أعمال الرُّسُل 20:21 - كِتاب العَهد الجَّديد مِن الكِتاب المُقَدَّس

²¹ أنا شاهِد لِليَهود و لِناس إغريقيين بِالتّوبَه لِلَّه، و الإيمان بِرَبَّنا يَسُوع المَسيح.

أعمال الرُّسُل 20:21 Referans Kwoze

أعمال الرُّسُل 2:38

و بُطْرُس قال ليهُم: ”توبو و إتعَمَّدو كُلّو واحِد مِنَّكُم بِإسم يَسُوع المَسيح لِغُفران خَطاياكُم، و بِتاخُدو هَديَّة الرّوح القُدُس.

أعمال الرُّسُل 11:18

و لَمّا سِمِعو دا، سَكَتو و مَجَّدو الله و قالو: ”عَلَشان كِدا الله أدّا لِلأُمَم كَمان التّوبَه لِلحَياة.“

أعمال الرُّسُل 20:24

لَكِنّي ما أحسِب حَياتي غالي لِنَفسي أبَداً، إذا كان بَس أكَمِّل شُغلي و الخِدمَه القِبِلتا مِن الرَّب يَسُوع عَشان أشهَد بِإنجيل نِعمَة الله.

لُوقَا 13:3

أقول ليكُم، لا. و إلّا إنتو تَتوبو، كُلُّكُم بِتموتو زيَهُم.

٢ كُورِنْثُوس 7:10

عَشان الحُزن بِحَسَب إرادَة الله بِجيب توبَه لِخَلاص ما نِتأسَّف عَليها، لَكِن حُزن الدُّنيا بِجيب موت.

رُومِيَه 10:9

عَلَشان إذا إعتَرَفتَ بِخَشمَك بِالرَّب يَسُوع و آمَنتَ بِقَلبَك أن الله قَوَّمو مِن بين المَيِّتين، إنتَ بِتَخلَص.

أعمال الرُّسُل 26:18

عَشان تَفتَح عُيونُم، عَشان يَرجَعو مِن الضُّلُمَّه لِلنّور، و مِن سُلطَة الشّيطان لِلَّه. و بِدا يَقبَلو بِإيمان بي غُفران الخَطايا و مَحَل مَعَ القِدِّسين.

لُوقَا 24:47

و يَبَشِّرو بِالتّوبَه و غُفران الخَطايا بِإسمو لِكُل الأُمَم، و يَبتَدو مِن أُورُشَلِيم.

١ يُوحَنَّا 5:5

مِنو هو البِغلِب الدُّنيا؟ بَس البِآمِن أن يَسُوع هو إبن الله.

أعمال الرُّسُل 26:20

لَكِن خَبَّرتَ في الأوَّل النّاس الفي دِمَشق، و بَعدين، ديل الفي أُورُشَلِيم و كُلّو مَحَلّات اليَهُودِيَّه، و بَعدين الأُمَم كَمان. و خَبَّرتُم أن يَتوبو و يَرجَعو لِلَّه، و يَعمِلو أعمال تِستَحِق التّوبَه.

١ يُوحَنَّا 5:1

كُلّو واحِد بِآمِن بِيَسُوع هو المَسيح، هو مَولود مِن الله. و كُلّو واحِد بِحِب الأبو بِحِب المَولود مِنّو كَمان.

فِلِيمُون 1:5

عَشان بَسمَع بِمَحَبَّتَك و إيمانَك نَحو الرَّب يَسُوع و لِكُل القِدِّسين.

أفَسُس 1:15

عَلَشان كِدا، أنا كَمان لَمّا سِمِعتَ بِإيمانكُم بِالرَّب يَسُوع، و مَحَبَّتكُم لِكُل القِدِّسين،

غَلَاطِيَّه 2:20

إنصَلَبتَ مَعَ المَسيح. و أنا ما بَعيش تاني، لَكِن المَسيح، هو بِعِيش فِيني. و الحَياة البَعيشا هَسَّع في الجِّسِم، بَعيشا في الإيمان بِإبن الله الحَبّاني، و أدّا نَفسو فِشانّي.

رُومِيَه 5:1

هَسَّع عَلَشان إتبَرَّرنا بِالإيمان، عِندَنا سَلام مَعَ الله بِرَبَّنا يَسُوع المَسيح.

رُومِيَه 4:24

لَكِن فِشان نِحنا كَمان. عَشان الله يَسَوّينا بارين، نِحنا البِنآمِن بيهو القَوَّم رَبَّنا يَسُوع مِن بين المَيِّتين.

رُومِيَه 1:16

أنا ما خَجلان مِن الإنجيل، عَشان هو قُوَّة الله عَشان يَخَلِّص كُل البِآمِنو، لِليَهود في الأوَّل، و بَعدين لِناس إغريقيين.

أعمال الرُّسُل 17:30

و الله، في الزَّمَن الفات، مَرَّه عَليهُم، عَشان ما في مَعرِفَه. لَكِن هَسَّع هو يأمُر كُل النّاس في كُلّو مَحَل أن يَتوبو.

مَرْقُس 6:12

و مَرَقو، و بِشَّرو أن النّاس لازِم يَتوبو.

