أعمال الرُّسُل 24:16 - كِتاب العَهد الجَّديد مِن الكِتاب المُقَدَّس

¹⁶ كِدا بَعِلِّم نَفسي عَشان يَكون لَي دايماً ضَمير بِدون لوم قِدّام الله و النّاس.

أعمال الرُّسُل 24:16 Referans Kwoze

أعمال الرُّسُل 23:1

بُولُس عايَن لِلمَجِلس و قال: ”يا رُجال و أخوان، أنا عِشتَ قِدّام الله بِضَمير فيهو سَلام حَتّى اليوم دا.“

١ تِيمُوثَاوُس 1:5

و نِهايَة الأمر مَحَبَّه مِن قَلِب نَضيف و ضَمير كوَيس و إيمان مُخلِص.

٢ كُورِنْثُوس 4:2

لَكِن نِحنا أبينا نَعمِل أي حاجَه بِالسِّر ولّا الفيهو عيب. ما نَغِش ولّا نَغَيِر كِلمَة الله. بِالعَكس نِبَيِّن الحَق، و نَحمِد نُفوسنا قِدّام ضَمير النّاس و قِدّام الله.

عِبرانيين 10:22

عَلَشان كِدا، خَلّونا نَقَرِّب بِقَلِب أمين و في كُلّو تأكيد الإيمان، و قُلوبنا مَرشوشَه عَشان يَنَضِّفنا مِن ضَمير بَطّال و أجسامنا مَغسولين بِمويَه نَضيفَه.

رُومِيَه 2:15

و هُم بِوَرّو إنّو عَمَل القانون مَكتوب في قُلوبُم. و ضَميرُم كَمان يَشهَد، و أفكارُم يَشتَكو ولّا يِمكِن يَعمِلو عُذر لِنُفوسُم.

٢ كُورِنْثُوس 1:12

عَشان دا فَخرَنا: ضَميرنا يَشهَد لينا، نِحنا مَشينا في الدُّنيا في القَداسَه و الإخلاص المِن الله و خُصوصاً مِن جِهَتكُم. و ما عَمَلنا كِدا بِحِكمَة الإنسان، لَكِن بِنِعمَة الله.

١ بُطْرُس 3:21

و المويَه دي تَشَبِّه المَعموديَّه، مُش غَسيل الوَساخَه مِن الجِّسِم، لَكِن طَلَب ضَمير طَيب لِلَّه. و دي تَخَلِّصكُم هَسَّع بِقيامَة يَسُوع المَسيح.

تِيطُس 1:15

لِلنّاس قُلوبُم نَضيفَه، كُلّو حاجَه نَضيفَه ليهُم. لَكِن لِلنَّجِسين و الما مؤمِنين، ما في حاجَه نَضيفَه ليهُم. لَكِن أفكارُم و ضَميرُم خَربانين.

١ كُورِنْثُوس 4:4

ما بَعرِف حاجَه عَلى نَفسي، لَكِن عَشان كِدا أنا ما بِدون ذَنب، لَكِن اليَحكُم فِيني هو الرَّب.

١ بُطْرُس 3:16

خَلّي ضَميركُم يَكون طَيب، عَشان البِشتِمو مَشيكُم الطَّيب في المَسيح يَخجَلو مِن شَتايِمُم.

١ بُطْرُس 2:19

عَشان دا مَقبول إذا واحِد يِتحَمَّل الضّيق و يِتوَجَّع بِظُلم فِشان الضَّمير عَشان يَطيع الله.

عِبرانيين 13:18

صَلّو فِشانّا. بِنَعرِف بِالحَق نِحنا عِندَنا ضَمير طَيب، و نِحنا عاوِزين نَعيش حَياة أمينَه في كُلّو حاجَه.

عِبرانيين 9:14

و عَلَشان دا الحَق، كَم بِالأكتَر دَم المَسيح عَمَل لينا! هو قَدَّم نَفسو لِلَّه بِالرّوح الأبَدي بِدون عيب. و دَمّو بِنَضِّف ضَمايرنا مِن الأعمال المَيِّتَه عَشان نَخدِم الله الحَي.

٢ تِيمُوثَاوُس 1:3

أنا أشكُر الله البَخدِمو بِضَمير نَضيف، زي ما أبَهاتي خَدَموهو، لَمّا أتزَكَّرَك دايماً في صَلَواتي ليل و نَهار.

١ تَسَالُونِيكِي 2:10

إنتو شاهِدين و الله كَمان، كيف مَشينا بِقَداسَه و بِبِر و بِدون لوم بينكُم إنتو المؤمِنين.

١ تِيمُوثَاوُس 3:9

و هُم قاعِدين يَمسِكو سِر الإيمان بِضَمير نَضيف.

١ تِيمُوثَاوُس 1:19

و تَمسِك بِالإيمان و الضَّمير الطَّيب. بَعض مِن النّاس رَفَضو ديل، و مُركَب إيمانُم إنكَسَرَت.

رُومِيَه 9:1

أقول الحَق في المَسيح. ما بَكَضِّب. و ضَميري شاهِد لَي بِالرّوح القُدُس.

١ كُورِنْثُوس 10:32

ما تَكونو سَبَب لِخَطيَّه لِليَهود ولّا لِناس إغريقيين ولّا لِكَنيسَة الله،