أعمال الرُّسُل 2:4 - كِتاب العَهد الجَّديد مِن الكِتاب المُقَدَّس

⁴ و كُلُّهُم كانو مَليانين مِن الرّوح القُدُس، و بَدو يِتكَلَّمو بِلُغات مُختَلِفَه زي ما أدّاهُم الرّوح القُوَّه عَشان يِتكَلَّمو.

أعمال الرُّسُل 2:4 Referans Kwoze

مَرْقُس 16:17

و العَلامات دي تَمشي مَعَ المِصَدِّقين. بِإسمي، يَمَرِّقو شياطين، و يِتكَلَّمو بِلُغات جَديدَه،

أعمال الرُّسُل 13:52

و التَّلاميذ كانو مَليانين بِالفَرَح و الرّوح القُدُس.

أعمال الرُّسُل 4:31

و لَمّا صَلّو، المَحَل الهُم كانو بِتلَمّو فيهو إتهَزَّ. و كُلُّهُم إتمَلو مِن الرّوح القُدُس. و كانو بِيِتكَلَّمو بِكَلام الله بِشَجاعَه.

أفَسُس 5:18

ما تَكونو سَكرانين بِالخَمر، البِقود لِلخَراب، لَكِن كونو مَليانين بِالرّوح.

١ كُورِنْثُوس 12:10

و لِتاني، عَجايِب، و لِتاني، نُبوَّه، و لِتاني، قُدرَه عَشان يَفهَم الفارِق بين الأرواح، و لِتاني، قُدرَه عَشان يتكَلَّم بِأنواع اللُّغات، و لِتاني، تَرجَمَة لُغات.

يُوحَنَّا 14:26

و لَكِن المُساعِد، الهو الرّوح القُدُس، الأبو بِرَسِّلو بِإسمي، هو بِعَلِّمكُم كُلّو حاجَه، و يَزَكِّركُم بِكُل القُلتو ليكُم.

أعمال الرُّسُل 19:6

و لَمّا بُولُس خَتَّ إيدينو فوقُم، الرّوح القُدُس جا عَليهُم، و إتكَلَّمو بِلُغات و إتنَبّو.

أعمال الرُّسُل 10:46

عَلَشان هُم كانو يَسمَعوهُم يِتكَلَّمو بِلُغات، و يَمَجِّدو الله.

أعمال الرُّسُل 9:17

و حَنانيّا مَرَق و دَخَل البيت، و خَتَّ إيدينو فوقو و قال: ”يا أخي شَاوُل، الرَّب يَسُوع الظَّهَر ليك في السِّكَّه في الوَكِت الأنتَ جاي هِنا، هو رَسَّلني عَشان عُيونَك بِتكون مَفتوحَه، و إنتَ بِتكون مَليان بِالرّوح.“

أعمال الرُّسُل 7:55

لَكِن اسْتِفَانُوس كان مَليان بِالرّوح القُدُس، و عايَن لِلسَّما، و شاف مَجد الله و يَسُوع واقِف عَن يَمين الله.

أعمال الرُّسُل 1:5

عَشان يُوحَنَّا عَمَّد بِالمويَه، و لَكِن إنتو بِتِتعَمَّدو بِالرّوح بَعَد أيام قَليلَه.“

١ كُورِنْثُوس 13:8

المَحَبَّه ما تَقَع أبَداً. إذا كان في نُبوات، هُم بِتَخلَصو، و اللُّغات عِندَهُم نِهايَه، و المَعرِفَه بِتَخلَص.

١ كُورِنْثُوس 13:1

إذا كان بَتكَلَّم بِلُغات النّاس و المَلائكَه، و لَكِن ما عِندي مَحَبَّه، بِقيت زي جَرَس لَمّا واحِد يَدُقّو، ولّا نَحاس لَمّا الزّول يَضرُبو.

أعمال الرُّسُل 13:9

لَكِن شَاوُل، الإسمو بُولُس كَمان، و هو مَليان بِالرّوح القُدُس، عايَن لِعَليم و قال:

أعمال الرُّسُل 2:11

ناس كَريت و ناس العَرَب، بِنَسمَعُم يِتكَلَّمو بِلُغاتنا عَن الأعمال الكَبيرَه بِتاعَت الله.“

لُوقَا 12:12

عَشان الرّوح القُدُس بِعَلِّمكُم في نَفس السّاعَه الكَلام اللازِم تِتكَلَّمو بيهو.“

١ كُورِنْثُوس 14:18

أشكُر الله أنا أتكَلَّم بِاللُّغات زِيادَه مِن كُلُّكُم.

رُومِيَه 15:13

و إلَه الرَّجاء يَملاكُم كُلّو فَرَح و سَلام في الإيمان، عَلَشان تَزيدو في الرَّجاء بِقوَّة الرّوح القُدُس.

أعمال الرُّسُل 4:8

في الوَكِت دا، بُطْرُس و هو كان مَليان مِن الرّوح القُدُس، قال ليهُم: ”يا رؤساء النّاس و شُيوخ إِسْرَائِيل،

يُوحَنَّا 20:22

و لَمّا قال كِدا، إتنَفَّس عَليهُم و قال: ”أقبَلو الرّوح القُدُس.

لُوقَا 4:1

و رَجَع يَسُوع مِن الأُرْدُنّ مَليان بِالرّوح القُدُس. و كان الرّوح يَقودو في الخَلا أربَعين يوم.

