أعمال الرُّسُل 22:16 - كِتاب العَهد الجَّديد مِن الكِتاب المُقَدَّس

¹⁶ و هَسَّع لِشِنو تِستَنّى؟ قوم و إتعَمَّد، و أغسِل خَطاياك، و نادي بِإسم الرَّب.‘

أعمال الرُّسُل 22:16 Referans Kwoze

أعمال الرُّسُل 2:38

و بُطْرُس قال ليهُم: ”توبو و إتعَمَّدو كُلّو واحِد مِنَّكُم بِإسم يَسُوع المَسيح لِغُفران خَطاياكُم، و بِتاخُدو هَديَّة الرّوح القُدُس.

أعمال الرُّسُل 2:21

و كُلّو واحِد الِبِنادي بِإسم الرَّب بِكون مُخَلَّص.

عِبرانيين 10:22

عَلَشان كِدا، خَلّونا نَقَرِّب بِقَلِب أمين و في كُلّو تأكيد الإيمان، و قُلوبنا مَرشوشَه عَشان يَنَضِّفنا مِن ضَمير بَطّال و أجسامنا مَغسولين بِمويَه نَضيفَه.

تِيطُس 3:5

هو خَلَّصنا، مُش بِأعمال البِر النِحنا عَمَلناها، لَكِن بِرَحمَتو. هو خَلَّصنا بِغَسيل الوِلادَه التّانيَه، و بِالرّوح القُدُس العَمَلنا ناس جُداد.

١ كُورِنْثُوس 6:11

و بَعض مِنَّكُم كانو زي داك. لَكِن كُنتو مَغسولين، إتقَدَّستو، إتبَرَّرتو بِإسم الرَّب يَسُوع المَسيح و بِروح إلَهنا.

١ بُطْرُس 3:21

و المويَه دي تَشَبِّه المَعموديَّه، مُش غَسيل الوَساخَه مِن الجِّسِم، لَكِن طَلَب ضَمير طَيب لِلَّه. و دي تَخَلِّصكُم هَسَّع بِقيامَة يَسُوع المَسيح.

غَلَاطِيَّه 3:27

عَشان كُلُّكُم الإتعَمَّدتو لِلمَسيح، لِبِستو المَسيح.

١ كُورِنْثُوس 12:13

عَشان كُلُّنا بِروح واحِد إتعَمَّدنا لِجِسِم واحِد، إذا كُنّا يَهود ولّا ناس إغريقيين، خَدّامين ولّا العِندَهُم حُرّيَّه. و هو أدّانا كُلُّنا روح واحِد عَشان نَشرِبو.

أعمال الرُّسُل 9:14

و كَمان عِندو إذِن مِن القُسُس الكُبار عَشان يَجي هِنا و يَقبُض كُل البِنادو بِإسمَك.“

١ كُورِنْثُوس 1:2

لِكَنيسَة الله الفي كُورِنْثُوس، المُقَدَّسين في المَسيح يَسُوع، المُختارين عَشان يَكونو قِدِّيسين مَعَ كُل البِنادو لِإسم رَبَّنا يَسُوع المَسيح في كُلّو مَحَل، رَبُّم و رَبَّنا.

أعمال الرُّسُل 9:18

و في الوَكِت دا، وَقَع مِن عُيونو حاجَه زي قِشِر، و قِدِر يَشوف مَرَّه تانيَه. و قام و إتعَمَّد.

يُوحَنَّا 13:8

بُطْرُس قال ليهو: ”إنتَ ما تَغَسِّل رِجليني أبَداً.“ يَسُوع قال ليهو: ”إن كُنتَ ما بَغَسِّلَك، ما عِندَك جُزو مَعاي.“

أعمال الرُّسُل 7:59

و وَكِت ما كانو بِرمو اسْتِفَانُوس بِحُجار، هو كان بِصَلّي و يَقول: ”يا رَب يَسُوع، أقبَل روحي.“

أفَسُس 5:26

عَشان يَقَدِّسا و يَنَضِّفا بِغَسيل المويَه بِالكِلمَه.