مَرْقُس 1:15

و قال: ”الوَكِت كِمِل، و مَلَكوت الله قَرَّب. توبو، و صَدِّقو بِالإنجيل.“

مَتَّى 4:17

مِن الوَكِت داك يَسُوع إبتَدا يَبَشِّر، و يَقول: ”توبو، علشان مَلَكوت السَّما قَريب.“

غَلَاطِيَّه 3:22

و لَكِن الكِتاب حَبَس كُل الدُّنيا تِحِت قُوَّة الخَطيَّه. و كان كِدا عَشان يَدّي الحاجَه الهو وَعَد بيها بِإيمان بِيَسُوع المَسيح، لِلمؤمِنين.

غَلَاطِيَّه 2:16

و بِنَعرِف الزّول ما يِتبَرَّر بِأعمال القانون، لَكِن بِالإيمان بِيَسُوع المَسيح. نِحنا كَمان آمَنّا بِيَسُوع المَسيح عَشان نِتبَرَّر بِالإيمان بِالمَسيح، مُش بِأعمال القانون. عَلَشان و لا واحِد يِتبَرَّر بِأعمال القانون.

١ كُورِنْثُوس 1:22

عَلَشان اليَهود يَسألو عَلامات، و ناس إغريقيين يَطلُبو حِكمَه.

رُومِيَه 2:4

ولّا تَشتِم غِنى لُطفو و إحتِمالو و صَبرو الطَّويل؟ و ما بِتَعرِف الله يَوَرّي لُطفو عَشان يَقودَك لِلتّوبَه؟

رُومِيَه 1:14

أنا عِندي دين لِناس إغريقيين و الما إغريقيين، لِلفاهمين و الغُشام.

أعمال الرُّسُل 28:23

و إختارو ليهو يوم، و كَتيرين جو ليهو لِبيتو. و إبتَدا يَشهَد بِمَلَكوت الله، و يَكَلِّمُم كَتير بِالبِخُص يَسُوع مِن قانون مُوسَى و مِن الأنبياء، مِن الصَّباح لِغايَة المِسا.

أعمال الرُّسُل 16:31

و قالو: ”آمِن بِالرَّب يَسُوع، و بِتَخلَص، إنتَ و أهل بيتَك.“

أعمال الرُّسُل 10:43

و كُل الأنبياء يَشهَدو ليهو أن كُلّو واحِد البِآمِن بيهو بِقبَل بِإسمو غُفران الخَطايا.“

أعمال الرُّسُل 8:25

بَعدين لَمّا أدّو الشَّهادَه لِكِلمَة الرَّب، و خَبَّرو بيها، بُطْرُس و يُوحَنَّا رَجَعو لِأُورُشَلِيم. و وَكِت ما هُم في السِّكَّه، كانو بِبَشِّرو بِالإنجيل في حِلَل كَتيرَه مِن السّامِريّين.

أعمال الرُّسُل 3:19

عَلَشان كِدا، توبو و أرجَعو لِلَّه، فِشان الله يَشيل خَطاياكُم مِنَّكُم، و عَلَشان وَكِت الرّاحَه بِجي مِن قِدّام الرَّب.

أعمال الرُّسُل 2:40

و بِكِلمات تانيَه كَتيرَه، بُطْرُس كان بِهَظِّرُم و بِبَشِّرُم و قال: ”أخلَصو مِن ناس الزَّمَن دا البَطّالين.“

يُوحَنَّا 20:31

لَكِن دي مَكتوبَه عَشان تَآمِنو إن يَسُوع هو المَسيح إبن الله. و لَمّا تَآمِنو، تَكون ليكُم حَياة بِإسمو.

يُوحَنَّا 3:36

هو البِآمِنو بِالإبن، ليهو الحَياة الأبَديَّه. و هو الما بِآمِنو بِالإبن، ما بِشوف الحَياة، لَكِن غَضَب الله يَبقى عَليهو.

لُوقَا 15:10

و أقول ليكُم، بِكون فَرَح زي دا قِدّام مَلائِكَة الله، بِخاطي واحِد يَتوب.“

لُوقَا 15:7

أقول ليكُم، بِكون فَرَح زي دا في السَّما عَلى خاطي واحِد يَتوب، أكتَر مِن تِسعَه و تِسعين عَديلين ما بِحتاجو لِلتّوبَه.

لُوقَا 13:5

أقول ليكُم، لا. و إلّا تَتوبو، كُلُّكُم بِتموتو زيَهُم.“

مَتَّى 3:2

و يَقول: ”توبو، فِشان مَلَكوت السَّما قَريب.“

كُولُوسِّي 2:5

و لَو أنا مُش مَعاكُم في الجِّسِم، أنا مَعاكُم بِالرّوح، و مَبسوط عَشان أشوف تَرتيبكُم و كيف إيمانكُم ثابِت في المَسيح.

أعمال الرُّسُل 24:24

و بَعَد أيام قَليلَه، فِيلِكْس جا مَعَ دُرُوسِلا، مَرَتو، و هي يَهُودِيَّه. و هو رَسَّل و جاب بُولُس، و سِمِع مِنّو عَن الإيمان بِيَسُوع المَسيح.

أعمال الرُّسُل 19:17

و دا بِقى مَعروف لِكُل اليَهود و ناس إغريقيين السّاكنين في أفَسُس. و كُلُّهُم خافو، و مَجَّدو إسم الرَّب يَسُوع.

لُوقَا 16:28

عَشان عِندي خَمسَة أخوان. خَليهو يَشهَد ليهُم، عَلَشانُم ما بِجو كَمان لِمَحَل العَذاب دا.

أعمال الرُّسُل 20:23

إلّا الرّوح القُدُس يَشهَد لَي في كُلّو مَدينَه، و يَقول جَنازِير و أتعاب يِستَنّوني.