُوقَا 24:27

و إبتَدا مِن كِتاب مُوسَى و مِن كُل الأنبياء يَفَسِّر ليهُم الكان مَكتوب عَنّو في كُل الكُتُب.

رؤيا 15:3

و هُم يَرَتِّلو تَرتيلَة مُوسَى، خَدّام الله، و تَرتيلَة الحَمَل، و يَقولو: ”أعمالَك عَظيمَه و عَجيبَه، يا رَب، الإلَه القادِر عَلى كُلّو شي! طُرُقَك عَدل و حَق، يا مَلِك الأُمَم!

رُومِيَه 3:21

لَكِن هَسَّع بِر الله ظَهَر بِدون القانون، و القانون و الأنبياء يَشهَدو ليهو.

أعمال الرُّسُل 28:23

و إختارو ليهو يوم، و كَتيرين جو ليهو لِبيتو. و إبتَدا يَشهَد بِمَلَكوت الله، و يَكَلِّمُم كَتير بِالبِخُص يَسُوع مِن قانون مُوسَى و مِن الأنبياء، مِن الصَّباح لِغايَة المِسا.

أعمال الرُّسُل 26:17

و أنا بَخَلِّصَك مِن الشَّعب و مِن الأُمَم. و هَسَّع بَرَسِّلَك ليهُم

أعمال الرُّسُل 26:6

و هَسَّع أنا واقِف أحاكِم عَلى رَجاء الوَعَد بيهو الله أبَهاتنا.

يُوحَنَّا 5:39

إنتو تَفَتِّشو الكُتُب، عَشان إنتو تَفتَكِرو عِندَكُم فيهُم الحَياة الأبَديَّه. و هُم البِشهَدو لَي.

يُوحَنَّا 1:45

و فِيلُبُّس لِقى نَثَنَائِيل و قال ليهو: ”لِقينا الكَتَب عَنّو مُوسَى في القانون و الأنبياء، يَسُوع إبن يُوسِف المِن النَّاصِرَه.“

يُوحَنَّا 1:17

عَشان الله أدّا القانون بِمُوسَى، لَكِن النِّعمَه و الحَق جو بِيَسُوع المَسيح.

لُوقَا 24:46

و هو قال ليهُم: ”مَكتوب كِدا إنّو المَسيح لازِم يِتوَجَّع و يَقوم مِن بين المَيِّتين في اليوم التّالِت.

رؤيا 20:12

و شُفتَ المَيِّتين، الكُبار و الصُّغار، واقِفين قِدّام الكُرسي. و فَتَحو الكُتُب. و فَتَحو كِتاب تاني، و هو كِتاب الحَياة. و هو دان المَيِّتين بِحَسَب المَكتوب في الكُتُب، حَسَب أعمالُم.

رؤيا 11:18

الأُمَم بِقو زَعلانين، و غَضَبَك جا. و الزَّمَن جا عَشان تَحكُم عَلى المَيِّتين، و تَدّي الأُجرَه لِخَدّامينَك الأنبياء و القِدِّسين البِخافو إسمَك، الصُّغار و الكُبار. و عَشان تَخرَب ديل البِخرَبو الأرض.“

٢ تِيمُوثَاوُس 3:11

و طُرودي، و أتعابي الحَصَلَت لَي في أنطاكيّا و وَإِيقُونِيَّةَ و لِسترَه، الطُّرود الأنا إتحَمَّلتا. لَكِن الرَّب خَلَّصني مِن كُلّو دا.

مَتَّى 26:24

صَحيح، إبن الإنسان ماشي زي ما مَكتوب عَنّو. لَكِن حُزن لِلزّول داك اليَسَلِّم إبن الإنسان. كان أحسَن لِلزّول داك إذا ما كان مَولود.“

لُوقَا 16:28

عَشان عِندي خَمسَة أخوان. خَليهو يَشهَد ليهُم، عَلَشانُم ما بِجو كَمان لِمَحَل العَذاب دا.

أعمال الرُّسُل 13:29

و لَمّا تَمَّمو كُل الكان مَكتوب عَنّو، نَزَّلوهو مِن الصَّليب و خَتّوهو في قَبر.

١ كُورِنْثُوس 15:3

عَشان سَلَّمتَ ليكُم في الأوَّل القِبِلتو أنا كَمان، إنّو المَسيح مات فِشان خَطايانا بِحَسَب الكُتُب.

١ كُورِنْثُوس 15:4

و دَفَنوهو، و قام في اليوم التّالِت حَسَب الكُتُب.