١ بُطْرُس 1:12

الله وَرّاهُم إنّو شُغلُم كان لِفايدَتكُم و ما لِفايدَة نُفوسُم. و هُم الخَبَروكُم عَن الحاجات السِّمِعتو هَسَّع مِن البَشَّروكُم بِالإنجيل بِالرّوح القُدُس المُرسَل مِن السَّما. المَلائكَه كَمان عاوِزين بِشِدَّه يَعرِفو عَن الحاجات ديل.

١ كُورِنْثُوس 14:5

أنا داير كُلُّكُم تِتكَلَّمو بِلُغات، و لَكِن فوق كُلّو حاجَه دَايِركُم تِتنَبّو. عَشان البِتنَبّا أكبَر مِن البِتكَلَّم بِلُغات إلّا إذا واحِد يَتَرجِم، عَشان يَساعِد الكَنيسَه.

أعمال الرُّسُل 11:15

و لَمّا إبتَديت أتكَلَّم، الرّوح القُدُس نَزَل عَليهُم زي ما نَزَل عَلينا في البِدايَه.

أعمال الرُّسُل 6:5

و كُل التَّلاميذ كانو مَبسوطين مِن الكَلام دا. و إختارو اسْتِفَانُوس، راجِل مَليان بِالإيمان و الرّوح القُدُس، و فِيلُبُّس و بُرُوخُورُس و نِيكَانُور و تِيمُون و بَرْمِينَاس و نِيقُولاوُس الصَّدَّق بِالدّين اليَهودي مِن أنطاكيّا.

أعمال الرُّسُل 6:3

كِدا، يا أخوان، إختارو سَبعَه رُجال مِنَّكُم المَعروفين، مَليانين بِالرّوح و الحِكمَه، و بِنَدّيهُم السُّلطَه عَلى الحاجات دي.

أعمال الرُّسُل 1:8

لَكِن إنتو بِتَقبَلو قُوَّه لَمّا الرّوح القُدُس بِجي عَليكُم. و بِتكونو شاهِدين لَي في أُورُشَلِيم و في كُل اليَهُودِيَّه و السَّامِرَه لِغايَة آخِر الدُّنيا.“

لُوقَا 1:15

عَشان هو بِكون عَظيم قِدّام الرَّب، و ما بِشرَب خَمُر ولّا مَريسَه أبَداً، و بِكون مَليان بِالرّوح القُدُس و هو لِسَّع في بَطن أُمّو.

أفَسُس 6:18

صَلّو دايماً بِكُلّو صَلاه و طَلَب في الرّوح. و خَلّو بالكُم لِدا و أحرِسو و صَلّو كُلّو وَكِت بِطَلَب عَشان كُل القِدِّسين.

أفَسُس 3:19

و تَعرِفو مَحَبَّة المَسيح، الفوق المَعرِفَه، عَلَشان تَكونو مَليانين تَمام بِالله نَفسو.

أعمال الرُّسُل 11:24

عَشان هو كان راجِل صالِح، مَليان بِالرّوح القُدُس و بِالإيمان. و عَدَد كَبير مِن النّاس إتلَمّو لِلرَّب.

أعمال الرُّسُل 6:8

و اسْتِفَانُوس كان مَليان نِعمَه و قُوَّه، و كان بِسَوّي عَجايِب و عَلامات كَبيرَه بين النّاس.

لُوقَا 21:15

عَشان أنا بَدّيكُم كَلام و حِكمَه، و عُدوانكُم ما بِقدَرو يَغلِبو كَلامكُم ولّا يَعاكِسوهو.

لُوقَا 1:67

و زَكَرِيَّا أبوهو إتمَلا بِالرّوح القُدُس، و إتنَبّأ و قال:

لُوقَا 1:41

و وَكِت أَلِيصَابَات سِمِعَت سَلام مَرْيَم، الجَّنى إتحَرَّك في بَطنا، و أَلِيصَابَات إتمَلَت بِالرّوح القُدُس.

مَتَّى 10:19

و لَمّا يَسَلِّموكُم، ما تَفَكِّرو كَتير كيف تِتكَلَّمو ولّا بِتقولو شِنو. عَشان في السّاعَه ديك، بِدّي ليكُم البِتكَلَّمو بيهو.

٢ بُطْرُس 1:21

عَلَشان ما في نُبوَّه أبَداً جات مِن إرادَة زول، لَكِن رُجال إتكَلَّمو مِن الله، زي الرّوح القُدُس كان بِقودُم.

أعمال الرُّسُل 2:3

و ظَهَرَت ليهُم لِسانات مُنقَسِمَه، زي مِن نار، و قَعَدت عَلى كُلّو واحِد مِنَّهُم.

أعمال الرُّسُل 8:17

و بَعَد دا، بُطْرُس و يُوحَنَّا خَتّو إيدينُم عَليهُم، و هُم قِبلو الرّوح القُدُس.

أعمال الرُّسُل 10:47

في الوَكِت دا، بُطْرُس قال ليهُم: ”في واحِد البِقدَر يَمنَع النّاس ديل مِن المَعموديَّه بِالمويَه؟ عَشان هُم قِبلو الرّوح القُدُس زيَنا.“

أعمال الرُّسُل 15:8

و الله البِعرِف القُلوب، شِهِد ليهُم لَمَّن أدّاهُم الرّوح القُدُس زي ما أدّانا كَمان.